محل جواﻻت وابي استشارتكم ومتطلباته
 

السﻻم عليكم ....
اخوي ناوي يشتري محل جواﻻت فيه بضاعه بس مو كثيره قليله شوي وحايشتري هالمحل ببضاعته كامله ايش المتطلبات واﻻجرات لهذا المحل /الرخصه يحولها بااسمه ويبي يقدم على مكتب العمل ياخذ فيز 2 بهذه الرخصه فيي شي اخر ﻻبد منه غير هاﻻثنين ؟؟علما بأن اسم المنشأه بيع اجهزة جواﻻت وفكرته انه اول مايشتريه يجيب له فني صيانه ....ابي رأيكم ورأي اصحاب الخبره الله يجزاكم كل خير

بأذن الله أصحاب الخبرو مايقصرو معاك ...
ويعطيك العافية يارب ...
بالتوفيق للجميع يارب ...
جزاك الله كل خير ...

وعليكم السلام ورحمة الله وبركاته

خطوه مباركه يارب

تفكير اخوك سليم

بس بالأول تأكدوا من موقع المحل؟
والأفضل دائما يكون اما في مجمع جوالات أو يكون محل وبجانبه عدة محلات من نفس النشاط

لأن موقع المحل هو أساس في نجاحه أو فشله


أما الاكسسوارات أمرها بسيط
تقدر تشتريها بطريقتين وأنا أرشح لك الاولى دام المحل يعتبر جديد.
الاولى : تشتري بالجملة من محلات الراجحي بالبطحاء وهي رخيصه جدا.
الثانيه : تستورد من الصين وهي أرخص بكثييير من هنا.


ملاحظه هامه :
#الصيانه هي المصدر الأووووول للربح من محل الجوالات
وبعد الصيانه يجي بيع الاكسسوارات

ركز على الشيئين هذي فقط ، وبإذن الله تتوفق وتوصل للي تطمح له يارب

تحياتي

الاكسسوارات نسبة ربحها عالية جدا

تسلم اخووي جزيت خيرا وووودي اسئل عن المتطلبات حقت المحل والمحل قديم له سنه فاتح مو جديد المتطلبات اقصد فيها اجراءت المحل غير رخصة المحل ايش باقي سجل تجاري وغيره هل يحتاج اما فقط رخصة المحل واقدم على مكتب العمل اطلب فيز ؟؟

ولو حبيبي ، تحت أمرك بأي وقت

انا كنت فاتح زمان داخل مجمع اتصالات ، بدون رخصة محل ولا سجل تجاري ولا اي شيء << لأني كنت اشتغل بنفسي وما استقدمت عامل

بس اذا كنت تبي تستقدم عامل ، لابد من رخصة بلدية
والسجل التجاري ماهو ضروري لنشاط الاتصالات ، الا اذا تغير النظام من بعدي
لأن تجربتي كانت قبل سنتين

بخصوص المتطلبات :
أول شيء استأجر المحل ، ثم ركب لوحه ، ثم جهز المحل (مو شرط يكون فيه اغراض) ، ثم بعد كذا اطلع للبلدية وخذ معك التالي : صورة عقد الايجار + صورة الهويه .. وقدم على طلب رخصة
راح يرسلون لك المراقب يزور المحل بعد يومين تقريبا
وبعد مايزور المحل راح يصدرون لك الرخصة باليوم اللي بعد زيارته

وبعد كذا خذ الرخصة واتجه لمكتب العمل
وقدم على طلب فيزا
بس قبل ماتقدم على الطلب ، سدد رسوم الفيزا وهي 2000 ريال للعامل الواحد

ثم انتظر اسبوعين وراح يصدرون لك الفيزا

وبس ،،،

إن أصبت فمن الله وإن أخطأت فمن نفسي والشيطان



شد حيلك والله ويرزقنا ويرزقك من واسع فضله