مبتعثه و نجحت بقياس تكفون ابي المشوره خصوصا من الي باشروا قبل
 

السلام عليكم
انا مبتعثه لامريكا وفي تاريخ 22 من هالشهر رجعتي باذن الله :c
ومحتاره والله يسعد ويوفق كل وحده ترد علي
انا لازم امشي لان مادري انا اتعين او لا في النهاية هذا شيء بيد الرزاق
لكن بنفس الوقت ماني عارفه ايش الخطوات بالضبط بعد الترشيح وكم المده
يعني مثلا لو طلع اسمي بتاريخ 30 مثل ماهم كاتبين بالجدول تاريخ اعلان النتائج هل ضروري حضوري او تنوب عني اختي بالمطابقه على بال ما اوصل
وكم المده بين اعلان النتائج والمطابقه والمباشره
ودي اي معلمه سابقه تشرح لي بالضبط الوضع
لان اجرائات التاجيل تطول شوي لين ترضى الملحقيه
لانو انا مقدمه على الجنوب من ضمن خياراتي
وانا قريت كثير مواضيع لمدرسات انسحبو بسبب سوء الضروف والطرق هناك
فوقتها تكون بعثتي موجوده

لاحد يقول الدراسه افضل فانا ما ابتعثت الا علشان اتوظف وانا بحاجه للوظيفه
تكفون ابي اجابه واضحه
والله يجعل من يرد للجنه هو ووالديه وكل غالي عليه يارب

معلومه : انا تخصصي رياضيات


بانتظار جود اصابعكم ...:w

ماعندي خبره صراحه بس انتي حاليا مبتعثه والحكومه قاعده تدعمك ماديا (اذا كانت حاجتك للوظيفه ماديه ع مايبدو)
مو حرام تتركين دراستك بنص المشوار غير ان احتياج هالسنه اصلا مايستاهل !!
عصفور باليد افضل من عشره ع الشجره ، كملي دراستك وارجعي بشهاده كويسه توفر لك وظيفه مرموقه .

انا ماقلت اني بفرط بالابتعاث لاني احاول اجمع بين الاثنين ان كتب لي ربي وظيفه فالحمد لله
وان ماكتب رجعت وكملت

بسبب ظروف خاصه القبول بالتدريس افضل من اكمال مشواري بالدراسه

ورجاء رجاء رجاء
لاحد يكتب الدراسه افضل ومادري ايش انا ادري لكن الظروف احيانا تحكم علينا بعكس هوانا


شكرا بارفيوم على ردك
بانتظار اهل الخبره والعلم الاكيد

المطابقة امرها سهل اي احد من خواتك تطابق عنك لكن المقابلة ماني متاكده
غالبا يكون بين المطابقة والمقابلة اسبوع تقريبا
اقترح عليك لما تترشحي ان شاء الله لا تنقلين هم المطابقه
رتبي امورك للمقابلة واذا قدرتي تتواصلي مع مكتب الاشراف بالمنطقة الي تترشحي فيها تشرحين وضعك حتى تقدري تأجلي موعد المقابله <<يخلونك اخر المرشحات
ربي يكتب لكي الخير ان شاء الله

اول حاجه الله يوفقك في امورك كلها يارب

واسأل الله العظيم ان يكتبك من المتعينات هالسنة

وان شاء الله ما تحتاجين الابتعاث

انتي استخيري وقدمي وخلي كل شي ع الله

ان الله كتب لك رزق هنا راح تتيسر امورك باذن الله

والله يسسعدك ويرزقني واياك بالرزق الحلال يارب

وبالنسبه للمطابقة ياقلبي ع حسب الموظفه بعضهم

يجون يخافون الله وبعضهم متجبرين وقاسين

لكن وكلي امرك لله

بحر الغربه --- الشيماء
الله يسعدكن دنيا واخره


طيب هم كاتبين انه بتاريخ 30 راح يكون اعلان النتائج
يعني من تاريخ الاعلان اسبوع بس ويطلبوننا للمطاقه ؟


الله يسعد من يرد علي

الله يوفقك وييسر لك الخير
اختي اول شي حاولى ان سفرك يكون على (الحركرك) اقصد اذا انت مبتعثة اصلا يعني مو جديدة والان انت في السعودية يعني خلاص بيتك جاهز في الغربة احجزي رحلتك بحيث توصلين وبكرة يبدا الدوام عشان تستغلين الوقت الين اخر قطرة حتى لو لا قدر الله انك تغيبي اول اسبوع عن الدوام في امريكا لا تخافي ترى الامور سهالات وحتى تغير موعد الرحلة غالبا سهالة وفقط احيانا يتعقد
اقصد حاولى بكل الطرق انك ماتفوتي الفرصة لو نزل اسمك
موفقة وتماما حاسة بمشاعرك

الله يوفقك

المشكله انو ماقدر ااجل لاني غيرت الجامعه ولازم اختبار تحديد مستوى
وماقدر اتغيب عنه
والرحله نهائي ماقدر الغيها او استبدلها لانها من موقع مو مكتب

الله يسعدكم دنيا واخره كل من رد علي :h