اللي عنده فلوس ومحتار او اللي يفكر بمشروع ادخلوا شيء اكثر من رائع
 

السلام عليكم ورحمة الله


موضوعي عن موقع يقدم لك مجموعة مشاريع مع دراسة الجدوى ، هي شركة ابدأ وهذا موقعهم http://howistart.com
بصراحه كنت مأجله الفكره لين تجيني فلوس واتعامل مع هذه الشركة بس شكلي مطوله واللي خلاني أكتبه الحين هو موضوع الاخ عاطل بامتياز كنت ابرد عليه في موضوعه ،،،ولكن فضلت انه يكون موضوع مستقل عشان الكل يستفيد لأن بصراحه لاحظت ان الكثير عندنا معه فلوس وما يدري كيف يشغلها

وبعد هالكلام بوضح نقطه ( ادري ان شرحي كثير وتوضيحاتي اكثر) الا وهي انني لم أتعامل مع هذه الشركة والهدف من الموضوع انكم تاخذون فكرة المشاريع اللي وضعتها الشركة في موقعهم خاصه و تقسيماتهم للمشاريع رائعة و كذلك عندهم فكرة حلوه موجودة على الجانب الايمن وهي ( الافكار التجارية حسب الميزانية ) تحط ميزانيتك وتطلع لك المشاريع اللي تناسبها

كذلك اللي اعجبني في الشركة انهم حاطين اسماء عملائهم وهم مشاريع صغيرة وشركات ومحلات تعاملوا معهم تلقونه بالضغط على خانة (عملائنا واعمالنا )https://howistart.com/%d8%a7%d8%b9%d...4%d9%86%d8%a7/

انا لو عندي فلوس كان رحت لهذه الشركة مع ان عندي افكار ومشاريع واحسهم فاهمين الافكار الجديدة ،، بصراحه كنت متردده في كتابتي عن هذه الشركة لاني ما احب اكتب شيء ما تعاملت معه ولا ابي اورط احد بس ادخلوا موقعهم وشوفو المشاريع اللي حاطينها وعملائهم الغريب ان من ضمن خدماتهم للعميل التسويق وهم ما سوقوا لانفسهم لاني احس مو مشهورين كثير

ما عليش يمكن الموقع ما يفعل لاني ما ادري كيف افعله وياليت الاخوان يفعلونه من عندهم

يالله ياللي عندكم فلوس ومحتارين شوفوا مشروع وتوكلوا على الله ،، وعلى فكرة قبل اتهام أي احد قسم بالله ما اعرف احد بالشركة ولا حتى زرتها بس لي مدة ادخل واتصفح المشاريع اللي حاطينها

عاد ابي دعواتكم لي بان الله يوفقني ويرزقني الرزق الحلال

اتمنى من الاخوان والاخ فضل اذا اعجبهم موضوعي يثبتوه عشان الاخوان والاخوات يستفيدون

اخي او اختي شكرا على اي حال

يقول المثل حدث الناس بما يعقل حتى يفهموة ؟؟؟؟؟؟؟؟؟؟

1- الصور اغلبها فوتشب صراحة عيت تركب في مخي ؟؟؟؟؟؟؟؟؟؟
2- مساحات المحلان جدا كبيرة على مشروع في بدايتة مثل المغسال فوتشوب
3- القهوة السفري موجود في المحطات وهل علها تصريح من البلدية السيارة
4- اغلب الافكار والجدوى المعروضة مليان السوق وابو يمن ماخلا لنا طريق يتوالدون مثل الارانب حسبا الله على من دخلهم البلد ؟؟؟؟؟؟؟؟؟

شكرا لك انا افكر بصوت عالي فلا تزعل

اولا اخوي انا وضحت انا ماتعاملت مع الشركة لكن قلت شوفو المشاريع وخذوا افكارهم بس

لا أكثر ولا أقل

ايوالله جبتيها اليمنه زي الجنون شغالين بكل مكاان خاصه بجدددة منتشرين انتشار مو طبيعي لا وازيدك من الشعر بيت الحين من بعد ازمه سوريه كل السواريه جو وهجوووم بالسعوديه على المشاريع وخاصه المطاعم ما بقي فرصه للسعوديين ينتفسو
استغفر الله بسس

برد على بعض النقاط اللي اثرتها :
يقول المثل حدث الناس بما يعقل حتى يفهموة ؟؟؟؟؟؟؟؟؟؟

ايش اللي ما فهمته يعني كل من قام يشكك سوا نفسه هو الوحيد الفاهم ،،عجيب امركم ،،

الصور اغلبها فوتشب صراحة عيت تركب في مخي ؟؟؟؟؟؟؟؟؟؟

ما شاء الله كل شيء فوتو شوب طيب المبنى كرتون يعني ، وانا قلت واكرر انكم تاخذون المشاريع والافكار موجودة في الرابط الاول

اغلب الافكار والجدوى المعروضة مليان السوق بس فيه بالرابط الاول افكار جديدة


اما موضوع اليمنه فهذا موضوع ثاني ونقاش ثاني والمطلوب ان اليمنه ما خلوا شيء ابن البلد او بنت البلد يكتفوا يديهم للمعلومية فيه شركات ومحلات يديرها سعوديين ناجحة وثابتة

ماشاء الله لا قوة إلا بالله

الله يوفق الجميع

انا اشتريت منهم دراستين جدوى ورحت لفرعهم بالرياض بصراحة افكارهم جميلة وخدماتهم رائعة

الله يوفقك ،، ياليت اذا نجحت مشاريعك تعطينا تجربتك ولو بشكل مختصر

شكرا جزيلا

عفوا أخوي
اتمنى من يريد الافكار يلقون ضالتهم

آمين وإياك
أنا الآن أعمل على احد المشاريع ذات الجدوى العالية محليا ودوليا-وبإذن الله لي تواصل هنا مرة أخرى

هههههههههههههههههاي
اتعجب من بعض الأخوان اللي يقولون الأجانب مااخلوا لنا شي
والله العيب مو منهم الا من بعض السعوديين
الاجنبي جاء من بلده يشتغل وماحصل ولد البلد يشتغل فا استغل الفرصه هذه واخذها والحين ملياردير
وبعدما الاجانب استولوا على بعض الاشغال جاء بعض الاخوان يطالب
مع العلم ان الحكومة مااااقصرت من جميع النواحي
وفرت الدعم
ووضعت بعض الانظمة لشركات و الاعمال الحره مثل ( حلقة الخضار )
وكله علشان مصلحة ولد البلد
وفوق هذا للاسف لم يعمل احد الا من رحم الله
ويجي الواحد يشتكي الاجانب اكلونا والله بياكلون لو شااافوا النعمه مافي احد عندها


انا مرت علي فتره اشتغلت في الحلقه
والله والله والله ماااتوقعت ان فيها ذهب وبدون مبالغه
اقسم بالله فيها خير
لكن اقسم بالله يوم دخلت السوق تفاجات ان مافي السوق يمكن ولا 10 سعوووديين
لقيت السعودي مأجر البسطه على الاجنبي واخونا راقد في البيت مأجر البسطه مدري بكم والباقي بلالاف للاجنبي
بالتوفي
اشتغل تعيش

الله المستعان