|
شباب جزاكم الله خير ووفقكم لمايحبه ويرضاه. استفسار
انا قدمت على كلية التقنيه بكالوريوس.. حتى الان مكتوب قدام اسمي
( بانتظار القرار) ماذا يعني هذا هل هو مقدمه للقبول .. او ماذا ومن كان لديه معلومه لايبخل علينا وكل عام وانتم بخير |
انا قدمت زيك وسويت اختبار البكالوريوس والكشف الطبي ومكتوب اني في مرحلة التفاضل النهائي و و لم يتم تحديد كرة الفرز او موعد الفرز
|
اقتباس:
شكرا اخوي مراسي الحياة.. طيب انت قدمت عن طريق النت وفي اي كليه ومتى قدمت... وهل مكتوب لك الان تحت الفرز انا لم يطلب مني تقديم اختبار.. ولا الكشف الطبي يعني انا لم يتم قبولي.. ارجو شرح طريقة تقديمك من البدايه حتى الطلب منك الاختبار والكشف الطبي ..واكون شاكر لك |
انا قدمت عن طريق الموقع في 26 شعبان وكان مكتوب اخر موعد للتقديم 8 رمضان لكن ايقونة التقديم مازالت متاحة حتى وقت قريب وكان باقي لي اختبار القبول ومكتوب لم يتم تحديد موعد وسيتم اشعارك في الابان(فلسفة لغة)
في يوم 10 رمضان ماجاتني اي رساله لكن لقيت في الاستئناف اسفل الصفحة مكتوب التالي في سهم اخضر ضغطت عليه ولقيت جدول تحديد مواعيد الاختبار من يوم 18 الى 22 رمضان وكل المقاعد متوفرة واخترت اول يوم كان يوافق الثلاثاء 18 رمضان ووصلتني رسالة تأكيد الموعد في الجوال يوم الاختبار وصلت القاعة لقيت يمكن 30 واحد تخصصاتهم مختلفة لكن اللي معاي في المحركات والمركبات 12 طالب بس وبقية الاقسام 5 او 6 اشخاص هذا الكلام في جدة كانت في لجنة تدقيق في الاوراق اللي شروطهم منطبقة فيه يعطوه ورقة دخول الاختبار واللي ماتنطبق عليه يعتذرون منه دخلت الاختبار وانا مستعد لاسئلة التخصص او اللغة الانجليزية واتفاجأت اول سؤال في الرياضيات لوغاريتم وجذر تربيعي وتكعيبي طبعا جبت العيد في الاختبار لكن بعد ما اانتهيت من الاختبار مباشرة ظهرت النتيجة 9 من 40 قاعد اضحك على نفسي وشوي توصلني رسالة في الجوال اني اجتزت الاختبار قلت الحمدلله مع اني ماني فاهم شي قلت يمكن يوم قالوا في الموقع للاختبار الاولوية للاصغر يمكن يقصدون الاصغر في الدرجة او يمكن الاصغر في السن قالوا في نفس الرسالة اجتزت الاختبار ووصلت لمرحلة الكشف سويته وكل شي بس ما وصلتني اي رسالة وحاليا في مرحلة التفاضل النهائي و الله يستر ما ادري اخوي اذا في موعد لاختبارات ثانية الله اعلم عندي رقم شخص مسؤول في القبول في الادارة العامة للمؤسسة بالرياض اذا تبغى رقمه علمني عشان استأذن منه و بالتوفيق |
الف الف شكر لك اخوي
وماقصرت بيض الله وجهك على الشرح الوافي الكافي اي والله محتاج رقمه ..الله يجزاك خير... وربي يوفقك دنيا واخره |
كلمت لك الرجال وقال مو مشكلة بس خليه يكلمني بكرة لاني مشغول جدا اليوم راح ارسل لك الرقم على الخاص لان الرجال ابن حلال قال لي اول ما يفتحون التقديم باتصل عليك وبالفعل اتصل الله يجزاه خير
|
اقتباس:
اهنيك على طيبة قلبك.. ربي يفتحها بوجهك وين ما رحت من القلب الف شكر |
مراسي الحياة اليوم كلمت الرجال ..ما رد علي
وارسلت له رساله... كلمه لا عله يرد علينا |
انا اذا ما رد علي اكلمه بالواتساب حاول يمكن يكون مشغول
|
اقتباس:
بس شكلي مالي نصيب بالقبول. لأن ماعندي اختبار بالستيب انصدمت يوم قالي لا خلاص الفصل هذا راح عليك.. جهز نفسك للفصل الثاني الله كريم ياطولها ست شهور |
| الساعة الآن 09:27 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين