|
اختبار الخطوط السعودية
السلام عليكم ورحمة الله وبركاته ياشباب انا جاتني اليوم موعد اختبار اللغة الانجليزية لخطوط السعودية في برنامج خدمات الركاب والمبيعات طيب الاختبار هو زي ارامكو ولا كيف وفرضا نجحت وانقبلت باذن الله في البرنامج كيف مستقبلها وشكرا
|
اقتباس:
انا كنت شغال معاهم من 2007 الى 2012 شوف اذا على ملاك السعودية القابضة اووك حلو اذا على الخدمات الارضية .... حط رجلك اختبارهم نفس step المستوى المتوسط انا ما انصح انك تعتمد عليها الا اذا تبغا تعدل بعد كذا شهادتك وتغير وظيفتك من الاخر مؤقتة انا تركتها وكان عدد اللي استقالوا منها في عام 2012 638 موظف راتبك بكون 4500 الاساسي 1500 بدل سكن اختياري ينزل مع الراتب او سنوي 750 بدل مواصلات الزيادة السنوية 179 ريال للدرجة 5الى درجة 9 من 9 الى 11 301 ريال والتذاكر لك 50% فقط خلال الخمس سنوات الاولى و75% space + تذاكر مجانية سنوية على الدرجة السياحية فقط بقيمة 3000 ريال للعازب و4000 ريال للمتزوج من الاخر تنفع لواحد تعليمه على قده ثانوية بعد 10 سنوات يوصل راتبك 10 الاف انشالله والعلاوة السنوية والترقيات مالها سلم يعني لو تقيمك من مشرفك والادارة سيء تحرم من العلاوة السنوية والترقية حتى لو كان 3/5 مالك علاوة سنوية لازم 5/5 الغياب يومين بدون عذر يحرمك من الترقية اذا كنت مستحق لها الترقية بموجب العقد كل سنتين من درجة 4 الى درجة 6 من 6 ومافوق حسب الشاغر لان 6 يعتبر رئيس مجموعة ومن 7 يستحق مشرف خارج الدوام الساعة ما تتعدى 40 ريال خارج الدوام الاجباري اليوم بيوم ونص التأمين الطبي (( ميد غلف )) الدرجة الثانية يعني ابو كلب لك وزوجتك وابوك وامك مديرها التنفيذي قايد العتيبي وكان الهلالي قبله تماما منفصلة عن الخطوط السعودية القابضة حتى بالشؤون القانونية وحتى بالتأمينات مسماك الوظيف حيكون مأمور تشغيل اذا بغيت تسأل عن شيء انا جاهز لك الاختيار وبالتوفيق السعودية زمان غير الحين ( حط ذا الشيء براسك )) |
^^^^^^^
ي شباب انا جتني رسالة القبول و الاختبار الانجليزي بس المشكلة متخوف بالحييل من الاختبار انا مستواي بالانجليزي اقل من الجيد هل الاختبار سهل؟ ابي مواقع تساعد؟ وهل في مقابلة وكيف المقابلة بتكون عربي او انجليزي؟؟؟؟؟؟ |
لاهنت عندك نماذج اختبارهم ياليت اتزودنا به
|
السلام عليكم ورحمة الله وبركاته
مساء الخير الي كل المتواجدين حالياً في هذا المنتدى الغالي الحين في أمور واجد نبي نعرف مثل طريقة الترسيم و اسماء الشركات التابعه له ومكان العمل هل هو في مكاتب الاشتراكت أو في المطار و ماهو عملك .ياعني في ناس كاتبين انك متخصص في الشناط وفي ناس كاتبين انك علي التذاكر والكلام واجد وانت عارف ...�������� |
اول شيء
الموظفين جميعا غير الصيانة والادارة الطياريين والمضيفين يتبعوا قسم التسويق التسويق ينقسم قسمين 1/ مبيعات التذاكر اللي يشتغلوا فقط في التذاكر سواءا في المطار او الادارة او المكاتب كل شهرين ثلاثة تلقى نفسك في مكان مرة بالمطار لمدة 4 شهور وبعدها بالادارة بعدها بالاسوق وكذا 2/خدمات الركاب هذي فقط في المطار وومكن تكون بالمطار في خدمات العفش وعلاقات الركاب وممكن تكون في مكتب الوزن والتوازن للطائرات (( لوود كنترول ))وهذي اذا ترشحت وحصلت على الرخصة لانواع الطائرات(( انا كنت اشتغل الشغلة هذي )) ووممكن تكون تشييك الركاب (( تعطيهم بوردنق باس )) وممكن تكون على البوابات لتصعيد الركاب وممكن تكون في الساحة يسموه (( ترافيك كنترول )) وممكن تكون في الساحة شامل للعفش واغلاق الطائرات واستقبالها كل اللي شغالين في المطار اسمهم (( ترافيك )) قسم التسويق _ الحركة لهم ادارة وجدول خاص فيهم اما اللي بالمبيعات اسمهم (( مبيعات المطار )) قسم التسويق _ المبيعات لهم جدول وادارة خاصة فيهم يعني انت وحظك اذا انقبلت ممكن تكون بالمبيعات او تكون بالحركة بالمطار ناس يفضلوا كذا وناس كذا اللي بالمطار كرف والغلطة فيها بفلوس بالاضافة الى ان الاوفر تايم (( خارج الدوام شغال عندهم على طول )) بسبب تاخير وعطل الطائرات اللي بالمبيعات والحجوزات راحة بس قليل عندهم مرررة اوفر تايم |
من الاخر اللي ماعنده امل انه يكمل جامعه
تعتبر الخطوط السعودية بعد الخصخصة رقم 12 بين الشركات للي يحملوا الثانوية سابك ارامكو اتصالات بترو رابغ افضل منها بمراااااااااااحل على فكرة ممكن يرموك تبوك الجوف الشمال الجنوب مو شرط تقدم بجدة وتتوظف فيها توقع أي مكان بعد الدورة اوسخ مافي الخطوط انك تحتاج لواسطة قوووووية جدا بعد ما تتوظف مو قبل احسن مافيها علاقاتك الاجتماعية تكوووون قوية جدا دكاترة ضباط مدرا سايسيين ارهابيين أي شيء يعني تتوظف فيها وتضبط علاقاتك عشان تتوظف بمكان مرمووق الشغل في المطااار مرررةة ممتع للي يكرف ويشتغل الترقيات بطيئة جدا العلاوة السنوية ميتة زمان كان راتبين برمضان والعيدين الحين هم ياخدوا منك فلوس الان افضل قطاع الخدمة الجوية بالخطوط بدلاتهم عالية جدا الحركة _المبيعات ذمتك لو واسعة لا تتدخل لان الرشاوي فيها على قفا من يشيل حتى الهنود يدفعوا الوووف عشان تمشي عفشهم |
اقتباس:
نزل نماذج step ويضبط وضعك المقابلة بالعربي (( والشباب اعرفهم كللهم )) اما الاختبار معهد التدريب والتطوير مسؤؤلين عنه ماعرفهم والله |
[COLOR="rgb(255, 0, 255)"][COLOR="rgb(255, 0, 255)"]هــــااااااااه
الله يعطيك العافية طال عمرك و الله يوفقك و عقبال الشهادة الطيبة [/COLOR][/COLOR] |
اخوي انا اختبرت كان اختباري ف الخميس وكان سهل مرة كلها قواعد واختياري 100 سؤال
|
| الساعة الآن 04:57 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين