|
تطبيق اندرويد
سلام عليكم جميعا
بدايتا انا عندي حساب توصيات للاسهم والحمد لله ماشي فيه تمام يعني اربح منه تقريبا 4000 لو زادت شي بسيط ولاتنقص شوي وابغاا ازيد دخلي وانا الحمد لله توصياتي وتحليلي تماممم وكويس ففكرت اسوي تطبيق يكون اسمه توصياتي نشترك فيه انا وواحد انا انزل بالتطبيق التوصيات وهو يسوي التطبيق يعني احنا الاثنين مكملين لبعض ماينجح هالمشروع بدوننا الاثنين بكذا اضمن ماتنسرق فكرهه التطبيق ولايقدر يسرقني لانه اناا الي بكون احلل و انزل التوصيات الي عندو استعداد يشاركني يكلمني خاص وبوريه حسابي بتويتر واي ششي حاب يعرفه |
الله يوفقكم
|
منكم نستفيد :Thumbs: |
بما ان توصياتك ناجحه وتحقق مردود ممتاز ليش ماتستفيد منها انت
لماذا تعرض توصياتك للاشتراك وهي ممكن تطلع لك مردود افضل من الاشتراكات ؟؟ انت تعلم ان سوق الاسهم خطر وسوقنا ماينفع معه تحليل ممكن تقول الهبوط العنيف اللي حصل قبل كم يوم في قطاع التأمين سبب فني ؟؟ مع في اسهم ممتازه فنياً ومع هذا نزلت بشكل مبالغ فيه انت محلل فني على حد قولك اذا كان التحليل الفني مجدي وممكن المشتركين يطلعون ربح من وراه طيب انت تقدر تطلع من خلاله ربح ولا يحلم فيه ماعندك رأس مال ؟ طيب تقدر تأخذ قرض وتدخل السوق وتحقق ارباح من التحليل الفني بما انه مضمون ويحقق ارباح للمشتركين ومثل مايحقق لهم ارباح يحقق لك ارباح والا مانت واثق في تحليلك ؟ |
اقتباس:
فعلاً سوقنا مافيه تحليل وهالكلام وعندي مثال حي شخص أعرفه اشترى كتب تحليل وبرامج التحليل مثل التشارت اعتقد وتعلم عليها وكان يدخل بالشهر مبلغ تقريباً مايقارب 60 الف ريال طبعاً الكلام هذا قبل الازمة اللي صارت اعتقد هالكلام من سنة 2004 إلى 2006 ومن بعد ماطاحت الاسهم تقريباً خسر كل شيء 90% وطلع حافي من السوق ومع ان اكثر الناس اللي تعرفه تشهد له بالتحليل الفني وكان يساعد اصحابه ودائماً يشكرونه على معلوماته طبعاً لو حصلت الازمة والتلاعب هذي في دول اجنبية كان صار فيه عمليات اعتقال ومحاكمات للمتلاعبين والمجرمين ولكنا هنا عندنا محد حولك بعد كلامك هذا ياعزيزي ما اعتقد ان الاخ يستطيع أن يرد عليك فأنت في الحقيقة وضعته في زاوية ضيقة والله يوفق الجميع |
اقتباس:
وابصم لك ان الشخص اللي تعرفه الارباح اللي حققها ليس من التحليل الفني لسبب في ذيك الفتره كان السوق في ترند صاعد وكل الاسهم واللي دخل بداية الطفره حصل ارباح لم يحلم بها طيلة حياته واللي دخل نهاية الطفره تحمل خساره كسرت ظهره والى يومك ذا لم يعوضها واللي حصل 2006 أكبر سرقه في تاريخ الشعب السعودي بسبب اشخاص يملكون القوه الماليه !! واغلبية الشعب يدفع نتيجة تسرعه وعدم ادراكه في التعامل مع سوق المال الى يومك هذا اغلبية المحللين الفنيين يقدمون دورات تحليل فني مقابل مبلغ بسيط ولو سألت المحلل لماذا تقدم دوره تحليل فني والسوق امامك لماذا لا تستفيد منه اذا كان التحليل الفني الذي راح تعلمنياه راح يحقق لي ارباح ؟؟ راح تشوف انواع التهرب في الاجابه لماذا لان اغلب هؤلاء المحللين اصلا خسرانين في السوق الا من رحم ربي سوق الاسهم خطر وممكن تحقق ارباح طيلة شهر كامل ولكن في يوم احد ممكن تخسر جميع ماربحت نتيجة خبر سيء للشركة او حدث سياسي الاحداث السياسيه تؤثر في اسواق المال وايضا لا ننسى شيء مهم في سوقنا اللي هو يعد اكبر سبب مشكله في السوق الاخبار تسرب لاصحاب النفوذ والمتحكمين في الاسهم قبل ان تعلنها الشركة لصغار المتداولين دائما نشوف اسهم تقفل نسبه تحت والسبب خبر سيء وصل لمضارب السهم وبعد مايقفل السوق تعلن الشركة عنه في تداول ونفس الشيء تحصل سهم يقفل نسبه فوق او تقريبا اكثر من نسبه وتحصل الشركة محصله ارباح ويوصل لصانع السهم قبل ان يعرفونه ملاك السهم من صغار المستثمرين اغلب مضاربين الاسهم هم من اصحاب النفوذ واصحاب الشركات وعندهم الاخبار اول باول هذا لا يعني ان السوق مافيه خير الا فيه خير واللي يعرف له راح يطلع ارباح من خلاله ودائما انا افضل الاستثمار في الاسهم الجيده والربحانه واللي تكون اسعارها متدنيه ودائما افضل الدخول في وقت الخوف والقلق وعدم تفائل صغار المستثمرين بعد هبوط السوق وانا ولله الحمد مستثمر الان في السوق ومحقق ارباح تفوق 50 % واعرف كثير محقق ارباح اكثر من 100% في مدة اقل من سنه يعني ارباح دبل رأس مالك لانهم مايتأثرون من تذبذب الاسهم وداخلين باسعار ممتازه جدا في الهبوط العنيف الاخير اللي حصل في شهر 9 ميلادي والاغلبيه للاسف يشتري في الارتفاع بسبب الطمع ويبيع في الهبوط بسبب الخوف .! اما صاحب الموضوع انا ماشكك فيه بصراحه لكن شوية منطق اذا كان التوصيات اللي راح يقدمها تحقق ارباح هو الاولى بالاستفاده منها ليش يعرضها للاخرين !! اذا كانت مشكلته رأس المال هناك اكثر من بنك يقدر يأخذ منه قرض ويحقق ارباح ويقدر يسدد البنك منه هذي الارباح يعني المسألة ماتحتاج لكل هذا التعقيد :d وتبحث عن مبرمج يشاركك ارباح والا اخرين يشاركونك توصياتك وتحليلك ;) انا ابصم لك انك تعرف ان السوق الاسهم خطر وممكن تخسر رأس مالك فيه ليش تجعل الاخرين عرضه للخطر اللي انت خايف منه انه يصيبك ؟؟ ولو نفرض شخص اشترك معك في تطبيقك ودخل توصيه وهبط السوق بسبب حدث سياسي او اقتصادي او خبر سيء للشركة او اوقفت الشركة من هيئة السوق هل راح تعوضه عن هذي التوصيه بالتأكيد لا طبعا ممكن الشخص هذا يكتفي بالدعاء عليك ليل نهار وممكن يقدم عليك شكوى للجهات المختصه في كلا الحالتين انت راح تكون خسران وعرضت نفسك لاشياء انت في غنى عنها |
وفقك الله
|
| الساعة الآن 04:51 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين