|
أحترت بين العسكريه والمدنية
السلام عليكم
أخواني عسى الله يرزقكم من واسع فضله وأن يرزق كل محتاج للوظفيه أنا في حيره من أمري بين الدخول في العسكريه [ طواري ] أو التوظيف في جامعة أم القري مساعد اداري مرتبه خامسه وهالوقت ال5 الاَف ما تفتح لك بيت وتزوجك ..! فأنا محتار وأعطويي رأيكم في ان اتوظف في طواري براتب لا يقل عن 9 أو 10 الاف أو مساعد اداري مرتبه الخامسه براتب 5200 ريال [ علما أن الجامعة أرسلو لي رسالة بالقبول المبدئي ] نصائحكم ..؟ ولمن مر من هنا :w |
وعليكم السلام ورحمه الله وبركاته..
استخير اولاً وأكيد الراتب يفرق بس مشكله العسكرية بعد التقاعد يقل راااتبك كثيرر. اما الجامعة لو ماشية في الترقيات وادارتهم زينه اتوقع انها افضل.. بالتوفيق يارب والله يكتب اللي فيه الخير.. |
^
الله يوفقك أخوي لكن طلعت لي مشكلة اخري أن كثير ممن توظفو في بمسمي [ مساعد اداري ] يشتكون من الظلم اللي يحصل لهم من مدرائهم .. صدق الواحد يحتار .. نشوف أراء البقيه |
السلام عليكم
الفرق كبير العسكري : راتبة التقاعدي يصفي له ربع الراتب الاساسي المدني : تقريبا ثلثين الراتب ان لم يكن اكثر بعد التقاعد العسكري : دوام ومناوبات وارتباط كامل ، وتضظر تجامل في اوقات كثير على حساب نفسك المدني : دوام محدد واجازاتك مع ابنائك ، ولا احد له علاقة فيك العسكري : راتب عالي وبدلات وحوافز المدني : راتب ضئيل قياسا بالمرتبة المشغولة بنهاية الامر وانا اخوك انت اكثر الاشخص دراية بوضعك ، اذا كنت من سكان مكة وقريبة لك الجامعة لايغرك كلام اخوياك ترى المدير بالمدنية مايقدر يسوي لك اي شي وقع حضور وانصراف ولا له اي كلام |
يالعتيبي اذا عندك شقه ملك وسياره لاباس فيها وعندك من بيساعدك في زواجك روح المدنيه
اما اذا بتستاجر من راتبك وتتزوج من راتبك فا وربي 5000 ماتسوي لك شي بتروح بأجار والتزامات ولا يصفى لك شي الوقت هذا كل شي غلا فيه حتى الـ 10 بالعافيه تخارج بعد القروض .. انا اشوف تدخل العسكريه وتعز نفسك .. اما تدخل مدنيه وراتبك اقل من الجندي صعبه والله فـ النهايه استخير وربك ادرى وين رزقك .. بالتوفيق |
اقتباس:
|
من ناحية الراحه اكيد المدنيه
بس الفرق الراتب والحين في الزمان هذا فلوسك هي اللي تعزك وانت وراك زواج وراك مصاريف و 5 الاف ماتسوي شي عز نفسك نصيحه |
[align=center][align=justify]اخوي في هالزمن الي بيحط براسه زواج وبيت ومدري وش بيتعب ..
اهم ماعليك راحتك حتى لو تجلس عزابي طول عمرك المدنية لا تفرط فيها لو بالمرتبه الرابعه وبعدين المدنية ان جلست فيها 5 سنين يتدبل راتبك 25% لان علاواتها السنوية عاليه بعكس العسكري علاوته 150 بس نصيحة فكر براحتك وسعتة الصدر ترى العسكرية بتحرمك من اشياء كثيره ارتباط ودوام شفتات وغثاء ومجتمع منحط بعكس لما تداوم بجامعه معك دكاترة وطلبه وناس نظيفه وفاهمه[/align][/align] |
..
أتوقع الأخوان كفّو ووفو ..عندي لك نصيحة ل رحت للعسكرية "" سو مثلي "وضرب عصفورين بحجر" انا مقدم على الحرس الملكي,وبقدم على جامعة أنتساب.. بكذا تظمن شهاده من الطبقه العُلياء "بكالوريس".. فكر بالمستقبل وأنا اخوك, رغم أن اغلب اللي تعسكّروا مسحو شي أسمه"زواج" استخر وشف بالأخير.. ولو براسك العسكرية شد حيلك فيها وشد بالأنتساب..3 سنين واخر كل سنه تختبر وتطلع بشهاده جامعيّة افضل من يصير عندك شهادة"فرد اساس"تقريبًا الشهاده الجامعيه هي بترفع راسك فوق..بعد ماتاخذها قدم على وظايف بشهادتك الأنتساب.. يمكن تجيب وظيفه أفضل من العسكرية بكثير . ربي يوفقك ويوفّقنا ويوفق جميع المسلمين .. |
المدنيه افضل والراتب الله يبارك فيه ان شاء الله وترا الزواج الله يعين عليه
و استخير الله |
| الساعة الآن 12:15 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين