|
تجربتي الناجحه ( بدون راس مال ) وأكسب بمجهودك فقط
تجربتي الناجحه ( بدون راس مال ) وأكسب بمجهودك فقط
بسم الله الرحمن الرحيم .. والسلام عليكم ورحمة الله وبركاته .. رسالتي إلى كل عاطل وعاطله في هذا البلد .. كـ عادتي لااحب المقدمات وكما هي بصيغة ( أطلب من الله ثم منكم ) !! :) في البدايه بعرفكم بنفسي .. أنا والعياذ بالله من كلمة أنا .. شاب ابلغ من العمر 27 سنه متزوج وعندي بنت .. متزوج تقريباً من ثلاث سنوات .. معي شهادة ثانوية وشهادة حاسب آلي وشهادات أخرى وخبرات وحالياً منتسب جامعه :) والدي عنده ( معاش ) وضمان اجتماعي مبلغ لايتجاوز 4000 ريال .. وعائلتنا 6 أشخاص ..! الوالد الله يطول بعمره زوجّني ويصرف علي ومو مقصر أبداً .. لكن مــا باليد حيله .. ديون ومصاريف والصافي من المعاش تقريبا 1000 ريال مايكفي اغراض البيت ولايسوي شيء ابد .. المهم .. قسماً بالله العلي العظيم انه احياناً في نصف الشهر بنتي تنام وهي تبكي تبي حليب ماعندي ريال واحد اشتري لها .!! طبعاً ماخليت شيء ماقدمت عليه عسكريه مدنيه أي شيء .. ( العسكريه ) فيه الجيش وغيره لكن مشكلتي ( ضعف النظر ) ولا عندي واسطه :) .. تراودني افكار إني اخربها وابيع مخدرات :eek: أو شيء من هذا القبيل ( والعياذ بالله :yaa: ) ضاقت الدنيا بوجهي .. أشوف العالم حولي يلبسون احسن ملابس واطفالهم يلبسون احلى ملابس .. ومع هذا مؤمن بالله عز وجل وكافر بشهادتي ووظيفتهم !! عشان مااطول عليكم .. انا من عام 1419 مدمن كمبيوتر وبرمجه وتصميم .. حافز ماقصر اشتريت منه جهاز لاب توب جديد .. لأنه كان مصدر رزق بعمل تصاميم ودعم فني وكذا .. نصحني صديق ( روماني ) قال اتجه لبرمجة تطبيقات الجوال .. تبي تعيّن خير :) .. طبعاً لو هو عربي مانصحني وحسدني :) وسمعت كلامه والحمدلله الآن ماني بحاجة وظيفتهم .. وانا في البيت ينزل لي راتبي الشهري .. الراتب متفاوت يصل أحياناً إلى الـ 10 الآف ريال ولايقل عن 2500 ريال شهرياً .. وبيني وبينكم انا انسان كسول نوعاً ما .. ولكن اؤكد لكم أنه لو اضغط على نفسي لمدة سنه او سنه ونصف أضمن الـ 50 و 60 الف شهرياً ..! المبالغ مقابل اعلانات داخل التطبيق طبعاً .. شلون لو تنفرد بـ فكرة جديده ومفيده وتبيع التطبيق بـ دولار واحد .. :) ليست مبالغة وهي حقيقه لن يصدقها الا من جربها .. جربوها وتعلموا وخذوا دورات بهالمجال ولاتنسوني من دعواتكم .. نزلت هذا الموضوع لأن أحب لكم الخير ومريت مثل حالتكم واعتبر كل عاطل همه من همي .. ^^ قصتي هذي كتبتها قبل 6 أشهر تقريباً .. حفظتها بالجهاز ومالله اراد اني انزلها لكم :) الا الحين والحين توظفت ولله الحمد والله اني كنت مرتاح قبل الوظيفه والحين كرررف وتعب وقلة سنع :) ( أبن آدم طماع ) ههههه :yaa: عموماً أبي دعواتكم واسألأ الله العلي القدير ان يرزقني واياكم بالرزق الحلال |
الله يوفقك ويرزقك من واسع فضله
اللهم آمين ___ احيانا الضروف تصنع المستحيل تشغل مخك صح وشاكر لك سرد تجربتك الشخصيه حتى يستفاد منها |
الف شكر لك الله يرزقك على قد نيتك الطيبة
والله اني مصدقتك وعلى يدك افزعلي عندي افكار لتطبيقات مرة ممتازة وفيه اثنين هنا بالمنتدى احتالوا علي وخذوا الافكار حسبي الله عليهم طبعاً كل شي تم من خلال الرسايل هنا بالمنتدى وبعدها اخفوا الرسايل الخاصة ماقدرت اتواصل معهم يعني فكرتين راحوا من افكاري الله يعوض علي يارب الجهة اللي تعاملت معها دلني عليها لاني عندي فكرتين اخيرتين عسى الله يحفظني من شرهم يارب واتمكن من افكاري واستفيد منهن |
الله يجزاك الفردوس الاعلى من الجنة على موضوعك اللي جاء في وقته
|
جزاك الله خير
أنا عندي أفكار لتطبيقات الجوال وتفعل فينا معروف لو تدلنا كيف نتعلمها بطرق سريعة ونصيحة لا تترك تصميم التطبيقات حتى لو ما تشتغل عليها الا مرة في اليوم أنتظر نصائحك وتأكد انها راح تفيد كثير ولك اجرهم |
اقتباس:
نعم فعلاً الظروف تصنع المستحيل ومافي شيء مستحيل دام فيه اصرار وعزيمه وتوكل على الله :) العفو وعسى الله يرزق كل محتاج |
اقتباس:
واهم شيء في البرمجه الفكره .. والله يعوض عليك ان شاء الله لابد يكون فيه وسيط او ضمانات عشان تحفظين افكارك لأنها ممكن تسجل بأسمك وتدر عليك ذهب اذا كانت بالمستوى المطلوب والتنفيذ المطلوب .. حياك عالخاص اذا حابه تعرضين افكارك ويكون بيننا تعاون واحفظي حقوقك بالطريقه اللي تعجبك :) مشكوره عالرد |
اقتباس:
وياك يارب مثل ماقلت الافكار اهم شيء وأول خطوه للبرمجه :) فيه معاهد ودورات للتعليم شوف لك اي معهد للحاسب الالى وتعلم برمجة الجافا لأنها هي الركيزه الاساسيه .. طبعا مع البرامج التكميليه لتصميم الواجهات .. الخ جزاك الله خير عالنصيحه مع ان مافي وقت لكن ضروري اكمل المشوار مع البرمجه الله يوفقك ان شاء الله |
ما فهمت صراحة انت ايش كانت وظيفتك بالضبط
هل قصدك تبرمج برنامج كامل من الى وتكتبه بأسمك او تصمم بطاقات واشياء زي كذا اعذرني بس ما فهمت ياليت تشرح لي وحاول توازن بين وظيفتك والشغلة هذي دامها تجيب لك مكسب جيد بالتوفيق |
اقتباس:
الله يجزاك خير على موضوعك المميز طال عمرك عندي استفسارات وطلب نصيحه منك بارك الله فيك كم تكلف دورة ( جافا ) تقريبا ..؟ وكم مدتها ..؟ هل فيه دورات لازم اتعلمها قبل دورة جافا..؟ البرامج التكميليه .. هل تحتاج دورة لكل برنامج او كيف الطريقة لتعلمها ..؟ هل فيه معهد تنصحنا فيه .. من واقع تجربتك |
| الساعة الآن 07:46 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين