استفسار عن مقابلة شخصية في كويك باي بنك الاهلي
 

صباح الخير..


اخواني

عندي مقابلة يوم الاحد ان شاءاالله

في البنك الاهلي على وظيفة خدمة عملاء الحوالات(كويك باي)

ارجو من اللي تقدم للمقابلة الشخصية يفيدنآ ايش كان محور المقابلة الشخصية

وكيف نظام العمل في الحوالات والراتب والمميزات
وهل لها مستقبل اولا ويكون الشخص موظف رسمي او كونتركت..؟
علما ان المؤهل دبلوم..وخبرة سنة في شركة موبايلي مبيعات
ربي يوفقنآ ويوفقكم

يعطيكم العافيه

انا عملت مقابله قبل كم يوم

لكن مقابلتك بي مدينه ومع من

في الخبر

ولكن مادري بتكون مع مين..

ياليت تشرح لي وش كانت اسئلة المقابلة وايش العرض..

بالتوفيق

قال تكلم عن نفسك وسألني عن خبرتني والراتب بدبلوم 5850 بدون العمولات
بس اللي انا مستغربه قال اي الدوام راح يكون مب بثوب وشماغ
مادري هو صادق او لا ياليت تفيدنا انت عقب المقابله او اي احد عنده معلوومه
والدوام راح يكون فترتين من 8 الصباح الي 12 الظهر
وبالمساء من 4 العصر الي 9 بالليل وأي سؤال تبيه اسأل


ارجع وأقول ياليت احد يفيدنا عن الزي حق الدوام وشو راح يكون

طيب انا معي بكالوريوس ومقابلتي الاحد ماتدري كم الراتب ؟

شباب كيف قدمتم ، لهم موقع او ايميل للتقديم ؟

يعطيك الف عافيه

والله راتب كويس

لكن كيف نظام الاوفات؟

اتوقع عادي بدون شماغ لانك راح تتعامل مع اجانب والشغله اتوقع يبي لها حركة

لكذا قالك بدون شماغ
لكن ان شاءالله بخبركم وش يحصل معي بالمقابلة

وان شاءالله يوافقون عن توظيفي

التقديم ي الغالي عن طريق موقع وظائف بنك الاهلي

كل فترة ينزلون وظائف قدم ويتصلون عليك

ربي يوفقنا ويوفقكم..

في شي انقلش او بس عربي؟؟

طيب كم الراتب للبكالوريوس ؟؟؟

لا يابيي

حتى ثوب ما تلبس الظاهر هم يحددونه لك الزي ونت تأكد وخبرنا
والمقابلة كلها عربي


سهله جداً بس خلك واثقن من نفسك

اللي اعرفه ان الدبلوم 5850 فقط هذا اللي قاله لي اللي زين معاي المقابله