خواتي باخذ رايكم
بدخل بالموضوع على طول فيه بنات يقولوا ان كرت العائله ماعاد له لزوم في المطابقه وانه لازم بطاقة أحوال او جواز سفر طيب واللي ماعندها لا بطاقة ولا جواز وش تسوي ولا عندها احد يوديها ويجيبها عشان البطاقه او الجواز يعني تروح عليها الوظيفه لو ترشحت
انا أقول ليه مايكون من ظمن الخيارات بطاقة قياس مع بطاقة الأحوال وجواز السفر يعني اللي ماعندها بطاقة ولا جواز تجيب بطاقة قياس اللي فيها بصمتها يعني نفس طريقة قياس يعني نبصم ويتاكدون هي نفسها البصمه اللي بالبطاقه والا لا (ياليت تكونوا فهمتوني ) لان أي شخصين مستحيل تتطابق بصماتهم حتى التوئم وهم توئم بصماتهم ماتتطابق |
معقدين الامور الله يعقد حياتهم
|
ايش رايكم يابنات يعني قريتوا وطلعتوا ولا احد علق
|
الظاهر لااازم الصورة لان فيه بنات يرسلون احد غيرهم
موفقه .. |
من الان احجزي موعد في الاحوال ولا تنتظرين احد
سوي امورك بنفسك لاتقولين ماعندي احد يودي ويجيب ماهو عذر لو بغيتي تقدرين انا حالي يمكن اسوأ من حالك من هالناحية لكن حمدلله صرت اعتمد ع نفسي وادبر اموري لو احفر الارض واطلع اهم شي لايضيع مستقبلك ما احد نافعك يمكن الله رايد لك وظيفة هالسنة اعملي بالاسباب ,,موفقة |
طيب طلعي جواز سفر يقولون مايطول يومين
|
اقتباس:
|
جواز السفر أنا طلعته قبل ما أطلع بطاقه احوال
عادي جداً بكرت العايله تطلعين جواز سفر في يومين البطاقه تطول شويه |
ياقلبي لازم بطاقة هويه او جواز سفر،،اختي طلعت جواز سفر بيوم واحد وهي علی وشك سفر وماطلبوا منها بطاقة هوية بكرت زوجها ،وتری الهويه راح تكون اجباري قريبا بكل التعاملات وتری اجراءاتها ماتطول بس لازم يكون معاك ولي امرك.
لاتقولي ماعندي احد والله الحال من بعضه بس اضغطي ع اللي عندك وهو يوم واحد تقدري تخلصي كل شيء. ربي يسهل امورك يارب .. |
الساعة الآن 02:35 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين