بدخل بالموضوع على طول
يا اخوان اعلانات الوظايف بالمنتدى وخارح المنتدى بالقطاع الخاص
بشكل خيالي يمكن اكثر من عدد العاطلين والعاطلات بالمملكه
لكن .. نسبه العطاله بين الشباب والبنات عاليه جدا ..
هذي غلطه الدوله معقوله مافي تجهيز توظيف قبل نتخرج ليش كذا والى متى

رواتب القطاع قليله وداومها ضغط واجازه لا تحلم ومعقد القطاع الخاص بكل مافيه
ولا لك حقوق ولا بدلات ولا مواصلات داوم وانت ساكت كنت بوظيفه انا ادفع اكثر من راتبي
عشان مواصلا ولمن فصلت قالو ما يحب الشغل ناس ما تفهم والا العقول مقفله والا ايش
السالفه رواتبهم حتى ملابس ما تكفي ولا تكفي والله مواصلات كنت اعرف موظف يتسلف
عشان يداوم الرواتب قليه وام تكفي الحاجه ..

ليش تضغط وزاره العمل والدوله بكل مسؤوليها على القطاع الخاص
يكون ساعات عمل محدد
رواتب لا تقل عن 6000 الاف
بدل سكن 1200
بدل مواصلات 800
مميزات وحوافز .. من نفس الوظيفه او من الموارد البشريه ..
تعديل سنوي لا يقل عن 200 ريال وهذا المهم
كيف وظيفه بدون تعديل سنوي يعني اظل على راتب قدره 2000 ريال العمر كله مثلا
معقوله انتو ساكتين الى متى هذي المهزله والاصح هذا الظلم بعينه ولا غير كلمه ظلم
تليق بالقطاع الخاص ..

كل دول العالم ودول الخليج القطاع الخاص افضل بكثير من الحكومي
وحنا العكس نبي حكومي .. لو الف ريال .. لانك تقدر تسحب قرض ووتزوج وتعيش حياتك

واتمنى تدعمون موضوعي اللي يخص 300 الف عاطل وعاطله .. بحسب مصادر رسميه...

الله يعين بس ..

وازيدك من الشعر بيت
اعضاء الشورى رفض اعطاء موظفين القطاع الخاص اجازة يومين !!

بالعربي لو الشعب يتعاون ونكون بيد وحدة ..
يكون الراتب اكثر من 6000 ريال ولا أجلسو بالناطق الاحمر ي رجال الاعمال
وانتم عارفين وشو الناطق الاحمر عند وزارة العمل

نظام العمل قوي ولصالح الموظف لاكن المشكلة غير مفعل ابداً

بحيث يوجد تجاوزات على النظام والوزارة ب سبات عميق ,

القطاع الخاص الدخول فيه يعتبر مغامرة لأي شخص يرغب بالوظيفة لعدة اسباب
الرؤية بالقطاع الخاص بالنسبة للموظف غير واضحه
بحيث لايوجد انظمة واضحة لكل شركة
إلا بالشركات والبنوك ومؤسسات الدولة الحكومية

في اشياء بسيطة ممكن يتحسن القطاع الخاص لدينا
1- إلزام أي شركة ناشئة ب إعداد نظام لها ، ويكون لدى وزارة العمل نسخة منه ولا يجوز تعديله الا بموافقة وزارة العمل
2- إلزام الشركات القائمة ب تقديم النظام المعمول به بشركتهم ولا يجوز للشركة التعديل الا بموافقة وزارة العمل .
3- يتمثل نظام الشركات بالأجور والحوافز والترقيات والمستحقات ونظام العمل لدى الشركة .
4- تغريم اي شركة وايقاف الخدمات عنها اذا لم تعد لها نظام واضح او عند مخالفة نظامها .
5- جميع النماذج الادارية التي يتم توقيع الموظف عليها لابد توافق عليه وزارة العمل ويعد مخالفة اذا اعد نموذج بدون موافقة وزارة العمل على صحته .

...

للأمانه رفعت مسودة إلى معالي الوزير على أميله بخصوص ماكتبته أعلاه وماكان فيه تواصل

حسبي الله ونعم الوكيل على كل من كان له سبب في حالنا

حنا ماتحملنا هالوضع

كيف البنات اللي يداومو باختلاط ونص راتبهم يروح ع النقل

ويتعرضو لتحرش


وزياده الراتب حسب علاقتها مع المدير الاجنبي


والله قصصهم ومعاناتهم تروع يكتبونها بالنت


وهالوزير فرحان في السعوده الوهميه ويقول حققت نجاح

قبل كم يوم سعوديه تنظف قزاز محل هذه اخرتها !!


الله يجيب الوظيفه الحكوميه بس ......

ابغى ازعل .... اشكرك اخوي على المشاركه .. انا مستغرب الكل ساكت ولاحد يتكلم والشورى ذا ما منه فايده
الشورى ضدنا وانتهى الموضوع .. يارجل ما تقدر حتى تسحب قرض وتتزوج والبنوك رافضه اللحين تعطي موظفين القطاع الخاص قروض بعد .. زادو الطين بله كلها نصب بنصب .. من يوم الموارد البشريه تعطيك راتب وكل سنه يقل
.. العالم تبي راتب كل سنه يزيد والموارد عندنا كل سنه ينقص هههههههههه .. الله يعين بس

يزيدٌ

اخوي اشكرك على المشاركه وكلامك الرسمي هو اللي دهورنا
يارجل نبي رواتب وتعديل سنوي وبدلات ومميزات ونبي نسجب قرض من البنك
ونبي ساعات عمل محدده ونبي اجازات ونبي تامين مواصلات وطبي
وانتهى النقاش لا تدخلنا الرؤيه والوزاره والكلام والله كلهم ضدنا .. والا بعقلك ليش نسبه العطاله فوق 300 الف
باعتراف الشورى وحافز ووزاره العمل وكلها وظايفهم ممله واقسم بالله فيه موظفين قطاع خاص غير يتسلف
عشان يداوم تبي شي ورى بذا .. الله يعين بس .. اتمنى ما تطلع برى الموضوع .. وفكنا من الكلام الرسمي ذا

نص محامي صدقت .. فيه بنات كثير يتعرضون للمضايقات بالمحلات وبالمواقع حقت التوظيف حتى بالمنتدى هنا
فيه يطلبون رقم جوالها بعدين يزعجونها بنات كثير اشتكن من الموضوع ذا ... لكن الشرهه على وزاره العمل
والمسؤولين كلهم والا المفروض فيه محدده للتوظيف مو كل من هب ودب ينشر ان عنده توظيف وهو بالنهايه
كذاب يبي يغازل بنات الناس .. الله لا يبلانا بس ..
اشكرك على المشاركه اخوي ..

اخوي ساري الشركات الآن تشتغل بالبركة لا نظام ولا هم يحزنون ولا هو عاجبك
واذا قلنا الشيء الي لابد يصير قلت رسمي وكذلك ماهو عاجبك

شوف الي يعجبك وسوه بعيد عن الوزارة ومجلس الشورى الي ضدك


تقـدر تشوف رابط هالخبر اليوم

سبق | "الفوزان" يطالب بقانون للعمل بالقطاع الخاص يؤكد الحقوق والواجبات