السلام عليكم ورحمة الله وبركاته


كيف الحال


المشرفه المسؤوله عني طلبت مني اداوم في رمضان سبع ايام في الليل تبي تقسم رمضان علينا
وانا مره ما يناسبني الدوام في الليل لاني مو من نفس المنطقه في رمضان بحتاج ساعتين عشان اروح وساعتين عشان اجي

وكلمتها قالت ما تقدر الا اذا وافقو زميلاتك وواحده وافقت والثانيه في اجازه ومو راجعه الا قبل رمضان باسبوع عشان توها والده
يعني اذا رفضت الثانيه خلاص لازم اداوم ومافيه احد بوديني لدوام بهذا الوقت
تخيلو من بعد الفطور الى قبل الفجر بساعه
يعني المشرفه قادره تقولي عادي لا تجين بس هي مسويه فيها تبي تعدل
والسكن فقط لناس الي يجيبونهم من برى
اختصر على نفسي واقدم استقالتي او في حال ثاني

وش طبيعة العمل؟ أول مرة أعرف قطاع خاص يوفر سكن!

يعني أعطي معلومات. لأنك مقررة استشارة بخصوص الاستقالة.

ايش نوع العمل ؟؟؟

عمل المرأه للأسف أصبح يستغل للإبتزاز واستغلال حاجات حسبي الله ونعم الوكيل
كنت جالس مره عند مدير شركه يقول محتاجين موظفين ولكن بوظف بنات أحسن قلت ليش قال أحسن فله .... نصحته ووتكلمت عليه من شدة غظبي وقال كل الشركات مثل كذا واذا لزم الامر فتحوا مكاتب خاصه للنساء للتحايل وعند التعيين يقولون مافيه عمل هنا ويسحبونها لمكاتبهم واما نفصلك ولا اشتغلي هنا واذا اشتكت ما فيه احد ينصفها
لو فيه غرامه 100 الف على اي شركه تتجاوز مثل كذا لما رأينا مثل هذا الفساد والعبث شيء محزن جدا

وعليكم السلام

اختي انصحك لا تستعجلين بتقديم الاستقاله

ان شاء الله الى رمضان ربك يسهلها

تو بدري على اتخاذ القرار

بالتوفيق لك وطمنينا وش يصير معك

مختبر
ايه موفر سكن لناس الي جايبنهم من برى المملكه
وبعدين فيه دوام الصبح ليه يعني ما اداوم الصبح كله وباقي البنات في الليل
يعني هم من قبل لا اجي كان وقتهم منظم مع بعض مو مفرق
وكيف بقعد في ليل لحالي بالمختبر يعني ابي4 ساعات طريق
الدوام من 8 الى 2 انا بوصل 10 ووبطلع اربع ومافي اي سواق موافق يوديني اصلا كل ما اقول لاي سواق على الوقت يضحك ماحد مستوعب

وعليكم السلام

صح اهي حطتك في وقت ماله داعي جداً

الحل,, يأما تنسقو انتي وزميلاتك تتفقو على الدوام عشان تساعدو بعض ,,
ان كان مافيه ,, حاولو تتجمعو كلكم وتضغطو عليها ..

اذ اجتمعتو بتنذغط ويكون القرار في ايدكم

اهم شي لاتفككري تقدمي استقاله ابد حاولي بشتا الوسائل,, وباقي وقت من الحين لرمضان

طيب ليش ما تحاولين تاخذين اجازه ولو بدون راتب
افضل من الاستقاله

لان توني في الشهر الثاني من الدوام مااتوقع يسمحون باجازه طول الشهر
هي اصلا سوت هالحركه عشان يجي الشي من البنات مو منها