أستفسار بخصوص الحرس في الرياض
 

السلام عليكم ورحمة الله وبركاته

بس بقيت أستفسر على الي راحو الحرس الوطني في الرياض,, ودي اروح اقدم اوراقي هناك

ماهي الاوراق المطلوبه ،، وهل اي يوم اروح لهم عادي ولا ايام محدده،، وماهو الوقت الي اروح لهم

وأخيرا وين موقع الحرس في الرياض لأني من سكان الاحساء ولا ادل شي في الرياض


تكفووووون ضروري

اذا اتن معك تقنية او جامعه رحلهم خذ اوراقك كامله صور شهاده صور شخصيه صور بطاقة الاحوال ومن هالمستندات رحلهم الصباح الساعه 8 مكانهم خلف وزارة أحرس الوطني مبنى 24 التجنيد بالتوفيق

وعليكم السلام ورحمة الله وبركاتة


أهلين ولد ديرتي

أسمع وركز


اذا انت كلية تقنية او جامعة روح على طول لاتنتظر

او ثانوية عامة ومعك رخصة عمومي او شهادة حاسب الالي اقل شي 6 شهور


أول ماتطلع خط الرياض اطلع مع خط خريص ولمن توصل الرياض روح على طول

وتابع اللوحات راح تجيك لوحة مكتوب فيها الخرج مخرج 8 اطلع معه


الخرج مخرج 8 يشبه مخرج بوحدرية الى في طريق الظهران الدمام

المهم لمن تطلع معه روح قدام وتابع اللوحات وراح تجيك لوحات مكتوب فيها مخارج تابع معهم

لمن تجيك لوحة مكتوب عليها مخرج 13 اطلع معها

لمن تطلع معها راح تشوف على يمينك مكتبة الملك عبدالعزيز

وعلى يسارك وزارة الحرس الوطني

انت روح عند وزارة الحرس خل الوزارة على يدك اليمين

واسأل اي احد هناك وراح يدليك مبنى التجنيد


قول لهم وين مبنى التجنيد مبنى 21

مبنى التجنيد الى هو التسجيل راح تشوفه خلف مبنى وزارة الحرس الوطني

بالتوفيق أخوي


خذ معك 4 صور شخصية عادي مكشوف الرأس او بشماغ عادي

وخذ معك صور لشهادتك خذ كذا 4 صور

وخذ معك صور لبطاقة الاحوال خذ 4 صور وجيب معك الأصل

واي خبرة واي شي عندك لها شهادة جيبها


عادي روح لهم اي يوم بس طبعاً لاتنسى ان التسجيل فاتح من شهر محرم وللحين فاتح

يعني ممكن تخلص الارقام في اي وقت

وانت ونصيبك


روح لهم اي وقت مو مشكلة لو تروح الظهر عادي بس لاتتأخر كثير يعني تجيهم الساعه 1 او 2

يعني عادي تعال لهم 10 او 11 مو مشكلة

حتى لو تمشي من الحساء الساعه 8 الصباح يمديك توصل لهم

3 ساعات بالضبط عن طريق خريص وانت عندهم




وشوف هذا الموضوع وراح تفهم على أكثر

https://www.btalah.com/t563263.html


انا بكرة ان شاء الله رايح لهم وطالع من الاحساء

اذا تبيني أشوف لك في تسجيل والا لا راح اسأل وارد لك خبر اليوم او يوم الأثنين او الثلاثاء ان شاء الله

مشكووورين شبااااب والله كفيتو ووفيتو بيض الله وجيهكم
أن شاء الله بكره بروح لهم.. أنه عندي شهاده جامعيه

هلا بشرو باقي في تسجيل ولا ؟

ياليت الي راح لهم يبلغني وش صار معه

توهم متصلين علي القطاع الغربي ،، وقالو لي عندك كشف طبي الاسبوع القادم
والله مادري اروح لهم ولا اسحب عليهم.. لاني ودي اتعين في الاحساء شوديني جده

والمصيبه الأكبر قالي أنت تستحق رقيب بس مافي ارقام بنعطيك عريف.

السلام عليكم.

اليوم مشيت من الحساء و وصلت لهم الساعه 12.55 الظهر

سألتهم عن التسجيل قالي ايه فيه شهادة جامعة على طول ياخذونة

الكلية التقنية يبون الحين بعض التخصصات سالته وشو التخصصات قالي اكثر شيء الحاسب يبون وبرمجة الخ الخ المهم تخصصات حاسب الالي

فهذا جاكم العلم والى نأوي يسجل يروح


اعذروني اكتب من الجوال