مشكلتي اني معلمة في مدرسة اهلية ولما قدمت قالوا لنا الراتب ماراح يصير 5600 لكن بنزيدكم بعدين تبون ولا مع السلامة وافقت ولما وقعت العقد مكتوب الراتب بالعقد 5600 المهم ان المدير كل شهر يحول لنا على حسابنا 3100 من عنده و2500 من عند وشسمه الموارد البشريه واليوم اللي بعده نرجع للمدير كاش 3400 ومره 3350 على حسب مزاجه الظاهر والكاش عشان لو اشتكيناه يجيب لهم الكشف البنكي اننا ناخذ 5600 كل شهر واننا كذوبات وهو الصادق والمشكله الثانية انه مجبرنا اذا ودنا نداوم نوقع على استقالات مقدما غير توقيعاتنا على بنود كثر التراب وكلهم سلب بحقوقنا والاستقاله وشسمه كاتبين فيها ان ماعندنا اي حقوق ولاشي وهذي الاستقالة اذا مارجعنا له فلوسه كل شهر يقولنا مع السلامه واستقالاتكم عندي صدق اننا اغبياء يوم نوقع المهم مالكم بالطويلة الحين بالعطله يبغانا نعطيه 3100 كامله وناخذ من فلوس الموارد مبلغ ونعطيه كنه مسجل اسمه بالموارد مو اسمنا والحين مدري وش اسوي احسسسسه ماسكنا مع الايد اللي تعورنا ان سحبنا عليه وماعطيناه الفلوس خسرنا الوظيفه بما ان استقالاتنا عنده وان عطيناه المبلغ حسينا بالظلم والمبلغ اللي يبقى مايسد حاجتنا وفوقن على هذا شين وقوة عين يوم يقول بالعطله ابي من فلوس الموارد بالدراسة نصرف راتبا على الطالبات والتحاضير وحوسته وبالعطلة نصرف راتبنا له وش صرنا حنا الات ومكاين ولا بنات ملوك ومانحتاج رواتبنا مانقول الا حسبي الله على رجل ظالم الموظفين

وبسألكم صدق ان الموظفه اذا قدمت استقالتها تجلس خمس سنوات مدري ست بدون عمل مدري تحرم من حافز والموارد لو توظفت لان يدي على قلبي اخاف هذا يقدم استقالتي

عطونا حل واللي يقول اشتكي عادي اشتكي ومامعي اي دليل يثبت انه نرجع له كاش

حسبي الله ونعم الوكيل فيه
الله لايبارك له
ضحك وغشش وهدر لتعبكم ووقتكم
وربي لو انا بمكانك كنت ذبحته ولااعطيتة فلوسي
والشي الثاني انتم ليش ماتتفقون كلكم وتشتكون عند نزاهة(هيئه الفساد)
ويرسلون معاكم محققين ويمكن تروحون للمحكمه ويطلبون حلفانكم جميعا انتم وهو

نقطة اخيرة ياريت انك تذكرين اسم هالمدرسه وتشهرين فيها عشان تنزل سمعتها ويخسر مالكها الحرامي

النظام بالمدارس الخاصة يوقع صاحب العمل على راتب 5000 وفوق هذا يأتيه الدعم من الموارد 2500
لكن هذا نادر من يطبقه بالمدارس وممكن نعدهم ع الاصابع والمعمول به في الغالبيه يسلمك 3000 ريال ويخصم منها 400 للتأمينات الاجتماعية ويصلك صافي مع دعم الموارد 5600 ومدرسة عن مدرسة تفرق على حسب مزاجهم والاعيبهم والله يصلح الحال

نجي للإستفسار الاخير وهو حافز يجيك اذا استقلتي واسقطتي الاسم بعد ثلاثة اشهر من تاريخ الاستقالة اما الموارد ربما يتوقف الدعم اذا اكملتي سنة ثم استقلتي لكن نظامهم فيه سعه على حسب علمي فربما يتم دعمك مرة اخرى ولو نقضتي شروطهم والله اعلم لكن بالفترة هذه ابحثوا عن الوظائف الحكومية وافعلوا الاسباب والله يبعدكم عن مهزلة الشركات .

اتصلنا على نزاهة مكافحة الفساد قالوا لنا ماينفع تشتكونهم عندنا روحوا اشاكوهم عند اللي صرح لهم ادارة التربية والتعليم
وبعد ثلاث شهور اذا ماسووا لكم شي التربية يجي دورنا
مع الاسف ادارة التربية والتعليم لو رحنا لهم الواسطة بتوقفها واثبتات الكشوفات البنكية اللي عنده بيخليهم يصدقونه
اووووف بسسس على كل ظالم

انا قالي قبللناك اداري وراتب الاداري الف وخمس من عندنا والف وخمس من الموارد
لكننا ببنسجلك كمعلم وبيعطونك الموارد الفين وخمس ميه وحنا نظاما بنعطيك الفين وست ميه وكل شهر نبيك تعطينا الف وميه كاش
يعني تلاعب عيني عينك

نسأل الله العافية

من البداية الموضوع باطل فما بني على باطل فهو باطل

لايتم التوقيع الا على شيء واقع وحقيقي اما اوقع على شيء واسوي شيء و آخذ شيء آخر

الغلط منكم اسمحي لي ...و الاستغلال والتلاعب و الجشع واضح من قبل المدرسة

أنا أؤيد أختي قوت فروت ..

الغللط من الأساس منكم يالمعلمات !!

أنا كنت في أهلية والله ما ظلموني في راتبي أبدا .. بالعكس كنت مبسوطة عندهم .. وكنت أعرف حقوقي قبل لا أتوظف عندهم

ولا يقدرون يلعبون ويلفون يمين ويسار طالما أنا أعرف النظام والقانون

ليش توقعون من الأساس على راتب 5600 وانتم ما تستلمونه !! وقالوه لكم عينك عينك !! لا ما أوقع .. خلكم صادقين مع أنفسكم الناس يكونون معكم صادقين ( طبعا أقصد المالك )

شوفي أختي .. قبل لا تتركينهم ..

أول شيء الاستقالة للي تقولين عنها وشهي ذي !!

ترى أنا كنت أوقع استقالة بس المقصود منها انه توقيع نهاية السنة انك مستلمة حقوقك كاملة ولا لك ولا لهم شيء .. والعهد مرجعتها سليمة وكل شيء .. هذا اجراء روتيني عادي .. يسوونه المدارس الأهلية يتحسبون ان المعلمة ممكن تتركهم .. فإذا تركتهم خلاص الوجه من الوجه أبيض .. ما تركتهم عادي مجدد العقد معها سنويا وأمورها تمام

ثانيا .. تأكدي من تسجيل اسمك بالتأمينات الاجتماعية وانك لك فلوس فيها ( لأن الفلوس تعتبر لك كراتب تقاعدي لك )

ثالثا .. حاولي تلجأي لمحامي وتشرحين له المشكلة بالتفصيل الممل . يمكن يقدر يساعدك ..خصوصا من ناحية الراتب اللي تستلمونه وتعطونه له ..هنا لازم محامي تلجأين له لأنه يفهم في ألاعيب هالأشكال

للمعلومية .. وحده من زميلاتي اشتغلت ترم كامل وهي مااستلمت ولا فللللللس !!! بدون راتب !! كل مره يواعدونهم ووعدوهم في مهب الريح .. لجأت لمحامي وقدم لها شكوى وتقفلت المدرسة بسببها .. ودفعوا لها بالأخير جميع مستحقاتها مع التعويض يجي تقريبا 40 ألف ريال

واعتقد بالنسبة للشكوى تشكينهم لوزارة العمل لأنهم قطاع خاص وهي المسؤولة عنهم.. مش نزاهة ولا وزارة التربية والتعليم .. وزارة التربية لها علاقة بالتصاريح والتوجيه والاشراف ومستوى الطاقم التعليمي في المدارس الأهلية فقط .. أما مسألة الرواتب والتأمينات والموارد ذي تتبع وزارة العمل

لذلك أنصحك قبل لا تتركينهم الجأي لمحامي + قدمي على مدارس أهلية ثانية أحرص

والله يوفقك ويسخر لك

وطمنينا وش يصير معك

الاستقالة لو بها تاريخ كان نقول نهاية السنة
لكن توقيع بدون تواريخ واختي قبل كانت تشتغل في قطاع خاص
ماوقعت الاستقالة الا بعد ثلاث سنوات بعد ماخلاص قالت بترككم
واستقالتها بتواريخ مو مثل هذولا خلونا نكتب بدون تواريخ عشان هم يحطونها بعدين
والمحامي صعب يبيله أتعاب ويمكن بعد التعب يجيب واسطه ويوقفها
لانه قبل اشهر صارت شكوى عليه من موظفه في فرعه الثاني تشتغل
وبعدها سكتوا لاتحقيق ولاشي

كلمنا مكتب العمل حسينا ان الموضوع عادي عند الموظف
مو متحمس وقالنا روحوا لادارة التعليم ولازم الموظفات كلهم يوقعون
طيب انا مالي شغل بالموظفات لي شغل بنفسي بعدين ماتقدر تتكلم معهم
الموظفات فيه بعضهم جواسيس ماتدرين من اللي معك ومن اللي ضدك
ليش التعقيد