عاجل ,,,, مشورتكم تكفوووون
السلام عليكم ورحمة الله وبركاته
ي جماعة انا خريج جامعة القصيم لغة انجليزية الخنين اليوم غرد وقال ان تخصص الانجليزي بجامعة القصيم تربوي انا صدقا يعني لست تربوي ولم ادرس مواد تربوية اطلاقا كانت خطتي جديدة اعتقد ان الخنين يقصد الدفعات الي قبل دفعتي او بعدها الزبده انا غير تربوي الان هل اغير الدرجة واحطها تربوي وامشي على كلام الخنين ويكون هو عذري لو سألت بهالشي او انتظر اذا بتكون لنا مفاضله لغير التربويين ؟ ملاحظه بالوثيقه غير مكتوب تربوي ولم يرفق السجل اخاف عند المطابقة يبلشوني والله احتررررررت مدري وش اسوي من جهه ودي الحق على التقديم قبل ينتهي ومن جهه ثانية اخاف اتورط ويستبعدوني بالمطابقة ! وش رايكم ؟ |
قدم وشوف إذا فتح لك النظام سجل واختار الرغبات ...اسماء المرشحين بثلاثين شعبان ....
|
سجل بدون تعديل شي
يمكن يكون لك نصيب مع التربويين الانجلش فيه احتياج كبير ولو ماحصل نصيب تحدث بياناتك مع غير التربوييين وتشوف كذلك حاول تاخذ دبلوم تربوي تخصصك مطلوب وبالتوفيق |
جرب ادخل موقع جداره وشوف يمكن هم معدلين موهلك شوف تفتح الرغبات ولا ﻻ
واتوقع انه قصد بتغريدته هالتخصاصات بجامعة القصيم بشكل شامل ماخص قسم او خطه بذاتها وانا من رأيي اذا ماعدلولك الدرجه عملها انت وشوف عاد التوثيق وش يردون عليك ﻻنه ق راح يبين معك بالتوثيق الي راح يصير عن الحسوفه والله يوفقك |
اقتباس:
المشكله اذا عدلتها بتاخذ وقت بالتدقيق والتوثيق والتقديم بينتهي بعد يومين |
اذا انت مكتوب لك بملفك بجداره غير تربوي غيرها وحطها تربوي وروحو لهم بنفس اليوم يدققونها لك
واذا على المطابقه قولهم الخنين هو اللي قال تربوي عموما مانت خسران شي لو مشت كان بها واذا ما مشت بيرجع يفتح لك التقديم في الغير تربوي بمجرد ما تخلص هالمفاضله يعني توكل على الله وقدم فيها كلها واذا قدرت سجل دبلوم تربوي بجامعة القصيم سمعت انه مجاني عشان لو لا سمح الله ما مشت امورك الحين تمشي العام القادم باذن الله |
اقتباس:
ربك يسهلها ان شاء الله |
ما أنصحك والسبب عند المطابقة يبان كل شيء
الدفعات الي قبل ثلاثة سنوات تربويين |
انا سمعت أن التوثيق الحين ماياخذ ص أكثر من 7 ساعات ويعدلونها وأسأل أبو رغد يمكن يكون عنده العلم الاكيد تلقاه فوق بالمواضيع المثبتة
|
افضل شي لك يالغالي انك ترزح لاقرب فرع لوزراة الخدمة المدنية وتاخذ منهم العلم لالاكيد .... عجل يالغالي قبل لا ينتهي التقديم .. شغلة تحديث البانات من الوزارة ما تاخذ 5 دقايق وانت واقف تخلص منها ..
|
الساعة الآن 05:05 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين