ساعدوني باقتراحاتكم
السلام عليكم ورحمه الله
بالمختصر المفييد عند اهلي مسااحه كبيره عباره عن 3 غرف خارجيه يعني ممكن نفتحها وتصير محلات بس تحتاج بعض التعديلات لانه اساس ديوانيه اخوي ولمن اتزوج خلاص تركها فكرت استولي عليها المهم نفس الحي يعتبر جديد ومافيه خدمات كثيره غير اللهم مطعم بخاري وصيدليه وبقاله ابغا مشروع اسويه بهالمكان بس محتاره ايش ابغا شي يجيب اموال طائله :d ومايكون فيها تعب وما يكون مكلف لانه ماعندي راس مال كبير وبس انتظر اقتراحاتكم:u وشكرا |
من وجهة نظري انا اقترح
محل / مغسلة ملابس محل / بوفيه محل / ميني ماركت |
اذا المساحة كبيرة
انصحك باكثر من محل محل بوفيه وخاصة اذا كان قريب مدارس ومحل ايس كريم ومحل دجاج مبرد كلها محلات بسيطة وتكلفتها قليلة بالتوفيق |
مغسلة ملابس ، لانك بتجذبين الحي بأكمله
خياط نسائي بقاله ( تموينات ) |
السلام عليكم
مثل ما ذكروا الاعضاء بقالة او مغسلة ملابس ... هالمشروعين لهم مردود طيب باذن الله البوفيه بنظري لازم يكون بيتكم واضح مو داخل حي وقريب من مدارس والا منطقة عمل والا قريب لشارع تجاري يعني يكون بمكان فعليا مزدهر بالناس بالتوفيق يا رب |
اقتباس:
يعني اكثر اقتراح دخل مزاجي البوفيه لانه مافيها تكاليف احس المغسله حلوه بس راس مالها كبير اتوقع فوق ل 60 الف وانا حدي 30 الف :( مدري تكفي لبوفيه او لا |
ما تنفع الثلاثين لمشروعك حوليها لي بتفك ازمه ههههههههه
|
اسمعيني الله يرضى عليك
لاتقولين ابي فكرة مشروع ارباحه سريعه مايصلح كذا تقولين ابي فكرة مشروع تدخل علي لو 500 ريال كل شهر اقولك كذا تمام ليه ؟ لانك اذا فكرتي في الفلوس ماراح تربحين ابداً ابداً ابداً لكن اذا فكرتي بمشروع تثبتين فيه ذاتك وتعملين فيه وتحبينه لو مايدخل عليك بالشهر الا القليل هذا يعتبر مشروع مبروك مع الايام وحبك لعملك واستمتاعك فيه واخلاصك له راح تربحين كالتالي اول ربح التوفيق والنجاح كيف اتى التوفيق والنجاح من اخلاصك في شغلك يرزقك الله التوفيق والنجاح ثاني ربح السمعة الطيبه لمحلك او لمكتبك كيف ربحتي السمعة الطيبة من حبك لعملك وتفانيك فيه يرزقك الله السمعة الطيبه ثالث ربح ثقة الناس فيك كيف كسبتي ثقة الناس لانك حافظتي على زباين المحل وانك ماغشيتيهم لان هدفك رضى الله فانتي اذا كان همك رضى الله ماراح تغشي الناس فايرزقك الله ثقتهم عرفتي لما قلت لك لاتقولين ابي مشروع ارباح سريعه لانك راح تفكرين في كسب الاموال وتنسين الامور المهمة اللي ذكرتها فوق ومايستمر المشروع وينجح الا فيها ولاننسى رضى الوالدين لان رضاهم من رضاء الله الله يوفقك ويرزقك من واسع فضله |
اقتباس:
بس ذا كذا افكر اسويه عشان اكسب فلوس مو اكثر ماراح اكذب واقول ابغا اسويه عشان طموحي اصلن مو طموحي مشاريع زي كذا بس ماعندي راس مال اسوي فيه المشروع الي من تخصصي والي اطمح له بس ذا كذا اجيب عامل وابغا استرزق منه مو اكثر |
اقتباس:
قبل فترة شفت عند احدى المدارس محل كانه مقصف مدارس يعني يوفر تشبسات عصيرات حلويات وسندويشات وعليه اقبال كبير جدا ما شاء الله خاصة بعد الدوام يعني ما اعتمد على طبخ الاكل زي جو البوفيات احسه محدد يجيب اشياء من مخابز او يحضر كمية محدودة ويبيعها .. |
الساعة الآن 11:40 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين