|
مساعدة بخصوص مشروعي جداا محتارة ياليت تساعدوني
السلام عليكم ورحمة الله وبركاتة
انا لي سنة ونص تقريبا ابتديت بمشروع صغير ببيتي تنسيق حفلات عن طريق المنتديات والانستقرام والحمدلله تقريبا انعرفت وكونت زباين ودخلي اصبح حلو ماشاءالله .. طبعا انا مااستقبل زباين التواصل عن طريق الواتس او الاتصال.. ومافي غير غرفة واحدة بس فيها اغراض المشروع .., وحاليا افكر اني افتح محل واطور مشروعي اكثر وادخل بمجال الكوش ومسكات العرايس وعمل كروت دعوة يعني يكون المحل شامل جميع المناسبات ..لان انا حاليا اشتغل بس على تنسيق الطاولات وتغليف الهدايا وحفلات الاطفال والتوزيعات .. لكن بصراحة ماني شايله غير هم شي واحد الكوش بس مين يركبها وكذا .. والمحل يحتاج كم عامل لتركيب الكوش لان انا افضل ان المحل يكون نسائي زي المشاغل حتى اشرف على المحل براحتي فقط اجيب موظفة واحدة للاستقبال.. لكن انا جدا مترددة بالمحل وزوجي مو مشجعني يقولي انتي كذا مرتاحة وبالبيت افضل لاتدخلي نفسك بحوسة محل وايجار وعمال ومن هالكلام ومادري محتارة .. علما اني الحمدلله ذوقي جدا رفيع وبشهادة زبايني يعني عندي القدرة اني اميز محلي عن باقي المحلات .. فياليت تساعدوني بارائكم ايش الافضل اقدم عالمحل ولا بالبيت ..علما اني ماعندي المبلغ لفتح المحل يعني راح اقدم على ريادة او عبداللطيف جميل :y وطلب اخير وين الاقي دراسة مشروع لتنسيق حفلات لاني لي فترة طويله ادور بالنت مالقيت :( |
فعلا من البيت أفضل ولاراح يردك من الزباين بالعكس .. والله يوفقك ويرزقك
|
وعليكم السلام ورحمة الله وبركاته
ماشاءالله عليك ، خطوه ممتازه ماعندي خلفيه للأمانه عن تكاليف المحل ، بس اذا قررتي تفتحين خليه محل شامل يعني : هدايا و حفلات وتنسيق وبخصوص دراسة الجدوى - ادخلي موقع حراج واطلبي دراسة جدوى راح يجيك كثير بس راح يطلبون مبالغ على عمل الدراسة .. تتراوح قيمتها مابين 100 ريال إلى 200 ويمكن اقل على حسب مزاج الشخص يعني دعواتي لك بالتوفيق |
احذري تتوسعي في التجارة بدون رضى زوجك
تخسري بيتك لاقدر الله الله يوفقكم ويسعدكم |
اقتباس:
بس زوجي من الشخصيات الي تخاف تجازف ..فيشوف بما ان الشغل ماشي مو لازم محل .. لكن انا حاسة اني ماراح اطور من نفسي غير محل لاني ببدا بمجال الكوش والكوش يبغالها عاملين اقل شي لتركيبها ...وانا عندي القدرة اني ادير محل لكن بنفس الوقت متخوفة جدا .. |
فيه فكره انو تشيكي ع محلات الكوش وتصوري الكوش وتنسقيها بالبوم
فتكوني متفقه مع صاحب المحل انك تسوقي له و يعطيك سعر مخفض وانتي لما تعرضي الكوش تحطي سعرك .. فبدل ماتوفري مساحة لتخزين الكوش وعامل للتركيب اشوف هالفكرة افضل واسهل .. ا |
اولا اهنيك واسأل الله لك مزيدا من النجاح
ثانيا لكلا الامرين سلبيات وايجابيات شوف انتي الايجابيات والسلبيات وقارني واستخيري وشوف الي يناسبك من سلبيات المحل الايجار و الايدي العامله ولكن من ايجابياته التوسع في الشغل ومن ايجابيات البيت ان مافي ايجار ولا ايدي عامله ولا اجراءات حكوميه يعني مافي اشتراطات ولا شي وايضا من الايجابيات انه بحكم انك امرأة شغلك في بيتك ما يحتاج تطلعين ، وايضا تشتغلين على رواق واي وقت في اخر الليل في الصباح كله عادي بس اذا في محل كل يوم وانتي رايح المحل وما اظن تقدري تروحي كل وقت . انا الصراحه من وجهة نظري ان كونك امرأة ومتزوجه اشتغلي من بيتك افضل لك وممكن تحاولي تتوسعي في البيت واذا البيت ضيق وهو ايجار فشوفي بيت ايجار اوسع والله يوفقك ويستر عليك |
أختي انتي من اي منطقه
|
العمل في الواقع جدا مختلف عن العمل من المنزل
جربي تختبري نفسك في البداية واشتغلي موظفة منسقه كوش وحفلات عند اي محل او قاعة افراح واذا شفتي انك قادرة افتحي محلك الخاص |
كملي شغل من البيت أفضل وكل شي تعمليه صوريه وانشريه في المنتديات النسائية .. ونصيحة اول شي خلي السعر قليل عشان تكسبي زباين كثر يعني يكون شي مربحك منه قليل وليس تعملي بخسارة .. وزي مايقولو قليل مستمر خير من كثير منقطع ... ولمن تجمعي مبلغ يكفي لبدأ العمل على أرض الواقع لا تترددي ولكن قبل كل شي استخيري الله ... وإن شاءالله ربي بيفتحها عليكم من واسع فضله ... ولا تنسي تنزلي صدقه عشان ربي يباركلك في عملك ويزيدك ... وصل اللهم وبارك على سيدنا محمد ..... بالتوفيق
|
| الساعة الآن 04:47 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين