شباب اللي مقابلتهم يوم الثلاثاء يعلمون وش صار معاهم
عشان مقابلتي الاربعاء وعسى الله يسرها لاهنتو ياشباب |
اقتباس:
سيم :d اللي مقابلته بكره يقول لنا وش الاسئلة اللي جاتهم :s |
ياشباب مسوغلت التعين نجيبها معنا او هم يعطونا إياه ..
|
السلام عليكم
شو الاخبار .. بشروا ياشباب |
الأمور سهالات بإذن الله .. واله إنهم زقرت ومحترمين ووجوه سمحه .. الاسئلة جميلة وبسيطة وسهله فالكم التوفيق
بس المشكلة الوحيدة إنه لازم نراجع مستشفى الملك سعود |
يعطيك العافية يالغالي
بس ياليت تذكر لنا الاسئلة وطريقة الاستقبال ومدة المقابلة |
اقتباس:
وكم جلست عندهم ؟؟ وهل عادي اجي قبل موعدي ولا لا ؟؟ وهل هم يقصدون مستشفى الملك سعود للأمراض الصدرية بالرياض ؟؟ :confused: |
الاسئلة تكلم عن نفسك وعن الأمور الدراسية وش تسوي بالحصص وكذا ..
تعال الساعة 10 مهما كان موعد الأمور بسيطة وتعاملهم جدا راقي عزلله إنهم شقردية المستشفى مثل ماذكرت الملك سعود للأمراض الصدرية |
السلام عليكم :d
اليوم رحت للمقابلة .. وكان موعدي الساعه 12 لكن داهمتهم الساعه 11 الا ثلث :q المهم دخلت وخذيت ورقة المسوغات من عندهم وعبيتها وانتظرت دوري .. كنت عند مجموعة رقم 1 :m كنت مرتبك جداً جداً جداً .. القاعة باااارده وانا ودي افصخ ملابسي من الحراره والعرق بجسمي من الخوف :m قابلوني رجالين شباب محترمين جداً جداً وحبايب جزاهم الله خير .. من اسلوبهم ارتحت شوي وأنطلق لساني :d المهم سألني عن تخصصي ووش الافكار اللي براسي وناوي اطبقها ووش الاساليب اللي بتستخدمها وهل انت متابع للقضايا العالمية والمحلية او لا وزي كذا :Thumbs: جاوبته الحمدلله عن كل سؤال وبعدها قال ودي اوراقك للجنة المطابقة .. وديتها هناك وقابلت رجل محترم وخلوق طلب مني الأوراق المطلوبه وعطاني ورقة الفحص الطبي :d خلصت منهم ولله الحمد وقبل شوي دخلت تكامل والقى اني مجتاز المقابلة ولله الحمد :wa موفقين جميعاً :w |
طيب اخوي البارون في تكامل بخانة مطابقة البيانات فاضية ولا مكتوب فيها شي
ومبروك ألف مبروك |
الساعة الآن 09:56 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين