|
الشركة طردوني ولم يعطوني حقوقي !
السلام عليكم ورحمة الله وبركاته
انا اشتغلت في شركة شهر واحد وكنت اشتغل كويس وامشي شغلي وبدون سابق اي انذار جاني المدير وقالي انت مفصول قلت ليش قالي السبب وهو تافه لا يعقل تصديقه وجميع الموظفين استغربو لما قلت لهم فصلني عشان كذا ... ولما قلت للمدير وراتبي قالي مالك شي واتفضل باسلوب طردي انا الحين ابغى راتب الشهر اللي اشتغلته فهل اقدر اطالبهم ؟ لانهم ما سجلوني في التامينات يعني مافي دليل يثبت اني اشتغلت بالشركة لا تبخلو علي الله يرحم والديكم |
لاحول ولاقوه الا بالله
تشتغل شهر مجاني سلامات ان شاء الله يجي من يفيدك |
هل يوجد لديك مايثبت إلتحاقك بالشركة مثل نسخة من العقد أو إشعار تعيين أو مثلا كشف الحضور والإنصراف.
توجه إلى مكتب العمل والمحكمة الإدارية. |
اقتباس:
وهم يصرفوني كل يوم بكرا حتى كنت اداوم بدوم تسجيل حضور لاني ميداني على كلامهم شركة فاشلة حسبي الله عليهم |
لازم يعطيك إشعار بالفصل مو كلام وبس.
|
[align=center]للشركه الحق في طردك خلال الثلاث أشهر الأولى بدون سابق إنذار[/align]
|
^
معاك حق بس يقولك ما أستلم راتب الشهر لازم يتقاضى أجر عن المدة اللى أشتغلها معاهم، غير كذا الفصل كان شفهي لازم خطي والا الحين بعد التغيب يفصل بحجة الغياب. |
بخصوص الفصل يحق لهم.
لكن الراتب مايحق لهم!!! تأكد من تسجيلك في التأمينات عن طريق سجلك المدني وتبحث عنه في موقع التأمينات وابحث كذلك في وزارة العمل هل تم تسجيلك. غالبًا الفترة التجريبية 3أشهر ومايتم تسجيل الموظف إلا بعد شهر شهرين. إذا مافي أي أثبات كلم المدير بالطيب. والمهم وش السبب؟ يعني لايكون ضمن الشروط في العقد اللي وقعت عليه؟ |
عزيزي الموضوع سهل وخذ العلم الأكيد
تقدم بشكوى إلى مكتب العمل مفادها بأن الشركة انهت عملك دون سابق أنذار وانهم رفضوا يسلمونكم نسخة من العقد العقد مو لازم يكون مكتوب كتابة اذا اشتكيت عليهم واثبت بأحدى وسائل الاثبات عقد - تسجيل تأمينات- حضور وأنصراف - اذا شهدوا الزملاء او العملاء بأنك تعمل معاهم ومداوم راح يكون امام الشركة احد الخيارين اما انها تطلع عقدك وبكذا راح تنجبر تصرف الراتب لك او انها تقول ماسوينا عقد او مضيعين عقدك وبكذاا مكتب العمل يلزمهم بالشروط الخاصة بالعقد النموذجي حق مكتب العمل الا وهو تعيين بعقد غير محدد المدة بحكم انك سعودي او مدة رخصة العمل اذا انت غير سعودي وبدون فترة تجربة والراتب يقاس على المهن الموجودة عندك بالشركة واذا مافي مهنة مشابهة ينظرون للمهن المشابهة للسوق نصيحتي اشتكي غالبا الشركة بتحاول توصل معك لتسوية عند مكتب العمل وخلك حازم وشديد ولاتخاف من شي والموضوع يبي له طولة بال خلهم يتأدبون الدنيا مو فوضى |
اقتباس:
بمشيئة الله راح اتوجه غدا لمكتب العمل وارفع فيهم شكوة انا عندي رقم اقامة المدير وهو اردني وعندي صورة من سجل الشركة كما راح اكشف امرهم انهم مسوين سعودة وهمية الشركة مافيها غير 4 سعوديين واحطينهم في وظائف متدنية والبقية اجانب من اصغر مدير لاكبر مدير |
| الساعة الآن 06:18 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين