قصه صاحبي اغرب من الخيال اتمنى المساعده بالنصيحه والارشاد
لي صديق احبه واغليه من ايام معهد الحاسب
غبت فترة عليه وتقابلنا قبل اسبوع وكان مهموم ومتضايق وخانقته العبره فمن باب الميانه بدا يفضفضلي اتمنى التركيز على قصته والتعاطف معاه وتقديم النصيحه والارشاد لانه يعتبر اخوكم قصته باختصار عاش مع امراءه كبيره بالسن ويقولها يمه من يوم ما شاف الدنيا وكانت هذي المراه كبيره بالسن وغير متعلمه وفقيره درس بمدارس حكوميه وكان حالهم فقر بسبب وجود امراءه فقط ولا يوجد اب وكل ما يسئلها عن ابوه تقوله توفى وانت صغير وكل ما يسئل ليه ما عنده لقب ببطاقته تقوله غلطه من الاحوال المدنيه وكل ما يكبر ويتعمق بالاسئله الله يهديها تجاوبه غلط وتكذب عليه تخرج من الثانويه واشتغل معقب واشتغل صبي بمحل عطور وتعب بحياته كثير ولا يملك سياره كبرت امه وصار عمرها فوق 60 سنه وهوا صار بعمر 29 سنه كاي شاب قال لامه بتزوج وجلست تبكي لانه بيبعد عنها لان هوا المعيل للبيت وبلحظه زعل وطلع من البيت وغاب ايام ورجع للبيت وقابل امه وجلست معاه جلسه مصارحه وقالتله انا مو امك وانا متبنيتك وانت صغير في الرياض وهربت من الرياض لجده عشان محد ياخذك مني وبجلسه الصراحه كلهم جلسو يبكو قالت انا ما قلتلك هذي الحقيقه وانت صغير عشان لا تتعقد نفسيا او تروح للمخدرات وكنت فعلا اعتبرك ولدي طول هالسنين والى الان اعتبرك ولدي طبعا صاحبي تعقد من هالكلام بس وكل امره لله والان تقدم للزواج على فتاه يتيمه مثله من فئه ( مجولين الابوين ) وهوا كذلك من هذي الفئه القهر الان في قصته ,,,,,,,,,,,, عاش طول هالسنين ما استفاد من الدوله شي لا راتب يتيم ولا ضمان ولا اي شي وسئل امه الى ربته تقول ما عمري اخذت منهم شي وانا صرفت عليك من راتب التقاعد حق زوجي وكنت خايفه اروح الشؤون وياخذوك مني ( طبعا حرمه مش متعلمه ولا وكبيره بالسن وهذا الى عذرها فيه ) السؤال الان يا اخوان هل يراجع وزاره الشؤون الاجتماعيه ويقولهم على قصته وهل يصرفوله ما مضى من رواتبه حق اليتيم صاحبي مدمر نفسيا لان عاش بفقر وذل وبالاساس هوا يستحق كل راتب من الدوله لانه يتيم من فئه مجهولين الابوين بعد قصته لي جلست اواسيه واقوله الحمد الله تربيت بكنف هالامراءه العظيمه ولا تربيت بالشارع او مع اصحاب السوء قال الحمد الله على كل حال بس وش الفايده تربيه طيبه وانا فقير والان عمري وصل 29 سنه ولا املك اي شي من هالحياه وفوق كذا ابي اتزوج وما عندي حتى حق المهر وامي الى ربتني على قدها فقيره الحال ولا تملك شي بالحياه قلت انا بعطيك حل بس اصبرلي اسبوع وما يصير الا خير قولولي يا اخوان وش الحل بقصه هالصاحب الطيب يراجع مين ولا مين بالدوله يكلم مين ولا مين يعرض قصته على مين ولا يوكل امره لله ويكمل حياته كذا وكان شي ما صار !!!! ( اخر كلامي اقولكم ,, اقسم بجلال الله ان هالقصه حقيقه ميه في الميه وانا اختصرتها كثير لان ابي الحل وما ابي التعاطف لصاحبي ) تقبلو تحياتي |
يقدم على الضمان ويشوف وشيعطونه اتوقع راح يساعدونه ان شاء الله وربك كريم
والله يساعده يارب ويغنيه بالحلاله عن حرامه |
يروح لوزارة الشؤون الاجتماعيه ويشرح لهم وضعه وماراح يقصرون لاني قرات ان مجهولي الابوين لهم حقوق المواطن كامله ويعطون مكافات زواج ستين الف للشاب والبنت ادخل هذا الرابط في مقال بيفيد صاحبك اسال الله ان يفرجها عليه ويوسع عليه في رزقه
http://www.alwatan.com.sa/nation/New...0&CategoryID=3 |
عادي ياخوي ان شاء الله اموره ميسره
يروح لوزارة الشئون الاجتماعيه ويشرح وضعه وان شاء الله مايقصرون معه من مشاهدتي لايتام مجهولي الهويه فلهم عنايه خاصه من الدوله وربي يسهل اموره كلها |
مارح تفيده الشئون الاجتماعيه بعد العمر
ام مسألت الزواج عنده الجمعيات الخيريه يقدم عليها ربي يوفقه ويرزقه يارب |
الله يفرج همه والله قصته تقهرررررررررررررررررررر
خليه يروح للشؤون الاجتماعية ويقولهم قصته واتوقع باذن الله يعطونه ويساعدونه |
صباح الخير
اخويا من الاخر انا ماعندي علم بدي الامور بس بقلك رئي الشخصي صاحبك يسال امو من فين اخدتوو واذا يقدر يروح هيا وياه لنفس المكان الي اخدتو منهم وطبعا اذا راحو الدار مثلا مسجل اسمو عندهم لانهم هما الي مطلعين البطاقة له وتقلهم الحكاية انها اخدتو وكدا ودحين هوه يبغى الزواج ويبغى حقوقو والحكووومة ماراح تقصر معاه لانو الحكومة بتتكفل بزواجهم والمهر والشقة ووظايفهم صحبتي من دار الايتام من يوم تخرجت من الجامعة وظفوها حكومي ولما تزوجت اعطوها 40الف وراتب شهري يصرفلها |
احد زملائي .. متبني واحد من مجهولي الابوين . ويستلم راتب شهري للولد . وسبق ان استلم 120 الف ريال وانشئ فيها منزل مسجل بإسم الولد . لاكن لا اعلم من ايي جهه حكوميه . كم يوم واجيب الخبر اليقين لأن زميلي مسافر خارج المملكه |
ارجو حذف الموضوع من المشرف المتخص وذلك لاسباب رسلتها الى مدير الموقع
|
الساعة الآن 04:42 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين