![]() |
[[ مشروع تقسيط السيارات // شرح مبسط ]]
السلام عليكم ورحمة الله وبركاته
من لا يشكر الناس لا يشكر الله وأيضا من باب رد الجميل لهذا المنتدى اقدم لكم شرح مبسط لتقسيط السيارات من واقع تجربه فعليه اولاً تحتاج راس مال 45 الف ريال قيمة سيارة اكسنت كبداية وتحتاج معرض سيارات او معرفه مع اي شخص يقسط ليدخلك هذا المجال الناجح المعرض يفتح لك حساب مجاناً يسجل فيه بياناتك وبيانات العملاء و الوارد من الاقساط وجميع حساباتك انت عليك تجيب العملاء المناسبين عن طريقة معرفتك مثل زملاء العمل و غيرهم وبعض المعارض تجيب لك عملاء بس الافضل انت تختار عملائك , ما راح تتعب من ناحية توفر العملاء كل عميل يجيب لك معارفه * المعرض ياخذ عليك او على المشتري 500 ريال مبايعه * اغلب المعارض عندهم مكاتب محاماه للشكاوي على العملاء المتخلفين عن السداد ويتحمل تكلفة المحامي المتدين وذالك حسب العقد البداية السيارة قيمتها 45 الف , تقسطها شخص ع خمس سنوات القسط الشهري 1300 عدد الاشهر 60 60×1300 = 78 الف ريال مكسبك 33 الف ريال طيب لو دخلت بقمية سيارتين او اكثر بتحقق دخل شهري اعلى ويصير كل سته شهور او سنه تقسط سياره جديده او عندك دخل اضافي مثل الراتب يصير كل مايوصل رصيدك 45 الف تشتري سياره جديده وتقسطها , وبعض المعارض اذا رصيدك مايسمح تشتري سياره مثل رصيدك 30 الف يزيدك 15 الف ويخليك تشتري سيارة وياخذ عليك نسبة بسيطه , طيب دخلت بمبلغ 120 الف تجيب لك 3 سيارات تقسطها على 5 سنوات ( 60 شهر ) القسط الشهري : 1200 ريال اجمالي الربح بالسياره الوحده حوالي 30 الف ريال _____________________________________________ يجيك بشهر بعد تقسيط 3 سيارات : 3600 ريال 3600 ريال × 12 شهر = 43200 ريال تشتري سيارة رابعة وتقسطها يصير عندك اربع سيارات يصير يورد لك بالشهر : 4800 ريال 4800 ريال × 9 اشهر = 43200 ريال تقسط سيارة خامسة وهكذا --------------------------------------------------------------------------- الي عنده اي استفسار يتفضل هذا وصلى الله على نبينا محمد عليه افضل الصلاة واتم التسليم |
يعنى في خمس سنوات مكسب 33 الف
قليل هذا ينفع للى عنده راس مال كبير |
اقتباس:
هذا مكسب 5 سنوات لسيارة وحده وانت راح تجمع الاقساط و اول ماتوصل قيمة سيارة راح تقسط جديده يعني اول سيارة راح تنتظر حوالي سنتين علشان تقصد السياره الثانيه اذا ما رفعت راس المال من دخل اخر زي الراتب بعدين تنتظر سنه ونص على بال تقسط السياره الثالثه وبعدها سنه وبعدها اقل ... الخ هذا اذا كنت بادي بقيمة سياره وحده فقط فما بالك بالي بادي ب3 او اكثر ؟ |
ااهههنيك ياصاحبي
|
هذه لعبة الهوامير وهي تعتبر البطيئه ,, وهم الأشخاص الي يدفع كاش للمعرض وياخذ قسطه فقط
لكن الي تحته ( المستثمر ) يعتبر أسرع بإمكاني كـ مستثمر اشتري منك سياره واخلي المكتب يشتريها مني وأشغل هذه الفلوس واعطيك قسطك شهرياً والباقي بجيبي شكراً لك عالطرح والموضوع مفيد جداً |
[align=center]
فكرة حلوة ,طبعا المحتاج بيشتغل بأي شي المهم يكسب رزق حلال ويلي حابب يستورد سيارات جديدة او مستعملة او قطع غيار سيارات من امريكا انا ممكن اساعده بإذن الله بالتوفيق للجميع [/align] |
وفقك الله و زرقك حلالاَ طيبا
|
جاتني اسئله على الخاص من احد الاعضاء و ابي اجاوب هنا علشان الكل يستفيد كيف تضمن حقك ؟ كفيل موظف حكومي وبالنسبه لما يتاخر شخص عن السداد الحل؟ وهل محامي المعرض ماراح ياخذ مبلغ علي والتاخير كم يتم لين تجي لي فلوسي 99% من عقود تقسيط السيارات موضح فيها ( بحال تاخر العميل عن سداد 3 شهور متتاليه يحل كامل المبلغ ويتحمل العميل كامل اتعاب المحامي ) طبعاً العميل موقع على العقد انه يتحمل تكاليف المحامي اذا لم يقم بالسداد يعني ماله مفر :mish: وانت الان ماعليك دام المحامي استلم الموضوع بالكثير سنه وهو مطلع ( كامل المبلغ ) وهم كيف اضمن فلوسي تجي لي من المعرض لما شخص يشتري سيارة جميع التعاملات بينك وبين المعرض و العميل تكون بسندات وهل تعرف معارض بشرقيه يبون هالشي للاسف لا ولو كان المبلغ بحدود 170 الف كم بيكون دخلي والفتره الي تتصرف فيها سيارة كم تاخذ 170 تجيب لك 4 سيارات تقسطها من 1300 ريال بالشهر للسياره الواحده 4 × 1300 = 5200 ريال شهرياً 5200 × 8 اشهر = تشتري سياره خامسه يصير دخلك الشهري 6500 ريال 6500 × 7 اشهر او 6 = تشتري سياره سادسه يصير دخلك الشهري 7800 ريال تصريف السيارات مايطول خصوصاً اذا لك معارف موظفين او انت موظف تقسط على زملائك |
هذا نموذج من العقد الي يتم بينك وبين العميل
طبعاً النموذج موجود عند جميع المعارض http://im57.gulfup.com/cTNFdV.jpg |
موضوع ممتاز
بارك الله فيك يالعسكري ووفقك الله والجميع |
اقتباس:
|
دآآآيم أخش جوـآإ الموـآإضيع هذي .. شغلها ممتاز
|
الله يوفقنا وايااكـ
|
اخوي العسكري
طيب ونظام مؤسسة النقد شروط التقسيط الجديدة كيف حسب علمي لازم يكون عندك راس مال كبير مرة هل لو اشتغل مع معارض السيارات عادي ياليت افادة من اللي عنده العلم |
أتمنى الجواب على السؤال
|
اقتباس:
لكن بإمكان اي شخص الدخول برأس ماله ( إستثمار ) مع اي شركة أو معرض قائم والله أعلم |
اقتباس:
يعني عادي اشتغل مع المعرض الله يعطيك العافية |
بارك الله فيك موضوع ممتار ولكن بحاجة راس مال 250 الف ..
|
من خلال تجربتي لهذا المشروع عوائده ماتجيك الا وانت كاره البيع والشراء
ونمو راس المال زي السلحفاه اللي تمشي وتوقف نصيحة اخ ياعسكري اذا ماعندك طولة بال لاتغامر انت شكلك ماتعمقت في الزباين قسم بالله يجيبون المرض وبتتعرف على شيوخ المحاكم كلهم انا جربته قبل 5 سنوات 80% لايلتزمون بالسداد ما يجيك الا واحد طارده البنك ال 45 حط عليها 100 الف وشوف لك حي من الاحياء الشعبية فيها البيوت رخيصه تتأجر بـ 1200 ريال شهريا مبلغ يمشي لك على طول وراحه نفسية |
اقتباس:
فايش يكون الوضع ؟؟؟ |
نفس طريقة تقسيط الاجهزه مثل المكيفات والجولات ،،،،، والاهم بطااقات السوا
بس طبعاً بطاقات السوا اسهل واسرع ربح يعني اذا عندك راس مال كويس راح تستثمرها باقل وقت وتندبل بالشهر اللي بعدده .> من واقع تجربه بالتووووفيق للجميع ... |
مشكلة التقسيط في السيارات او بطاقات سوا او مكيفات او غير
هي الضمان الضمان مدة التقسيط 5 سنوات هذا اذا كان ملتزم الله يعين |
[align=center]دوره راس المال طويله ومخاطرها عاليه 40 الف اقساط بطاقات سوى كل شهر 1000 ولو تخلف شخص الثاني بيدفع
شف الفرق كيف يعني 100 الف كل شهر 10 الاف خلل عشره اشهر رجع راس المال بخصوص السيارات جيده في حاله اسخراج صك عند المبايعه موضح فيه كامل المبلغ والصك يصدر بعد شهر من تقديمه في حاله التعثر اوعدم السداد الصك جاهز لاستيفاء كامل المبلغ وهذه الطريقه افضل من الشيكات والكفيل والكمبيلات [/align] |
الافكار كثيره ومتنوعه لكن نحن بالواقع التنفيذ صعب جد
|
الساعة الآن 07:38 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين