معي مبلغ 400الف لكن تجهلني الافكار
سلام عليكم
ياخوان اخوكم موظف عسكري بعد الله والمنه جمعت انا واخوي مبلغ وقدره 400 الف ريال حاب ادخل مشروع تجاري واكتسب الرزق الحلال لكن المشكله فكرة المشروع الي الان تجهلني احيان افكر افتح مع سباكه وكهرباء ومواد بناء مع العلم اني اجهل بالشي ذا اخذت بعض الاشياء من راعين المحلات واحيان افكر افتح محل تخفضيات لكن الي الان ماني لاقي محل خصوصا اني برا الرياض واحيان اخوي يشور علي بستاجر مزرعه خصوصا ان منطقتنا اللي ساكنين فيها منطقه زراعيه اتمني اذ احد عنده معلومه يقدر يفيدنا لعل وعسي يكسب اجرنا وصاحب الفكره الكويسه له مني الدعاء وكفالة يتيم عنه طول العمر |
حياك اخوي
خذ شور اخوك اشتر لك ٢ قلاب *** الافضل يكون مرسدس البي وشغلة بالرد اليومي اقل دخل اذا الله يسر وامر ٤٠٠ ريال صافي يوميا للقلاب الواحد يعني مو اقل من ٢٠ الف بالشهر واسال الله لك التوفيق |
اهم شي تفكر بمشروع تكون فاهم فيه حتى ينجح يعني اذا مالك بالتجاره او غيرها من الاعمال لا تدخل فيها حتى تنجح
وسوي دراسه للسوق الي بمنطقتكم ايش يحتاج حتى تقدر تحدد فكرة مشروعك |
احسن لك مزرعه وان شاء الله تستفيد الزراعه ماشيه امورها والا اشتر حراثه ولبانه واجرهن او جب لك عمال يشتغلون عليها يكون احسن لك
|
افضلك تحتفظ بفلوسك
لاتغامر وخاصة انك ماتملك فكرة المشروع |
المزرعة والقلاب مشاريع جيدة
|
المشروع لابد يكون لك رغبه فيه عشان تتابعه وتهتم فيه
وتبتكر الله يوفقك |
أرى أن تفتح مشروع صغير مدروس من كل الجهات وبأقل تكلفه ممكنه , وحاول بقدر المستطاع إنجاح هذا المشروع قدر المستطاع , فإن خسر بتكون خسارتك بسيطه وإن ربحت وسع مشروعك,
هذا اللي اشوفه , افضل من أن تغامر بكامل المبلغ.. المشاريع الصغيره دائما متعبه , لكن تتعب جسديا , أفضل من انك تتعب نفسيا وماديا , اذا وضعت كامل المبلغ في مشروع خسران . |
السلام عليكم
اقترح مبدأيا ان تستثمر المبلغ في احد البنوك بعد ان تسأل عن انواع استثمارات البنوك الجيده التي لا تكون نسبة المخاطره فيها 80% .وخلي المبلغ مستثمر(مع اخراج زكاته كل سنه) الى ان يرزقك الله بفكره تكون باب رزق لكم باذن الله. في كل بنك يوجد موظفين مختصين بادارة الاستثمارات للعملاء اسال عنهم وتواصل معهم وباذن الله راح يفيدونكم. تنبيه:موظف ادارة الاستثمار ليس مدير الفرع وليس موظف خدمة العملاء. |
اقتباس:
ممكن توضحلنا هذا الفكره اكثرررررر واي بنك تتعامل معه وهل هي اسلاميه والا |
الساعة الآن 06:32 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين