|
الضمان ولعوائل ذو الدخل القليل..
السلام عليكم ورحمه الله وبركاته
حابه استفسر هل الضمان يقبل عائله دخلهم من راتب زوجها المتقاعد الف وخمس ميه وغير ولدها المريض نفسيين حالتهم صعبه :(صراحه كنت اقول عن نفسي محتاجه بس لم خالطت المحتاجين الي بالشوارع والي بجنوب الرياض والي تعتبر اكثر جزء فقير والشحاته فيه طول السنه :(انصدمت جدا من الواقع اول سؤال جاء بالي انتو سعوديات طبعا اغلبهم سعوديات للاسف وين ازواجكم اتتو مطلقات ارامل الي ازواجهم بدون وضايف وبيوتهم مليانه اطفال وحالتهم وربي مزريه الي اثر فيني ان حتي الريال يعني لهم شي كبير ويقنعهم يالله ضحكت علي نفسي كيف كنت اتذمر من الضمان والميه والخمسين طبعا اغلبهم مايقبلهم الضمان والي ذكرتها فوق قالت انها قدمت وكان تعاملهم سئ وقالو لها مانقبلكم زوحك عايش وانقهرت عليهم والله يجلسون من الصبح لاخر الليل بالشوارع عشان ريال وخمسه بالكثير :(الله يرزقهم :ويفرج عليهم ويعضم اجرهم علي هالشقا ماتخيل سعوديه وكذا حالها |
وعليكم السلام
اولا هل هذا المتقاعد عمره فوق ال60 او اقل واذا كان اقل هل لديه تقرير طبي انه مريض ثانيا عدد افراد الاسره وهل يوجد احد من الأسره موظف او مسجل بالتأمينات ثالثا الارامل والمطلقات جميعهم تشملهم الضمان والمساعدات رابعا على ضوء اجابتك بأولا وثانيا سأفيدك خامسا المريض النفسي يتم قبوله بالضمان اذا تجاوز عمره 18 سنه الا اذا كانت امرأه متزوجه وكذلك يتم قبوله بالتأهيل الشامل ويتم قبول المرأه بالتأهيل حتى لو كانت متزوجه سادسا ربي يسعدك |
وعليكم السلام ورحمة الله وبركاته حياك الله يمكنك مساعدتها وطرح مشكلتها على الاستاذ العقلا .. وتشرحي له وضعها المعيشي وماذا حصل معها في المكتب مع ارفاق تعريف براتب تقاعد زوجها .. والهاتف للتواصل معهم . هذا الايميل : Moqla@mosa-d.gov.sa نسأل الله العظيم بمنه وكرمه ان يجزل لك الاجر والمثوبه ويبارك فيك .. واسأله ان يصلح حالها ويجعل لها من كل هم فرجاً ومن كل ضيق مخرجاً ويرزقها من واسع فضله وييس امرها . رجائي بحكم قربك منهم ومعرفة احوالهم ان تكوني عوناً لهم لإيصال معاناتهم لوكيل الوزاره لشئون الضمان . تحياتي لك |
اقتباس:
الحرمه كبيره شوي وماهي قد هالشقاء وعلاج ولدها المريض تقولي بميتين ريال وشوي يارب ترزقهم من حيت لايحتسبون |
اقتباس:
علي رجوله مثنيه يقطع القلب ويطلع معها بالشارع :c كل هذا عشان تجمع لهم كسوه عيد وناس ماتخاف ربها تجي تقسم فلوس ريال خمسه والحريم يتجمعون عليه ويلحقونه من مكان لمكان كنت اتمني اصور المشاهد والله ممكن ماتتخيلون الي جالسه اقوله وجودي معهم خلاني اعرف قيمه الرزق الي يجيني وما اتسخط او اتضايق واشكر الله علي كل رزق يجيني |
فعلا الاستاذ العقلا جدا متعاون انا راسلته ورد علي اذا تبين نتعاون انا وانتي بالحالات وصياغه اوضاعهم عالايميل انا مستعده بس امانه لاتتركينهم بدون ماتوصلين معاناتهم
|
حياك الله احسن الله لك اختنا واثابك وبارك فيك على طرح هذه المبادره الطيبه .. كما واتمنى من اختنا مصممة ديزاين التفاعل مع هذه المبادره فهذه حالات انسانيه يجب مساعدتها وانا في اتم الاستعداد للانضمام لكما اخذاً بقول الحبيب صلى الله عليه وسلم : ( من نفّس عن مؤمن كربة من كرب الدنيا ، نفّس الله عنه كربة من كرب يوم القيامة ، ومن يسر على معسر ، يسر الله عليه في الدنيا والآخرة ، ومن ستر مسلما ، ستره الله في الدنيا والآخرة ، والله في عون العبد ، ما كان العبد في عون أخيه ، ........ ) . هذا هو الثلث الاخير من شهر رمضان المبارك وفيه العتق من النار فنسأل الله بمنه وكرمه ان يعتق رقابنا واياكم وجميع المسلمين من النار ويعيننا على كل خير . تحياتي لك |
جزاكم الله خيرا ، وربي لايحرمكم الاجر ن ، والله ان العين تدمع ، ياليت اذا فيه شى اقدر اقدمه ماني مقصر آن شاء الله .,،
آسأل الله منه وكرمه ، ان يقبلهم الضمان والتأهيل والقبول لنا ولكم في جنات النعيم آمين .,، |
شواقه عبيرا الله يسعدكم ويجزاكم خير وجدا حزينه علي احولهم
ومتضايقه واحتاج لوقفتكم معاي ربي يجعلها بميزان حسناتكم انا اليوم ان شالله راح اسجل جميع بيانات الحالات الاكثر صعوبه واحتياج لضمان مع اني اشوف الاغلبيه محبطين جدا من الضمان لم اسالهم واحاول فيهم انهم يروحون ويسجلون وهذا حق من حقوقهم مبلغ يسد حاجتهم عن هالمرمطه والعذاب بالشوارع اثرت فيني كلمه وحده لما سالتها انتي سعوديه طلعت لي البطاقه وقالت اي سعويه بس شحاته وهي تبتسم ماقدرت ارد انا ودي يعيشو عيشه كريمه ماودي عيالهم يكبرو وهم يشوفو اهلهم يمدون ايديهم للرايح والجاي وينهانون عشان ريال |
[BIMG]http://im61.gulfup.com/hNGOHe.png[/BIMG]
الصور من تصويري وبموافقتهم حبيت انقل الواقع المر الي يعيشون فيه جزء مهمش ببلدنا يحتاج انا نمد له يد العون للاسف احسهم بانين امال كبيره علي بعد رب العالمين متوقعين اني راح اسوي لهم شي كبير 😔الحالات كثيره ومتنوعه وانا اكتب حسيتهم متوقعين اني ماسكه عصي سحريه واكتب بها كل وحده تهمس لي من هنا وهنا عن حالها ضعفها مللها من طول الحال الي هي عايشه فيه الي مهجوره وتسالني هل يقبلوني والي زوجها عاطل والي مهدده بالطرد اذ مادفعت الاجار برغم انها متزوجه سالتهم وين ازواجكم كيف يرضون عليكم هالشقاء مبررات وراها الف معني اكتشفت ان هالفئه اغلب ازواجهم اما سجناء سابقا او عليهم سوابق اطفال هنا وهناك سالتهم وش ذنب اطفالكم ليه تنجبونهم وتكثرون العيال وهذي احوالكم حرام تضلمونهم وش المستقبل الي تبنونه لهم شحاته ويد ممدوده لرايح والجاي الرد كارثه مانلاقي ثمن موانع الحمل وكان انجاب طفل ومتطلباته اهون من قيمه مانع حمل انا جدا متضايقه علي حالهم يقولون نبي وضايف :c هي الي راح تسد حاجتنا عن الشحاته يارب ارزقهم من حيث لا يحتسبون مهما بتكلم ماراح اعطي الموضوع حقه بس الحالات راح ادرجها بالرد الثاني وابي الاقي عليها اجابه من المختصين ربي يوفقهم |
| الساعة الآن 11:39 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين