محتار في امري اتمنى تفيدون أخوكم لو بكلمة
 

آلٰـسَّــلاـمْ عَـلّيـگُـم وَرَـحْـمـةُ الله وَبَرـكـآتُـهُ
انا طالب ثاني ثانوي تحفيظ قران كريم
اتمنى اني احول علمي
كلمت ادارة التعليم بخصوص التحويل لعلمي قالوا لازم تتغيب عن الاختبارات النهائية وتقدم بشهادة أول ثانوي للمدرسة
يعني إني بضيع سنة من عمري عشان أحول للعلمي
والله إني محتار
واتمنى تفيدوني

وعليكم السلام
انا ارى لا و1000 لا كمل مابدأته وحتى لو حولت علمي من كثر الوظائف عاد كمل ياعمي وادخل الجامعه ورزقك بيد الرحمن اما انك تضيع سنه من عمرك فلا و100000000000 لا
ربي يسعدك

ليش انت تبي تتخصص طب ؟
غير كذا تحويلك مامنه اي فايده بس تضييع وقت

لابد من التضحية. خاصة إن قرارك جاي متأخر.

وش رغبتك في التخصصات الجامعية؟ هل عندك طموح معين؟ تتمنى توصله؟


ماعندي خلفية. لكن كيف تحول بدون تختبر؟ والاختبارات لو دخلتها الآن مستحيل تحل وأنت ماحضرت الحصص خاصة لملمواد العلمية.


لذلك فكر مرة ثانية وقرر ولا عليك من التحطيمات.


وبعدها أسأل إدارة مدرستك هل فيه إمكانية للتحويل السنة القادمة؟ وهل فيه شروط معينة يقبلون فيها علمي؟



واستخير. الله يوفقك.

احترم وجهة نظرك والله يوفقك

الله يسعدك شكراً

انا أتمنى اني ادخل الكليات العسكرية
ولا هندسة
وانا ودي احول بس فكرت فالسنة إلي بضيعها علماً إني كنت متفوق والأول على الفصل بس هذا إلي محيرني
هل يعتبر إني ضيعت سنه في سبيل تخصصي إلي أبغاه
والله يوفقك على ردك

وعليكم السلام ورحمة الله وبركاته

مثل نصيحة الإخوان ..

أولا / أيش هدفك ؟ هل تخصص معين إذا هندسة تحديداً أو أي قسم علمي فعلا لازم تحول

لا تفكر بضياع سنه لعلها خيره .. وأنت مثل ماتقول متفوق والأول على فصلك

واحد زيك حرام يدفن نفسه بتخصص أدبي أو بأي تخصص زيه زي أي شخص مو مهتم

معروف التخصصات الأدبية غالبا يختارها إلي مستواهم التعليمي أقل

إن كنت طموح ولك مخططات وأهداف
وتشوف نفسك شخص قادر على تحمل صعوبة القسم العلمي وصعوبة الجامعة

نصيحة ضياع سنه تهون عند ضياع مستقبل

راجع حساباتك واستخير أولاً .. وشاور نفسك عندك استعداد إنك تكافح

أخيراً .. استعين بالصلاة وذكر الله والدعاء وإن شاء الله ربك ييسلك الخير .. آمين

بالتوفيق

والله إن ردك يبرد على القلب أسأل الله ان يفتحلك أبواب الرزق

أنا أنصحك بما أنك متفوق وطموح وترغب بالعلمي
ما عليك خل سنة تروح عليك وادرس ششي تحبببه

اهم شي تبدع
الهندسة مستقبلها ممتاز ولا يدخلها الا ناس متفوقين
نصيحتي اذا تحب العلمي والرياضيات والفيزياء والانجليزي ومواد العلمي عموما
لا تتردد استخييير واستشير وصل استخارة
وعادي تضيع سنة
ممكن اول سنة بالعلمي تواجه صعوبات بس ما عليه

انا واحد من اخواني تقريباً مثل وضعك يدرس بالمعهد العلمي ومافيه الا أدبي
وأخوي يحب العلمي ومواده المهم هو اللحين بثالث ثنوي واحسه نادم شوي
يقول خسارة راحت علي

فنصيحتي لك دامك متميز ما شاء الله ادرس علمي
لان تخصصات العلمي مطلوبة

الله يجزاك خير ويسهل امرك
حمستيني كذا

و عليكم السلام و رحمة الله و بركاته
قبل لا تقدم على أي خطوة .. الافضل لك إنك تصلي استخارة اخوي احمد
و ثاني شيء يالغالي إذا قررت تغير لابد إن يكون عندك هدف معين
يعني إذا كنت فقط تبغى تغير لمجرد التغيير فأنا ما أنصحك لكن إذا كان عندك شيء مخطط له من أول و هدف تبغى توصله كذا أوك
مثل ما تعرف إن لكل تخصص له مجالاته .. شوف انت وش تبي و على ضوء طموحك قرر وش اللي تختاره

و لكل شيء له ثمن و تضحيه صح ولا لأ ؟


نصيحتي لك لا تستعجل في قرارك
وفقك الله

أوافقك الرأي ان كل شي له ثمن وتضحية
وانت افدتني وجزاك الله خير وماقصرت
والقرار لازم استعجل الأسبوع الجاي الاختبارات

بالمناسبة.

أنا الآن أتمنى لو رجع فيني الزمن لأعيد ثالث ثانوي وأجيب نسبة تدخلني تخصص غير تخصصي اللي درسته وتخرجت منه.


صح على وقتي فكرة الإعادة يعني شيء خطأ وماكان أحد ينصح أو يوجه.


بالتوفيق لك. والمهم رضا والديك

اذا كان الوقت مو صالحك فمعناه قرارك يعتمد على رغبتك
شوف وش هي طموحك و رغباتك .. و زيد أسأل الدكاتره و الطلاب من الجامعة
طبعاً مثل ما خبرتك صلاة الاستخارة

الله يجزاكم خير والله ما قصرتو ساعدتوني

اخوي الغازي الله ييسر أمرك والله ما قصرت

انا نصيحتي لك انك تستخير ، وان شاء الله , الله بيختار لك الشي اللي فيه خير لك .