متى دوام بنك الراجحي بعد العيد .....؟ حسبي الله عليهم
السلام عليكم
فتحت حساب لاختي قبل شهرين حساب جديد وبطاقة صراف جديدة وأودعة فيها مبلغ 200 ريال قلت علشان مايتجمد حسابه او يلغونه .... لكن مع ذالك ماسلمنا منهم اليوم ذهبت لكي اسحب المبلغ من الصرافه أدخلت البطاقة تطلع وذهبت لعدة صرافات نفس المشكلة ماقدر اسحب ولا أستعلم ولااي حاجة وقالي رجال جزاه الله خير دامه تطلع ولاتقدر تستعلم ولاتسحب اعرف انه يبيلها تحديث او منتهية .......!! وطلع كلامه صحيح بعد ماشافها اخوي طيب الحساب جديد ماله شهرين بظبط وتروحون تجمدون حسابه !!!!! وش هاتعقيد هذا يفترض اقل شي ست او خمس شهور اقل شي الحمدالله والشكر بس ........ ولافوق هذا كله موظفين هالبنك نفسهم براس خشومهم حتى لو تجيهم تبي تسحب مبلغ من رصيدك او تحول يقولك تعال بكرااااا !!!!!!!! |
دوام البنوك الى يوم الخميس يمديك بكرا روح من الساعه 10
|
انا الحمدلله لما فتحت حساب في البنك الاهلي
طنشته خمسه شهور لكن الله ستر ورسلولي مسج ان باقي شهر لازم اسوي اي عمليه والا بيتقفل رحت جري سحبت لو مارسلوا المسج كان خلص الشهر السادس وتقفل وانا مدري |
والله ياخوي انا بنفسي سئلت الموظفة حقت البنك قالت ثلاث سنين
تاكد ترا مكتوب عليها متى تنتهي |
يمكن المشكلة في البطاقة وليست في الحساب
بالامكان التحويل عبر الهاتف المصرفي او الراجحي نت |
اقتباس:
|
فيه بنوك لما تفتح حساب لازم تحط فيها فلوس وتسوي اي عمليه كل شهر
مثلا استعلام او سحب او اي شي وفيه بنوك شهرين وعلى حسب انا البنك الاهلي كويس عطوني فرصه سته شهور |
اعتقد ان الصرافة يبغا لها تفعيل
ومثل ماقالو الاخوان بكرة اخر يوم |
يمديك تروح لهم بكرى
وحتى ايام اجازه العيد توجد فروع تدوام بالمطارات وفي مكة المكرمة والمدينة المنورة وفي بعض الفروع الي رح يعلن عنها المصرف |
ملاحظه
ممكن تكون البطاقه نفسها تالفه والحساب مايكون فيه اي مشكله بالحاله هذي تسجل بالمباشر تبع الراجحي وتحول الفلوس الى اي حساب آخر وتسحبها او تحول الفلوس عن طريق هاتف الراجحي المصرفي وتسحبها |
الساعة الآن 08:57 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين