تجمع المعلمين المعينين بجازان
السلام عليكم
حبيت تكون هالصفحة للنقاش بيننا واخذ اخر العلوم والمراكز الجيدة بالنسبة لي لليوم الثاني ولم يفتح تكامل يقول لايوجد اسمك بقاعدة البيانات مع تحيات زميلكم مدرس تربية خاصة مقلوع من القصيم إلى جازان والله يعين نتظر مشاركاتكم |
انا نزل تعييني بصبيا والله يعين ماندري وش وضع الشقق ووش وضع الديره نفسها وخدماتها
بعدين ليه قالعينك من القصيم لجيزان وش تخصصك |
تخصصي تخلف عقلي
والظاهر ان انا المتخلف وابي تدريس حطيت الرغبات حسب الاكثر طلب !!!! ونقول الحمد لله على كل حال إلا وش صار على تكامل ماعندك خبر متى بتفتح ؟ |
السلام عليكم
تقبل الله طاعتكم والف الف الف مبروك لكم التعين عقبال المدرسة الزينة وعقبال النقل عند أهلنا توجهت الى منطقة جازان والله يكتب الي فيه الخير ... وان شاء الله نعين ونعاون بالنسبة لتكامل ان شاء الله خلال هذي الاسبوعين نكون حجزنا وخلصنا المقابلات |
اهاا احسبك تقصد انك تدرس بالقصيم وجاك نقل جيزان استغربت ..
بالنسبه للقلعه طبيعي يقلعوننا , انا مثلك رتبت حسب الاحتياج لايضيق صدرك ترا جيزان زينه مطار واسواق ومطاعم وشقق مفروشه خدماتها عال العال ورحلاتها للرياض الظاهر ثلاث رحلات باليوم يعنيي تعتبر كثيره لكن مدري بخصوص رحلات القصيم . |
ننتظر مشاركات من اهل صبيا وجيزان بخصوص السكن الجيد والخدمات
|
نخلص المقابلات ونعرف مدارسنا وبعدها نشوف السكن
|
الاخ عاطل
يامال العافية رفعة معنوياتي يوم قلت اسواق وشقق وهذا يعني خدمات ممتازة دام فيها شقق وبحثت بقوقل صور عن جيزان وإنهبلت صور يارجل تقول بجزر المالديف شواطيء وجزر الله اعلم يمكن ما انقل من هناك إن احيانا الله وداومنا إلا صبيا كم تبعد عن جيزان عساها قريبة بس وياليت الاخوان اللي متعينين بصبيا يفيدون الاخ عاطل عن صبيا ........ الاخ بوعبد الله الشريف الف مبروك التعيين وبالنسبة لقولك نخلص مقابلات قبل ونشوف مدارسنا اختلف معك اخي الكريم اول شي شف منطقتك وافضل المراكز فيها لان اضن فيها رفبات ثانية بمراكز المدينة اللي عينت فيها ولا تنسون تبشرونا لا فتح تكامل واللي عنده معلومات او شي يستفيد الكل عموما اخواني عاطل وبو عبد الله تفائلوا بالخير انا بدايتها شلت هم اما الحين الحمد لله مببببرررررد |
الله يبارك في حياتك أخي مبرمج
ومتفائل الحمدلله والأمور ميسرة بإذن الله وتكمل الفرحة بشوفكم في جازان |
الله يوفق الجميع
إلا ياجماعة وش رايكم نسوي قروب بالواتس خاص بالمستجدين في جيزان تخبرون ناخذ الاخبار والمستجدات من بعضنا ونفيد بعضنا بالجديد كان هالموضوع مايخالف تعاليم الادارة الله يعطيهم العافية مقصرو |
الساعة الآن 09:55 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين