سؤال مهم
 

السلام عليكم ورحمة الله وبركاته
سؤال شاغل همي ومشغلني كثير ساعدوني بالحل الله يوفقكم
اولا حنا دخلنا فقط الضمان الاجتماعي
وحابين نفتح محل لكن بدون عمال حنا نكون فيه
ونحط المحل باسم الوالدة
وسمعت انه اذا بسم الوالده يقطعون الضمان كله (علما بااننا كلنا في بطاقة واحدة)
واذا باسم احد من البنات عادي يقطعون فقط البنت اللي باسمها المحل
وعندي سؤالين:
الاول هل يقطعون ضمان الوالدة والضمان حقنا
الثاني هل اذا كان الضمان باسمي مثلا يستطيع احد من الاخوة من الاب او المسمى (ابو) بالتدخل في محلنا او شي اخر علما بانني لااعرفهم منذ صغري الا بالشر اللي يقاله ابو مايناضرنا ولا مناظر ولا يصرف علينا وخلوها على الله وش اقولكم
لان فيه ناس قالوا انه يقدر يتحكم في كامل المحل ويصير كانه له ويقدر يغير اللي يبي ويقدر يسكره ويقدر ينقله باسمه.......
تكفووون ساعدون الله يوفقكم
اذا عندكم اي معلومات لاتبخلون تكفوووووووووووون علي

اهلاً بك واسأل الله لك التوفيق بجاوبك بحسب معرفتي واتمنى غيري يجيك بالعلم الاككيد اول شي طبعاً لو انكتب با اسم الوالده الله يحفظها ينقطع الضمان واذا انكتب بأسم وحده من البنات يسقط اسم البنت من الضمان ولا ينقطع عن الوالده اما سالفه الاخ من ابوك مايستطيع ابداً التدخل بشؤن المحل الا بوكاله شرعيه مصدقه من المحكمه ع اداره المحل انتي تسوين له هالوكاله واسأل الله لك التوفيق والرزق بحياتك

سبحان الله وبحمده

الله يجزاكم خير ماقصرتوا بيض الله وجيهكم
طيب عادي مافي شيء يمنع من اننا نحط المحل باسم شقيقي عمره 17 ويدرس عادي او لا

ان شاء الله الاخوان يقدرون يساعدونك

السلام عليكم من شروط فتح السجل التجاري ان يكون عمرة ١٨ سنة
والله يرزقكم

عادي طيب احط المحل باسمي
هل فيه شروط علي علما باني متخرجة وغير موظفة وعمري 25