|
مشروع محل بطاطس مقليه
بسم الله الرحمن الرحيم كيفكم حبابي اخواني انا ناوي افتح محل بطاطس مقليه طبعا تعرفون الصغار يحبون البطاطس وانا اخترت محل عندنا في الحاره فيه صغار كثير فا ابي اسئلكم واخذ استشارتكم فيه عندي بعض الاستفسارات كم تكلفت المشروع كامل وكم إجار المحل بالعاده وراتب العامل وشروط البلديه ابي فايدكم جزاكم الله الجنه :w |
الله يرزقك ياخوي من واسع فضله محل وتبيع فيه بطاطس شوي صعبة - انا انصحك بـ ( الهمبرجر المشوي لحم - دجاج ) وتبيع بـ الوجبة + ببسي + وبطاطس ) حاول انك تخصص في هالشى عشان تركز على شغلك وتتخصص فيه , انا بالرياض وهالمحلات داخل الاحياء وعليها اقبال والله يوفقك * |
اقتباس:
انا شفت محل في مكان قريب منا يبيع بطاطس وعليه اقبال كبير وزحمه فا اعجبتني الفكره |
اطلب من اخواني الي عندهم خبره المشاركه
|
أخي ليش ما تخليه بطاطس مشوي أفضل صحياً من المقلي ! حتى طعمه أفضل !
هو ما يحتاج محل فقط يحتاج كشك صغير أو عربيه لكن لا أدري عن شروط البلدية .... بالتوفيق أخي. |
وانا اختك مشروع جدا ناجح زوجي فتح محل بطاطس مقلي وبليله كلفته ٤٠الف الايجار ٢٠الف
فقفل المحل وسوى كشك صغير كلفته ١٥ الف لان العامل سواق عندنا بس الربح مضاعف عن المحل وبتوفيق والله يرزق الجميع المحل المخالفات اللي تجي عليه اهمال من العمال |
اقتباس:
|
لا تنظر لسعر الاجار كثر ماتنظر للربح اللي بيجيك من موقع المحل .. الاجارات تختلف من حي لحي ثاني ف افضل طريقه تعرف فيها الاجارات رحت لأقرب محل عقارات واسئله عن الاجارات بمنطقتكم اقتباس:
|
من وجهة نظركم 10 الف تكفي لفتح المشروع
|
يبغالك تكون متخصص في جميع انواع البطاطس
وانصحك تفتح كشك بمول افضل لك هو الموقع الانجح القلاية حقت البطاطس تكلفك جديده ب 1200 ريال لكن راس مالك قليل مايجيب الي ذكرته لانك تحتاج عامل والعامل نقل كفالته تكلفك من الفين وفوق ويمكن تغير مهنته بالف ريال والتاشيرات تكلفك التاشيره الفين واذا جاء العامل تكلفك اوراقه حول 3800 ريال 10 الاف ماتسوي شي ياغالي لكن انصحك بالعمل الحر بدون محل وبدون ايجار وعمال حاول تشتري اشياء وتبيعها لين يتطور راس مالك شوي |
| الساعة الآن 11:06 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين