فقر ومذله الى متى ؟!
 

السلام عليكم ورحمة الله
انا متزوجه من شخص طيب ومثله مافيه بس مشكلتنا ماديه اتحملت بس لما خلفت منه
عرفت ان الحياه صعبه وبدون فلوس ماتعيش
ومحد ينفع احد بالزمن هذا
ماراح اقول متنا جوع الحمدلله الخبز بريال
بس الحرمان ذبحنا نبي نعيش زي الخلق
نبي نتمشى لو يومين لو لفه بالسياره مانقدر
لاننا مانملك سياره يمكن محد يستوعب انه
في احد بهالزمن متزوج ومامعه سياره
بتقولون كيف عايشين قسمم بالمذله
كل مانبي مشوار لو مهم لو للمستشفى
نشحت فلان وعلان
عشان يعطونا سيارتهم
حتى الناس ماعاد فيها خيرر انا قرفت من هالعيشه
كان معنا سياره ومن خراب لخراب بدل مانستفيد منها خسرتنا وبعناها تشليح
كل ماتوظف زوجي بشغله تجيه انذارات بسبة انه احيان ماتتوفر السياره
والوظايف الزينه علو امنا بشرىطها انجليزي وثانويه
والباقي 3500 ولا مخصوم حق التامينات بعد
هذي تعيش رجال متزوج ومخلف!!! وعايش بايجار ومايملك سياره!؟؟ وعليه قروض؟!
حسبي الله بس
والحين فرحت ان حافز نزلي حتى حافز ذلو امنا فيه ياحدث يانخصم؟!!
ملينااا زهقت ارواحنا يمين حرام نعيش كذا والله حرام وشهادتي جامعيه ونشحت بخلق الله
اقدم ولافيه تعيين لمتى طقينا متنا ارحمونا
مانبي شي نبي نتوظف بوظايف تعزنا عن المذله

قسم اكتب لكم ودموعي تسيل ايش هذا ليمتى
بنعيش هالحياه اللي كل ماقول بتتعدل تنتكس
قسم ياللي خلاني اكتب مو عشاني ولا عشان زوجي احنا عادي نتحمل
الا عشان بنتي ابسط اشياءها مانقدر نشتريها لها
الاطفال اللي حولها الكل معاه العاب اشكال والوان
وهي الله يخلي لها العاب ابو ريالين
الحمدلله عالعافيه بس ولاجات بتلعب بالعاب عيالهم يقعد يصيح
وياخذونها منها قسمم ياتحز بنفسي مواقف اكتمها ولااقولها لزوجي
بس بعد هالموقف اتحملت لين انفجرت خلاص طفح الكيل وموضوعي بين يديكم وبذمتكم
اتمنى كل واحد يشوف موضوعي وبيده انه يوصله لاي مسؤول يقدر يوظفنا يوصله
او دلوني ع اي فاعل خير ان شاء الله لو امير او ملك ماعندي مانع اروح له
احنا مانطالب غير بحقنا اللي اندهس دهس حتى احلامنا ماتت بظل الظلم والفقر والحرمان
متنا ومحد حس فينا
حسبي الله ونعم الوكيييييل حسبي الله ونعم الوكيل
والحمدلله اني صابره وادعي ولا ابين لزوجي شي
بس خلاص ابي حل دلوني ع اي شخص راعي ذمه و ضمير يساعدنا
عاجلا
وشكرا لكم

تم تحرير المشاركة بواسطة الادارة

يمنع وضع الروابط الخارجية

أختي قبل الفطور ارفعي يدك للخالق واخر الليل واحنا بشهر فضيل وباذن الله ماراح يخيب ظنك

قالى تعالى (وَمَا مِنْ دَابَّةٍ فِي الأَرْضِ إِلا عَلَى اللَّهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا كُلٌّ فِي كِتَابٍ مُبِينٍ)

رزقنا في السماء عند الله مو عند المسؤولين

وختاما
الله يرزقكم من حيث لاتحتسبووون ويغينكم بفضله عمن سواه

^ شايفن الادارة وش سوت بردي
بسوي خير ل الاخت حررو ردي الله لا يسامحك ياللي محرر ردي
وحسبي الله عليك وعلى الادارة اللي تستلم رشوة وتقبل مواضيع الوظائف الوهمية

اقسم بالله العظيم لو جاني باند او بلوك من الادارة راح ادعي عليكم في الحرم وانا من سكان مكة والحرم يبعد عني فقط 800 متر

الحياه فعلا صعبه جدا .. وانتي صعبتيها زياده .. لما تزوجتي رجل فقير وشهادته متدنيه .. كان المفروض مارضيتي بهالحال اذا كان وضعك المعيشي مع اهلك افضل!! ... ادعي الله وهو خير الرازقين

اخوي محمد سالم شكرا لك
الحمدلله ادعي والله كريم ان شاء الله
وياخوي ادري ان الرزق بيد الله
بس الانسان يسعى يمكن يكون احد المسؤولين سبب
من اسباب رزقنا الله يرزقنا ويغنينا بفضله

والاداره الموقره بدل ماتشكرون الادمي اللي ساعدني
تقفون في وجه رزقي وتحررون المشاركه
حتى انتم يالبطاله ضدنا !!!
يعني الواحد وين يروح!!!
حسبي الله ونعم الوكيل هذا جزاي يوم وثقت فيكم
وحطيت موضوعي بين يديكم لولا الحاجه ماكتبته


اختي هند جزاك الله خير بس انا مو نادمه اني عايشه
معه وبتزين بإذن الله
وكل شي قسمه ونصيب فقير وطيب احسن من غني كل يوم بوجه
وظروفه هذي ماله ذنب فيها والله يسلهلها لنا ويرزقنا
دعواتك

اسال الله رب العرش الكريم ان يرزقكم ويرزق كل محتاج وتزين باذن الله اموركم
من وين انتم

الله يجزاك خير امييين يارررب الله يرزقنا

ويغنينا بفضله


من الرياض

الله يفرج همك عاجلا غير اجل

للأخ أو الأخت اللي حذف الرابط
ترى قواننين المنتدى ماهي قرآن منزل!!
فيه حالات تستدعي وضع الروابط
احنا قبل لانتعامل مع قوانين وسياسة منتدى نتعامل مع انسانيتنا ونحتسب الأجر في كل خطوة ممكن تساعد غيرنا

يا اخوان اذكروا الله .. اولا الله يكون في عون اختنا وزوجها وربي يعينهم في حياتهم ويررزقهم من حيث لا يحتسبون .. بالنسبه للاداره تاخذ اجراءات احترازيه لأن المبتزين والنصابين كثير ومن الصعب التحكم بهم فالأفضل ان يكون التواصل بطريقه اكثر ثقه لكي لاتقع المشاكل ..

اسأل الله في هذا الشهر الفضيل ان يرزقكم ويرزق كل محتاج .

ممكن اختي اعرف وش تخصصك الجامعي
يمكن اذا حصلت ما يناسب تخصصك بلغتك

اسأل الله رب العرش العظيم ان يرزققكم انتي و زوجك

اختي ممكن زوجك يشوف له وظيفة ميدانية في شركة مثل شركة المياه

انا كنت عندهم قبل تقريبا اسبوع طالبين وظايف ميدانية ما تشترط المؤهل براتب 4300

ويعطوه سيارة 2014 تبقى معه طول ما هو موظف بالشركة الوظيفة حلوة لا تحتاج خبرة

ولا تشترط وجود سيارة اتوقع انها انسب وظيفة لزوجك عسى الله ان يرزقه ويفتح عليه يارب

شكرا لكل اللي دعو لنا الله يتقبل منكم يارب
وبالنسبه للي سال عن تخصصي الجامعي
بكالوريوس لغه عربيه لي ثمان سنين متخرجه
لاوظيفه ولاهم يحزنون حسبي الله ونعم الوكيل


اخوي الشقراوي الوظايف وين
وايش يبغون مؤهلات
زوجي شهادته كفاءه بس

طيب اختي اشتغلي بالبيت يعني ( طبخ - كتابة بحوث - تسويق منتجات على الحريم ) وغيره وانا اشوف الطبخ يحقق مكاسب ممتازة جداً

ٱللـَّــھ يرزقك ويرزقني وكل محتاج من واسع فضله.

[align=center]للهم أصلح لي ديني الذي هو عصمة أمري ، وأصلح لي دنياي التي فيها معاشي ، وأصلح لي أخرتي التي فيها معادي ، واجعل الموت راح لي من كل شر [/align]

الله يرزقك من واسع فضله ي أختي
ويغنيك ويغنيني بفضله عمن سواه..

ربي يرزقك ويغنيك من فضلهه
شوفي موقع وظائف الاكترونية
عندك وظيفة في العثيم للنساء عن بعد
فيه خيارات كثيرة للمراة انتي ابحثي وتحصلين والله يوفقك

الله يرزقج من واسع فضله

أهلاً اختي راسليني على الخاص

اختي روحي لأي امير عندك بامكه والله مايقصرون يعطون الي تبين .عندنا بحايل الحريم يدخلون ع الأمراء وياخذن بيوت وسيارات والي يبن .روحي وش تنتظرين عادي

الله يسهل اموركم

اخي ممكن خدمة

اخي ال احمد عسيري اريدك بموضوع على الخاص اذا تكرمت

اكثري من الاستغفار هو دواء لكل داء

الســلام عليكم ورحمه الله وبركــاته
ومسـائكم الله بـ الخير اولآ .
اختي قدمي شهادتك على اقـرب معاهد موجوده عندكم
باذن الله بتحصلين وظيفه تسـاعدك انت ِ وزوجك واطفالك على الحيــاه

وبالنسبه لوضع زوجك بخصوص السياره فيه سيارات بالتقسيط
ماتتطلب دفعات واقساطها ميسره من 900 الى 1200
واما بخصوص الوضيفه ان كان في منطقه الــريــاض
فـ خلي زوجك يتواصل معي عبر / 0561402229
ومالكم الآ اللي يسعـا لكم بوظيفه باذن الله
ولآ ارجي منكم سواء الدعــاء

اللهم فرج هم كل مهموم يارب

الله يفرج همومك ويرزقك

قال رسول الله صلى الله عليه وسلم :
(من أصبح منكم آمناً في سربه ، معافى في جسده ، عنده قوت يومه ، فكأنما حيزت له الدنيا)

الله يرزقكم ويفرج همكم

الله يرزقكم ويفرج همكم

أصبري أختي وربك يعينك
أهم شي أوقفي بجانب زوجك
وأدعي الله يرزقكم
الدعء طيب أختي
أنا مثلك أختي واللحين بفضل الصبر تحسنت ظروفي
وربنا كريم وما ينسى عباده
بس هذا أبتلاء لك أختي
أهم شي حافظي على بيتك وزوجك ولا تتخلين عن زوجك وأوقفي معاه عالاخر ورك يعينكم

اسال الله رب العرش الكريم ان يرزقكم ويرزق كل محتاج

الله يرزقك يارب
الدعاء ثم الدعاء ثم الدعاء
و ربي الرزاق وحده قادر يفرج همكم

الرزق من الله مو من مسؤول ولا امير ولا غيره !!

ممكن يجيكم امير يعطيكم مليون ريال وتخلصونها في سنة وترجعو لنفس وضعكم

لكن ادعي ربنا وتتيسر اموركم

بالنسبة للوظايف شي طبيعي اذا زوجك ماعنده شهادة بيكون راتبه ضعيف !
وشي طبيعي ايضا اذا هو في وظايف غير مهمة بالشركة وغير ملتزم بدوامة راح ينفصل !!

شوية منطق بس وادعو ربكم وتتسهل اموركم

اما اسلوبك في الموضوع غريب صراحة

كلامك غير منطقي

الدولة رقم 1 على العالم والذي دخلها اكثر مما ذكرت فيها فقر وبطالة ومشردين

السعوديه مافيها مشردين

السعودية فيها ضمان اجتماعي وجمعيات خيريه وغيره غيره

الله يرزقك اختي

ويسهل اموركم

شفت لك ردين بالموضوع غريبة ! هل ممكن أعرف دخلك الشهري لو ماعندك مانع ؟

أحيانا المقتدر لا يحس بمعاناة الفقراء . اسأل االله أن لاتكون منهم

أختي اذا حابه تشتغلين انتي وزوجك بالشرقية راسلوني على الايميل وبسعى لكم بأي طريقة ممكنة وما ابي منكم الا الدعاء اخواني

alamer010@hotmail.com

عاطلة هامانه اذا كنتي انتي وزوجك لاتملكون بيت ولاولكم وظيفة في مكه فلاتعلمون اين الرزق لكم
فقط تكونون ارزاقكم في أي بلد فاذا نظرتم لحالكم فاتنتم ستدفعون ايجار سوا في مكة او في أي مكه دافعين فلوس دافعين فدعي زوجك يتواصل مع الاشخاص الذين وضعوا لكم سبل التواصل معهم وانظروا الوظائف المناسبه