|
احتاج وظيفة بجد تعبت
السلام عليكم ورحمة الله وبركاته
كيف حال الجميع اخواني عندي مشاكل الله اعلم بها ومنها الي مأزمتني ومؤرقتني المادة عمري 18سنة خريج ثانوية ويالله يالله اسوق سيارة وناوي بعدين ادخل معهد على حساب الوالد وعساني اقدر ادخل لما بديت بموضوع سسيارة لان اذا ماتسوق سيارة تتعطل كل امورك وادعولي يارب اسوق مثل الناس وبعد قبلتني جامعة الامام ويالله مين بيوديني لجامعة الامام مافي الا ادبر عمري واسوق مثل خلق الله ^ فضفضة الله يعين اللحين مشكلتي الي مسببة ازمة غير طبيعية المصروف والله عيب وربي عيب عمري 18 سنة واطلب من اهلي الوالدة هي اكثر وحدة تعنت وحرمت عمرها من كل شي عشانا وسبب مشاكل الوالد ضيع الفلوس ولا يسمع شور واخر شي طاح الفاس براس وهو موظف حكومي راتبه 20الف ومن القروض الي ياخذ منها خذوا ثلاثة ارباع راتبه والله عظيم الوالد 24ساعة يطلب من امي عطينا عطينا وزي مثلا المعهد تعليم قيادة ولازم ضروري ادخله و يبيني اروح اطلب من امي والمراة مغبونة راتبها يالله ثم يالله يبقى ششي من القروض اليوم اكتشفت عيونها تعبانة وفيها حساسية ولازم تلبس ي نظارات ي عدسات عشان ماتحمر وتدمع وربي ضاق صدري وانا ابدا احاول ماخذ منها شي وحتى الوالد يوم قال خذ من امك مية وطالع والله ماخذ منها شي لانها يضيق صدرها اذا احد طلب منها فلوس رغم انها مو مقصرة ورغم اني محتاج فلوس عشان اروح لمستشفى اتعالج واحمد ربي اني اقدر امشي وعوارض خفيفة بس مسبة لي احراج ومنها الحكة الله يعين والجامعة الامام قبلوني في فصل دراسي الثاني يعني ابدا في فصل دراسي الثاني وانا ابي اصرف على نفسي اي شي تعبت واقسم بالله صح اني ماكل وشارب اللهم لك الحمد على العافية ونعمة الحمدالله بس انا ابي مصروف لمستلزماتي الشخصية وفاهمين علي وموحلوة عند الناس اجي بشكل موزين ومو معطر او منظف نفسي وقد رحت كم مرة وتفشلت وربي غيري متعطر وكاشخ وانا اللهم لك الحمد انا مابي الكشخة ابي اطلع بهيئة حلوة عند الناس مابي احد يصد عني الواحد اذا طلع يتعطر وينظف جسمه ويطلع كم مرة اطلب من الوالد ويسلك لي معا اني ماطلب منه كثير وماحب اطلب منه احسها احراج خلاص كبرت وهو محتاج بعد انا كثثير اقعد بالبيت غصب عني عشان ما اتفشل والله ان الكل متعطر ووووو انا دايما يصعب علي اوفر منظفات للجسم يعني اقعد مدة ثم الوالد من نفسه يجيبها لي وليته يجيب اساسيات لا اي شي من عنده مابي اتعمق اكثر انا انسان احتاج اغراض شخصية وعندي بعض منها بس خلاص بتخلص وكم مرة كلمت الوالد وينسى ويسفهني حتى العيد مافصلت ماعندي فلوس ولا الوالد وقد الوال وداني خياط بس اقسم بالله اقمشة ماتنبلع ثيابي القديمة ارحم وكلمت الوالد وعيا وقلت مابيه والخياط تعببان ماحد يجيه واعرفه وقد فصلت عنده زمان وبعد السنة الي راحت قدمت على مطعم هرفي وانا ابي اتوظف لاني فاضي وابي اشغل نفسي والوالد درا بالموضوع وزعل بشكل ماتتصورون لانها اهانة بنظره تعرفون قبايل ويشوفونها عيب وانا بغيت اقطع شر ووعدت اني مادخل مثل هالوظايف وقد قالي الي اقدر عليه بعطيك بس لاتتوظف مثل الوظايف ذي هو صح مومقصر بس فيه حاجات ما يقدر يوفرها لي واخواني كلهم عندهم كل شي الا انا والله الحالة هاذي من سنين اذكر كان تجينا فترات المادة تكون سيئة جدا وربي يالله نلقى لقمة ناكلها اتمنى احصل اي وظيفة غير جرير وولي جربة سابقة اول شي ضغط في ضغط وراتب مايوكل عيش واحيانا الوالد يحتاجني في البيت 9 ساعات عشان 1200 وقد توظفت في محل بياع بس قعدت مدة اسبوع وفصلت عشان دراستي + الوالد مومتقبل الوظايف الي مثل ذي وحتى اخواني كانو معارضين وبشدة والوالد يحتاجني في البيت لانه تعبان شوي ويبي من يعاونه زايد انا وافقت على استقالة عشانه صارحني انه مومرتاح وطلبني طلبة اني اطلع وطلعت اخواني موظفين اول راتبه مايوكل عيش وثاني توه موظف جديد وراتبه يالله يالله ابي وظيفة دوام جزئي اذا توفر وبدون تأمينات اذا توفر فقط اذا توفر مو شرط يعني والله يجزاه الخير والفردوس اعلى الي بيحصل لي والله يرزقكم من عنده ويغنيكم عن الناس آمين |
الله يرزقه من واسع فضله ويكتب لك الخير اين ماكان واذا مانت مكمل جامعه انصحك
بمعهد المراعي حلو له مسقبل وفاتح السجيل الان |
مع احتراتي لأبوك ولك اولا الشغل عشان تصرف على نفسك واهلك مو عيب ابد وعمره ما كان الشغل عيب اساسا
وكان المفرض انك ما تترك وظيفتك وتفهم ابوك واخوانك ان الوضع الحين اتغير وصار الشباب يتوظفون بالمطاعم و الاسواق لو قبل 10 سنين كان صحيح المجتمع ما يتقبل هذي الوظايف وينظر لها نظرة سلبية للسعودي لكن للاسف هذا مفهوم قديم وغير حضاري واعرف واحد كان يشتغل في هرفي كاشير بدايته والحين مدير فرع وما زال يتقدم في عمله ما شاء الله على العموم الله يوفقك ويسر امرك |
الله يرزقك.
فيه شباب ذكي يدرس وفي الإجازات يشتغل في السوبر ماركت إما بنده أو العثيم وبراتب ممتاز 4000 تقريبا. أنت جرب تقدم عليهم تعمل كمحاسب والشغل مافيه عيب ومحاسب ممتاز تاخذ خبرة وتعف نفسك. وبخصوص الجامعة مبروك القبول. شوف لو أحد من جيرانكم يدرس هناك يصير تروح معه. عادي ترا الناس للناس والكل بالله. الله يوفقك. |
اذا كنت تبي وظايف في العثيم أتمنى أنك ترسل لي سيرتك على الخاص
لاني أعمل حارس امن في أسواق العثيم وقديم عندهم والله يسهل أمرك باذن الله راح أحاول اساعد باللي أقدر عليه بخصوص السياره ترى والله سهله لاتشيل همها أهم شي يكون قلبك قوي لان تعرف زحمه الرياض لازم تصبر وتتحمل واذا تعودت راح يكون كل شي سهل لك بالتوفيق واي خدمه انا حاضر أخوك ماجد |
الله يعينك ويرزقك
|
الله يرزقك وتلقى وظيفه واحرص على الجامعه وانت تدرس تاخذ مكافاه ودور لك عمل جزئي
وصدقني راح تتحسن امورك كثير |
اصبحت الوظيفة من المعجزات التي مستحيل تجدها في هذه الزمن الشكوى لله...
|
انا عمري ٢٦ سنه ومؤهلي بكالوريوس انقلش ومعي دبلوم حاسب آلي وعندي اعاقه بصريه وعدد عائلتي ١٢ نفر وراتب ابوي ما يوصل لثلاثة الاف ههههههه يا رجل احمد ربك بس
|
اقتباس:
تعبببت اقسم بالله علي العظيم محد يساعدني ولا يوقف معاي حتى اهل بكبرهم والوالد اذا شي على مصلحته بيساعد مرة جاني وقالي كلام بغيت انفجر في وجه والمشكلة يخلط امور ورا بعض بدون اي تناسق فهمتوا بمعنى يشطح ويقهر ولا يعطيك مجال تتكلم وانت كذاب ومتقلب وربي لين اللحين ادعي ربي مايقلب علينا لاني ما اتحمل اهانات واذا قلب واقسم بالله انا الوحيد الي يحطني في راسه ويفرغ كل الي فيه فيني وهواجيسه يفرغها علي وكل ماجانا يدورن اي مشكلة بس يحرق دم الواحد ماعمره حمسني او اسعدني في حاجه بس يقهرني باي شي طبعا اقولكم ايش قال قبل 3 ايام قال انت طبعا ماتشتحن من نفسك ولا تشوف وظايف العيد بتجي بتنزل وظايف كثيرة وكلام وش طوله انا قلت له الجامعة بدخلها يعني بدخلها ووظيفة واقسم بالله ماتوظف < بتلاحظون اسلوب ابدا استفزازي والله الي خالقني كم مرة اكلمه بأسلوب ولا احلى ويقعد يقول فلان تخرج من الجامعة وله 5 سنوات عاطل وقد كلمته وفهمته الوظايف ايش يبون بس مو داخلة راسه ! ويعصب في اخر شي اكمل لكم قعد يعيد الموال فلان وعلان ماتوظفوا قال شف اذا حصلت وظايف كويسة وقبلوك او ارامكوا قبلتك راح اجبرك فيها بالأسلوب استفزازي قلت والله ماتجبروني على شي مادام خشمي يشم الهواء صرت ضعيف الشخصية كلن يستقوي علي ومات من الضحك ثم قال ترا اخوك الكبير غصبته على وظيفة مايبيها اجل يقعد بالبيت ماينفع اخوي متخرج من الجامعة طبعا ! واكيد بيدخلها لانه ماحصل وظيفة زينة واذا حصل عادي يفصل ويشيل اسمه من التأمينات انا مخطط باذن الخالق اذا توظفت اطلع من البيت ولا ارجع له وافتك من شره قهرني مدة 17 سنةة اقسم بالله شفت شين تفشلت عند الناس وبعد ماعودني وانا صغير اكون اجتماعي لين تولد رهاب اجتماعي واشياء اي شخص يشوفها تافهة اشوفها رعب وقاعد احاول احلها بالمختصر سبب مشاكل البيت كلها من بداية لين النهاية هو وانا اكثر واحد اخذ نصيب كبير لدرجة في المتوسط جتني عقدة نفسية اخاف من كل شي ادعوا لي من ظهر غيب طالبكم تعبت من الناس ومن ابوي ولين اللحين ماكلي ماتخلص حسبي الله ونعم الوكيل الله ينتقم كل من اذاني وسبب لي عقدة نفسية ماعشت طفولتي مثل الناس !!!!!! ^ فضفة لا اكثر بنسبة لك اخوي الله يهديك معدلك مو حلو تحت 3 ماينفع ابدا بس ماتنلام عندك اعاقة جعل ربي يشفيك يارب اللهم يارب ي الرحمن انك ماتصبح الا وانت متشافي بإذن الله انا اختي اذكر جتها وظيفة مدخلة بيانات وعيت ومعدلهاجيد جدا ونفس قسمك نصيحتي لك ادخل دبلومات ترا مو عشان اسمه دبلوم ويضيق صدرك والله ان فيه الناس تخرجوا دبلومات ورواتبهم فوق 12 الف واذا تبي تعرف دبلومات كويسة روح منتدى الرقمية واستفسر وبيفيدونك بشكل كبير اشوف ناس تتكلم عن دبلومات وفيه كثيرين يستفسرون عنها وموفق |
| الساعة الآن 05:56 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين