فعلاً ...التربويين عددهم قليل في التخصصات العلمية ومستحيل تطبيق الشرط عليهم ..
ومع ذلك لاتستبعد أن تفعلها الوزارة المتخبطة .

انا جبت المعلومه من مدير مدرسه يقول الفيزياء السنه ذي والمواد العلميه بشكل عام الاحتياج اكثر من السنه اللي فاتت عاد مدري عن مصدره من وين بس انا اثق فيه ..

اخي كيف عرفت ان الاحتياج اعلى من العام طبعا انا اتمنى ذلك لكن اتوقع توقع شخصي اقل من 200 اتمنى تعطينا سبب قولك انه اكثر من العام
وبعدين الشباب الي في الرياض يقدرون يعرفون اعداد المنتظرين وحتى الاحتياج عند مدير القسم تدخل عليه وباسلوبك راح يعلمك
صاحب لي تعين العام دخل عليه وقال المنتظرين 176 هذا الكلام العام وبعده طلع الاحتياج 200 والان مدري كم باقي
بالنسبه لي نقاطي 61 وخايف جدا لاني ماني تربوي والنقاط مو كثيره نبيييييييي تفاعل ياشباب

اول شي الله يعطيك العافيه واتعين انا وانت والي يقرون عند اهلنا المدير جاب المعلومه كيف ممكن قاسها على مدرسته ومن ثم عمم كلامه وش رايك

ياشباب اهم شي اننا نتفائل ان شاءالله فوق 200 الاحتياج

انا اعرف حول ١٠ اشخاص اجتازو القياس وما تعينوا العام
العام الاحتياج كان ٢٠٠ وبعدها زاد ٧ يعني اجمالي اللي تعينو ٢٠٧

انا نقاطي ٦١.٦٨

كلام العقل اللي اختبرو قياس هذي السنة ١٦٥ الف
كم فيهم فيزياء اجتاز هذا غير المجتازين العام الماضي
يعني اتوقع ان المجتازين اكثر من ضعف الاحتياج
انا ما احطمكم لكن هذا اللي صار العام
اللي عنده تربوي حظوظه قويه والا ما عنده حسب نقاطه

ولا تنسو تفاؤلو بالخير تجدوه اللي يتعين نقول له مبروك
والا ما حالفه الحظ لا يجزع ولا يقنط من رحمه ويحاول انه ياخذ تربوي

فالي وفالكم التعيين

كلام الحقيقة أن أغلب من اختبر قياس هذا العام من العنصر النسائي .
وخذها معلومة أكثر من 80% نساء.

العام آخر واحد تعين غير تربوي كانت نقاطه ٦١.٩٩٤
ان شاء الله هذي السنة يأخذو كل الفيزياء المجتازين
اللهم امين