الشركة فصلوني وانا في فترة التدريب
 

السلام عليكم انا يا اخواني تم استبعادي ابغى اعرف وش الحقوق اللي علي
كنت اتدرب في شركة كول سنتر خدمة عملاء تابعة لبنك الراجحي طبعا التدريب
منتهي بالتوظيف ومدة شهر وفي الاسبوع الثالث اختبرونا ولازم اجيب 90 درجة على الاقل
حتى اجتاز الاختبار انا جبت 85 كان عندي ثلاث اسئلة خطأ من 50 سؤال وطلبت اعادة الاختبار
وهو مسموح اعادة الاختبار مرة وحدة واختبرت اليوم الثاني وجبت 100 من 100 الا يجيني المشرف
يقولي تم استبعادك قلت له ليش قال راجع مدير التوظيف راجعته قالي انت ما اجتزت الاختبار في المرة الاولى قلت ايه لكني عدت الاختبار واخذت درجة كاملة جلس يفكر يبي يطلع لي اي غلطة بعدين قالي انت طلعت امس بدون ما تستأذن عشان كذا تم استبعادك وانا اصلا
مكلم المشرف قبلها بيوم اني بستأذن بسبب ظرف خاص لكن مافي فايدة وش الحل معهم الله لا يوفقهم والله اني انسان جاد وشاد حيلي ومشتهد لكني طحت بناس ما تخاف من الله "P وغير كذا
خاصمين مني 460 ريال قيمة السماعات اللي استلمتها وياليتها جديدة والله معطينا سماعات مستعملة عقيمة ما تسوى ربع سعرها وهي جديدة :mad: طالبكم تكفون قولولي وش اسوي الحين

أخي الكريم خلال الثلاث الشهور الأولى يحق لأي من الطرفين الأستغناء عن الثاني

الله يرزقك باللي احسن
خيرة ان شاء الله