اذا بعملك مافي تقدير ولا فيه راتب عشان تصبر وش الحل برايكم!
 

بسم الله الرحمن الرحيم
انا موظفه باحد المكاتب ماصدقت اشتغل بمكان ينفع لتخصصي :Thumbs_down:
المهم مافي اتفاق مادي (فقط خبره):(
انقطع حافز طبعا اول ماسجلت :m
العمل اجتهد ومتحمسه وللاسف مافي مقابل معنوي كلن يبحث عن مصلحته ولا ابشركم انا اللي اطرهم الشغل لاني ابي اتعلم ولاهم ساحبين علي اداوم ما اداوم محد عليه من احد لاني بدون راتب. (تدريب):eek:
وصارت امور ومشاكل وقعت فيها وكل هذا بسبب حماسي واجتهدي في العمل اجتهدت في احد المواضيع لهم وبامر من احد موظفين المؤسسة واتفاجأ باحد المسؤؤلين قالي شكرا لجهدك لكن اتركي هالامور لاهل الخبره لاتتدخلين مره اخرى :mish:
احد المتعاملين معهم في التسويق تفوقت على عملهم لان لدي خبره سابقه في التسويق حاول كم مره يطفششني وانه فيه مشاكل قدام المسؤؤل وانها وانها واشياء عجيبه .طبعا احد الموظفين الله يجزاه خير قال والله هذي ماشالله عليها ماشفنا منها شي وندري فلان انه يكذب لكن سلكي يا اختي بينا وبينه مصالح وشكلك بتزرفين لقمة عيشه لاتلومينه
طبعا حاليا انا نظامي ادور وظيفه اخرى تكون للدخل المادي وهذولي للخبره عشان تخصصي
وعشان اصدد عن افعالهم ولاعاد اتحمس واجتهد معهم على الفاضي :b
مارايكم انتم ؟؟:w

دامه انقطع عنك حافز


فانتي مسجله في التامينات


شوفي تاكدي من رقم السجل المدني هل انتي مسجله او لا


http://www.gosi.gov.sa/portal/web/guest/212

واذا طلعتي مسجله في اي وقت تطلعي من عندهم اطبعي برنت من التامينات وطالبي بالرواتب


اما قرار انك تشتغلي بدون راتب فالامر يرجع للك هل انتي ظروفك تساعدك لين تخلصي تدريب او تبحثين عن فرصه عمل اخرى,

بالنسبه لحافز ماراح تكوني مستحقه للاعانه الا بعد 3 شهور من اسقاط اسمك من التامينات

لا
مومسجله في التامينات انا هذاا للي قاهرني
حافز كاتب انه تفيد سجلات وزارة العدل اني موظفه في مكتب محاماة

مين قالك انهم محتاجيني؟؟؟
اقولك ولا مكتب محاماة عطاني وجه هذا الوحيد اللي قالوا ودك تعالي بس ترى تدريب مو توظيف لانهم موفي حاجه موظفين
وبالنسبه للحاجه الماديه زيي زي اي عايله الوضع متوسط يعني ماشتغلنا الا اكيد نبي راتب :b
ادري انه الحل المناسب تركهم بس صدقني لو عندي بديل رحت بس ماااااافيييه
مالقى الا بائعه في محل او كول سنتر في مستوصف!!!!!
او تسويق عن بعد وكررف وياخذون افكارك ويرمونك عظم

بما انك موظفة وطالع لك بحافز كذا معناه انه انتي مسجلة بالتـأمينات وعليه تم قطع حافز عنك


وبما انك ب قانونية وش لك بالتسويق ، صاحب المهنتين بطال

انفردي ب القانون ولو تخصصين بالمحاكم العمالية وتكونين ناشطة في هذا الجانب بتبرزين بسرعة لكثرة المشاكل العمالية ..


اتمنى لك التـوفيق