|
تجـمع الحـرس الملكـي - نتائج - مقابـلات - نقاشـات لعـ1435ــام
]http://im48.gulfup.com/LjUzrh.jpg]
السلام عليكم ورحمة الله وبركاتة صباح الخير / مساء الخير اولاً : هذا الموضوع لجميع استفسارات الحرس الملكي من تقديم ومقابلات ونتائج وانما هو الا مكمل للموضوع القديم الذي من عام 2012 وقد كثرت صفحاته ومن اراد الرجوع للموضوع القديم على هذا الرابط https://www.btalah.com/t422231.html واتمنى من الاعضاء ان يضعوا جميع اسألتهم هنا وان شاء الله سوف اجاوب على جميع الاسأله التي اعرفها ان شاء الله واسأل الله لي ولكم التوفيق من شروط الحرس الملكي؟ 1. أن يكون المتقدم سعودي الأصل والمنشأ والولادة (ويستثنى من ذلك من ولد ونشأ مع والده الذي تواجد لظروف العمل أو الدراسة أو الإجازة خارج المملكة على أن لا يحمل جواز وجنسية البلد الذي ولد فيه). 2. أن يكون حسن السيرة والسلوك وغير محكوم عليه بحد شرعي أو في جريمة مخلة بالشرف أو الأمانة وأن لا يكون مطرودا من إحدى الكليات أو المعاهد العسكرية لأي سبب. 3. .أن يكون المتقدم حاصل على شهادة الثانوية أو مايعادلها او دبلوم او بكالريوس . 4. أن لا يقل عمره المتقدم عن 17 عاما ولا يزيد عن 30 عاما . 5. أن لا يقل طوله عن 175 سم وان يكون الوزن مناسباً لطوله وأن يكون ذو بنيه جيده تتناسب مع طوله . 6. أن يجتاز اختبار القبول والمقابلة الشخصية وفقاً للشروط المحددة . 7. أن يكون لائقاً طبياَ للخدمة العسكرية وسالماً من الأمراض . 8. أن لا يكون موظفا في أي جهة حكومية مدنية أو عسكرية أو سبق له ذلك وان لا يكون متزوج من غير سعودية. 9. أن يتعهد المتقدم على نفسه بالخدمة العسكرية مدة أربع سنوات. وسوف ابدا واقول جميع مراحل القبول التي ستحصل معي اسأل الله لي ولكم التوفيق وصالح الاعمال |
السلام عليكم
اخوي اذا ممكن تخبرني عن مدة دورة السواقين وهل الي بجده الحين فيها سواقين |
بالتوفيق للجميع انشالله
|
اولاً سأقول ما حصل معي بالتفصيل الممل
في تاريخ 1435/6/16 قمت بالتسجيل في الحرس الملكي على الرابط التالي http://apps.rgr.gov.sa:8888/RGR/faces/rg_index علماً بأن التسجيل مفتوح طول السنه ولا يوجد اي اولويه لأسبقية التسجيل علماً بأني احمل شهادة الثانوية العامة /التخصص شرعي ومعي رخصة عمومي نقل خفيف وبتاريخ 1435/5/10 اتصلت على تجنيد الحرس الملكي بجدة علماً بأني اتصلت على تجنيد الرياض ولكن دون جدوى لا يردو واتصلت على تجنيد جدة للحرس الملكي على رقمهم التالي 0122214902 وكانت المكالمة كالآتي السلام عليكم= وعليكم السلام صباح الخير = صباح النور يا اخوي انا متقدم على موقعكم وعندي الثانوية العامة ورخصه عمومي هل بإمكاني مراجعتكم = اللجنة الان مو موجودة بجدة اللجنة بالرياض وان شاء الله راح تجينا في 7/1 فقلت له اكيد يا اخوي فقال لا مو اكيد انت قبل تجي اتصل وتأكد فقلت له طيب يا اخوي لو جت اللجنة اراجعكم حتى لو ما وصلتني رسالة الموعد فرد وقال يوم يجي 7/1 اتصل وتأكد لو جت شيل ملفك وتعال بدون رساله ومرت الايام ترم ترم ترم هههههههههه وبتاريخ 1435/6/14 يوم الاثنين رجعت اتصلت على نفس الرقم لأجل اتأكد وكان حديثنا كتالي السلام عليكم = وعليكم السلام صباح الخير = صباح النور يا اخوي حبيت اسألك اللجنه جت عندكم حق التجنيد والا باقي = نعم اللجنه جت والتقديم مفتوح (كانت اول الفرحة) من متى يا اخوي فاتحين التقديم = من امس طيب يا اخوي انا مقدم على موقعكم وعندي ثانوية ورخصه عمومي ولكن ما وصلني رساله موعد بالحضور لو راجعتكم تقبولني = نعم تعال وان شاء الله نقبلك. وبتاريخ 1435/6/20 يوم الاحد راجعتهم بملفي وهي الاوراق المطلوبة صورة شهادة الثانوية . وصورة البطاقة الشخصية . وصورة كرت العائلة . وصورة بطاقة الوالد . حلاقة شعر الراس رقم 4 لازم جيتهم الساعه 6:15 بدون موعد( وكنت خايف يطردوني) وكان عدد الحضور كثير امام البوابة وجاء عسكري كان يختار الطوال علماً بأن طولي 180 قولوا ما شاء الله فأختارني انا ومجموعه معي وصفنا طابور بعدها جاء العقيد زياد السديس وكان يسأل كل واحد منا ايش اسمك وش عندك شهادة وكم عمرك؟ والي يشوفة طوله حلو يمشية والي يشوفة وزنة ايد يطردة حتى لو انه طويل فسألني عن اسمي وعمري وشهادتي وبعدها قالي للحديث بقية بعد صلاة الفجر |
اقتباس:
الملكي آسف غلط مطبعي :m |
وبعدها قالي ادخل المهم دخلت ومشيت لين بوابة التجنيد
انا واخوياني الي قبلي والي بعدي المهم صفينا عند بوابة التجنيد حق ربع ساعه وفتح البوابة العسكري ودخلنا داخل التجنيد وصفينا طابور وقال العسكري كل واحد يطلع صورة البطاقة وصورة الشهادة وصورة الرخصة للي عنده رخصه عمومي او رخصة دراجة نارية كل واحد دلع اوراقة وصلحها وكان واقفين طابور وقدامنا المقياس حق الطول والوزن وجنب المقياس مكتب صغير جالس علية عسكري المهم كل واحد قدام ما يطلع القياس يعطي العسكري الي على المكتب صورة البطاقة والشهادة زي ما قال تعطية وتطلع المقياس تقيس يقيسك عسكري ويقوله كم طلع طولك ووزنك والي على المكتب يسجل طولك ووزنك على صورة البطاقة وبعادها يقولك استريح على الكراسي في كراسي كثير مثل كراسي اختبار القدرات تجلس علي الكرسي لحد ما يخلصون اخويانك من قياس الطول بعدها يجي عسكري ينادي بالاسماء وياخذ منكم خمسة اشخاص الخمسة هذولا يروحون غرفة التصوير ويوم يخلصون ينادي خمسة اشخاص ثانين عشان تمشي بترتيب وما يصير زحمة في غرفة التصوير المهم تدخل غرفة التصوير في كرسي وقدام الكرسي كاميرا تجلس على الكرسي ويسألك عن اسمك ويكشخك بصورة عادي التصوير كأنك في أي محل استديو تصوير بعدها يقولك روح غرفة رقم (2) تروح الغرفة رقم اثنين اول ما تدخل تحصل خمسة مكاتب كل مكتب علية عسكري تشوف أي مكتب فاضي وتروح تجلس عنده مقابل المكتب وتعطية البطاقة الشخصية وصورة الرخصة اذا عندك رخصة عمومي او دراجة نارية الخصوصي ما يبونها بعدها يطلع بياناتك كاملة العسكري ويعدل عليها اذا فيها اخطأ ويسألك عن رقم الجوال لازم رقم الجوال يكون صح لان رقم الجوال هو وسيلة التوصيل اليك رقمك ورقم ابوك كل الاثنين لازم تعطية او رقمك ورقم اخوك المهم بعد ما يخلص تدقيق يقولك انتظر برا وترجع تنلطع على الكراسي لين ما يخلصون اخوياك تدقيق مثلك بعدها يجي عسكري ينادي بالاسماء يشوفكم كلكم حاضرين ويأخذ منكم خمسة متقدمين ويدخلون مقابلة شخصية مع المقدم مدري اللواء نسيت رتبته ولاني فاكرها المهم قبل ما تدخل الغرفة للمقابلة *اول شي تفسخ حذيانك برا وانتم بالكرامة وشماغك كمان اذا لابس شماغ *ثاني شي يوم تدخل الغرفة في سجادة صغيرة لونها اعتقد اخضر غامق قدام مكتب المقدم توقف على السجادة مقابل المقدم وتكون عينك في عينه ولا تتمايل ولا تشعبك اياديك خليك واقف وقفة رجال مثل وقفة الشاص (ادري فيكم انكم قدها) بعدها راح يسألك اسألة انا بقولكم ايش الاسألة؟ 1/ ايش اسمك؟ 2/كم عمرك؟ 3/كم رقم سجلك المدني 4/من وين ؟ ابوك وش يشتغل ؟ 5/انت اكبر اخوانك ؟اذا قلت لا ؟يقولك الي اكبر منك وش يشتغلون 6/كم عدد اركان الاسلام؟ عددها ؟ 7/كم عدد اركان الايمان ؟ عددها؟ 8/ليش تبي تصيرعسكري ؟ او ليش اخترت الحرس الملكي؟ 9/من هو امير منطقتك ؟او من هو امير مكة المكرمة؟ او من هو امير الرياض؟ هذي الاسألة الي مرت علية ومرت على زملائي الي كانوا معي في نفس اليوم بعد ما تخلص مقابلة يقولك انتظر برا مع اخويانك تنتظر برا لين يخلصون الباقي من المقابلة بعدها يجي عسكري ينادي بأسماؤكم الي يسمع اسمة يروح عنده والي ما يسمع اسمه معناته رسب في المقابلة والله يعوضك بغيرها بعد ما تتجمعون عنده يعطي كل واحد فيكم ورقة فيها موعده للكشف الطبي واختبار اللياقة وورقة الموعد مكتوب فيها التالي بالنص؟ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ عليك الحضور الى مستشفى الملك فهد (القوات المسلحة ) بجدة يوم الاربعاء الموافق 1/7/1435هـ الساعة 7.00 صباحاً مصطحباً أساس بطاقة الاحوال المدنية على ان يكون الحضور بالزي الرياضي بنطلون اسود وتيشيرت ابيض وحذاء رياضي (شبشب) ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ والحضور في نفس اليوم في تمام الساعة 4.30 عصراً بنفس الزي الرياضي بالإضافة الى جزمة رياضية (بوت) وذلك لأختبار اللياقة البدنية مصطحباً اساس بطاقة الاحوال وذلك امام بوابة الحرس الملكي ........ هذا كل الي حصل معي لحد الان دعواتكم لي اعدي في الكشف الطبي واختبار اللياقة في 1/7 واول ما ارجع من عندهم راح اقولكم ايش الي صار معي بالتفصيل عشان تروحون على بينه وعارفين الي عليكم واي واحد مقدم على الحرس الملكي وطولة فوق 175 ويبي الحرس الملكي يروح جدة راح يقبلوة حتى لو ما وصلتة رسالة قبول مبدئي اهم شي عمرك ما يكون اكبر من 25 لأن في ناس كل شي مطابق عليهم بس عمرهم فوق 25 ونطردو بس حتى لو طردوك حاول لا تروح بمشئة الله راح يقبلوك وما ترجع بيتك الا خاطرك طيب ومبسوط وهذا انا لم تصلني رسالة قبول رحت وقبلوني ولا تنسون تدعولي وتقيموني الا التقييم لا تنسونه هههههه الله يوفقكم ويوفقني ويرزقني القبول النهائي ان شاء الله انا وجميع المتقدمين |
اقتباس:
بالنسبة للدورة اتوقع 6 شهور 3 شهور فرد اساسي 3 شهور امن وحماية وبعدها نباشر عملنا كسائقين ركز اني قلت اتوقع مو اكيد اتمنى لك التوفيق :w |
اقتباس:
|
(سبحان الله وبحمده...سبحان الله العظيم)
|
اخوي خشف الريم كم دورة السواقين
وكم راتبهم لأن انا سائق والتعيين بين جدة والرياض كيف ويا ليت ما تقطعنا ابد |
| الساعة الآن 02:24 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين