خريج هالترم من الجامعه * واحتاج مشورتكم ..
 

السلام عليكم ورحمه الله وبركاته


يسعدلي صباحكم / مساكم


ما اطيل عليكم يا ابطال ..


الموضوع طال عمركم اني تخرجت هالترم من الجامعه الاسلاميه
في المدينه المنوره .. تخصص شريعه *


طبعا هالتخصص مرغوب في الجهات العسكريه ..

انا الصراحه بين هم الوظيفه وخوف عدم الحصول عليها وبين فين اتجه ..

اما الاولى انا موكلها لله عز وجل ..

الثانيه ابي مشورتكم فيها وهي فين اتجه


انا الصراحه ماعندي خلفيه عن المجالات والجهات اللي تستقطب مثلي

سوا الكليه الامنيه ومعهد الاداره والتدريس ..




وش تشوروا علي ؟
وش تعرفون مجالات او جهات اقدر اقدم عليها ؟
لو الله وفقني بسن عسكريه ومدنيه وش اختار ؟



مع العلم ان المعدل طيب ولله الحمد ..




بانتظاركم .. وربي يسعدكم وشكري وامتناني مقدما ..

عليكم السلام اهلا وسهلا صباح الخير والسعادة الف مبروك مقدما عقبال الوظيفة

سؤال جميل بما انك في مفترق طرق وتخصصك جميل و رائع رايي الشخصي والناس فيما يعشقون مذاهب كما يقال والكل لة راي والناس لها نظرات واختلافات في ميولهم واحلامهم وحتى تصرفاتهم وحتى سلوكهم بختصار بدون ادخول في التفاصيل هل تريد كلام كثير تعال وروح وفي مسؤول بيجي امير وصل فلان وصل اتصال عليك الساعة 11 في الليل اتصال اخر الليل دورة وهجولة ودراسة واستلامات هذي العسكرية

اما الساعة 2 او 1 الظهر على اقل تقدير لست موجود في المدرسة جمعةو سبت مريح رمضان مريح والعيد مريح لا اتصال ولا تعال شوف ولا مسؤول بيجي ولا استلامات حر نفسك حياتك مع الطلاب اين مايذهب الطالب انت برفقتة :court:

وفي النهاية جميع الوظيفتين مشرفة كلاهما عينان في راس لكن الناس تختلف الكل له اتجاه في هذه الحياة الفانية

القرار لك انت صاحب السيادة والريادة

بتوفيق


اسلم لى

قدم على الاعادة راتبها حلو وراحه
واذا ماتبيها قدم على هيئة التحقيق والادعاء العام

ربي يسعدكم ويرحم والديكم .. ويبارك الله باعماركم ..

كلامكم من ذهب يعلم الله وكل واحد فيكم لامس جهة كنت انتظر مشوره فيها ..

بالنسبه للتدريس والله شي جدا جميل ومريح .. لاكن انا حاطه حاليا في اخر القائمه ماهو لشي لاكن لانه يحتاج دبلوم تربوي .. فاقدم على الوظائف المتاحه الان .. واذا ماجاء شي مدني طيب بننتظر الدبلوم ونشوف وش ربي يختاره لنا ..




اهم شي لاتنسونا من دعواتكم ..

الله يوفقك يارب .. وجه يديك لله الواحد القهار .

موفق خير .

بحكم اني جامعي وعسكري برتبة رقيب ( لم يتم قبولي في الكليات العسكريه ) الا اني ابحث عن المدنيه او اي شركه
العسكريه شينه سواء ضابط ولا فرد فيها من ظلم لايطاااااااق

والحمد لله على كل حال

وحاليا تم فصلي من العسكريه غيابيا

صفحه سوداء في حياتي الله لايعيدها