وش الحل مع المقابلات الاستفزازية
 

إخواني وأخواتي أحيانا في المقابلات تكون فيه أسئلة استفزازية وكلام غير لائق وش الحل معها آخر مقابلة سويتها كان يقول شكلك مبزوط وراعي نوم وما تعرف تشتغل انا استغرب من ذا الكلام وأكيد فيه احد مثلي صار له هاشي يحسسني اني جاي أطره كيف أتعامل معهم اسكت علشان لقمة العيش او أدر عليه

رد بكل ثقه وشموخ

وليفهم بأنه هو بحاجة الموظفين وأنت تبحث عن حق مشروع

انت دايم حاول تفهم وش غايته من السوال
يعني مثل هالأسله تلقاه يبي يشوف انت من الناس اللي يعصبون بسرعه ولا لا لأنه يمكن يكون مرشحك لوظيفه به احتكاك مع الناس مباشره فأنت بهالحاله لا تبين له انك تنرفزت او مالقيت إجابة
فانا بمكانك لو قالو شكلك مبزوط اقول ان شاءالله اني اخلف توقعاتكم وانا على اتم الأستعداد بتحمل اعباء العمل ولا تقدمت لكم الا رغبة بذلك :)

يشوفون ردة فعلك بس
واخرتها نتصل عليك
ولا حس ولا خبر هههه

والله انك صادق استفزازيه


بس انا ابتسم وجوى احترق



والقهر صدق بعد ماتستحمل هالاسلوب مايقبلونك


ودك تروح تتوطا بطنه !

خلي الكورة بملعبك ولا تحاول تعصب او تزعل بأي شكل من الاشكال هم يبون يشوفو تحملك للنرفزة

تراهم يعرفون ابسط اساليب الزعل من تعابير وجهك وطريقة ردك هذي يمكن انت ما تحس فيها لكنها تأثر عليك

حاول تخلي روحك رياضية وتبتسم على كل سؤال الابتسامة ضرورية ورد بتواضع وعملية لا تتوتر ولا تزعل ابد

الاسئلة الاستفزازية الاساس ليس السوال ولاكن يشوفون ردت الفعل في بعض الوظائف تطلب ضغط عمل وهذا المقابلات لها اساس بالمسمى الوظيفي اختبار ناسخ ليس كاختبار محاسب مالي ممكن الي يختبرون في مقابلة ناسخ يقولك كلمني عن نفسك ايش قدرت في طريقه النسخ والكتابه .. بينما في محاسب مالي او التخصصات الحساسية اموال علاقات ممكن يسالك سوال يقولك شكلك ماتعرف تحسب او اسلوبك بالحساب ضعيف والوظيفه ماراح تناسبك هنا يشوف ردت الفعل طبعا البعض يتنرفز وهو بالاساس يشوف اسلوبك في التعامل في هذي الوظيفه
...

طبعا انا سويت مقابلة لدرجة وصلت لمرحله ماثق في نفسي رغم اني داخل بقوة وباصرار بس كانو الي يسون معي مقابلة استشاري عددهم ثلاثه ومن بين الاسئلة الظاهر ماراح نقبلك ؟؟ طبعا قلت انا الي بيكتبه ربي بيصير قال شنو تخصصك جاوبته قال اوف كل ذا تخصصك ليش تخصصك موب قوي تخصصك ترا ماله فايده والحمد لله عديت على خير ونجحت في المقابلة رغم اني خرجت من المقابلة وانا توقعت اني فعلا ماراح يقبلوني هههههههههههههههههههههههههههههههههه وعلى العموم هي ارزاق احيانا تنجح بكل شي وفي االاخير يوظفون الاقارب وهذي كثير تصير (:

اذا الاستفزاز حسسك بالطراره حسسهم بالعكس .. انه ماوقفت على وظيفتكم قبلتوا اهلا وسهلا ماقبلتوا بالطقاق غيركم 100 ... :)

بالنسبه لي بتقبل اي سوال فالمقابله ، لان الناس الي قدامي لا يعرفوني ولا اعرفهم ولا بيننا شيء ، فالغرض من أسئلتهم الاطلام على شخصيتك وقوة تحكمك بأعصابك ، وماتكون هذه الاسئله الا بالوظيفه الي يكون فيها مقابله مباشره مع الجمهور والخ ...


فالشخص الواثق بنفسه والمعتدل بأذن الله راح يعدي غالباً ..