التوجيه للمدارس
 

متى نعرف المدارس الي توجهنا لها ؟؟؟؟

قريبا

اتوقع والله اعلم مع قرار التعيين بـ تاريخ 10/18
والمباشرة مع عودة المعلمين بتاريخ 10/26

وين مستحيل يكون قبلها بـ اسبوع !! فيه ناس بعيدة عن مناطق التعيين كيف يبي يمديه في اسبوع يستاجر له شقه ويزبط وضعه ويعرف مكان مدرسته !!!! ان شاء الله تكون قبل اقلها نفسيا ً نكون مهيئين مب كذا مفاجئه !!!

كل إدارة تعليم تختلف بإعلان مواعيد إستلام خطابات التوجيه للمدارس

تعليم تبوك العام الماضي سلموا خطابات التوجيه قبل المباشرة بيوم, وقبلها بيومين ارسلوا رسالة عن موعد ومكان إستلام خطاب التوجيه .

لكن الأمور سهالات وأنا أخوك وبتتيسر

بالتوفيق للجميع

قبل التسليم ان شاء الله تكون مدارسكم في قطاعات جيدة , وراح تعرفون القطاع الموجه اليه من خلال رساله مثلا نقول

تبوك - ضباء - املج - الوجه - حقل راح تجيك رساله تم توجيهك الى قطاع املج واحتمال تكون مدرستك في آخر نقاط املج ( ابعد مركز عنها ) او نقول توجيهك في صبيا ويطلع لك جبال فيفا ( تبعد 200 عن صبيا )

الادارات ترسل رساله بالتوجيه للمنطقه ومن ثم يوم المباشرة ترسل رابط لطباعه خطاب المباشرة وهذا يخدم من جاء وسكن في نفس القطاع ( على حسب الرساله نقول ضباء او فيفا ) لذالك لاداعي لمراجعة ادارة التعليم التابع لها الذي من المحتمل ان تبعد عنك 200 كيلو او كيلو واحد ..

أسأل الله ان يوفقكم ويعينكم

اخوكم معلم ..

طيب انا كيف بضبط وضعي قبل ما اعرف وين بيقلعوني فيه ؟ يعني انا في حفر الباطن مثلا قالوا لي في يوم المباشرة ترى تعيينك في السعيرة ولا الرقعي ؟ شلون بروح اباشر وفي نفس الوقت بدور مكان المدرسة ؟ يعني بروح 170 كيلو تقريبا ً ثم بروح ادور المدرسة على كذا بينتهي الدوام وانا لسى ما باشرت ؟

خريج مقبول

الافضل تكون في ادارة التعليم بحفر الباطن او تنتظر الرسالة المهم توقع المباشرة في نفس اليوم

وهذي نقطه مهمه للجميع ( تاريخ المباشرة يفرق معك بالنقل وحتى اذ نزل الراتب الي مباشر اول يوم راح يحسب له مع اول راتب )

* المباشرة من اول استلام الخطاب لك 15 يوم لكن مثل ماوضحت لكم المباشرة اول يوم تفيد بالنقل الخارجي ..