تجمع المعتذرات عن الوظائف التعليمية
اللهم
اني استخيرك بعلمك واستقدرك بقدرتك فانك تعلم ولا اعلم وتقدر ولا اقدر وانت علام الغيوب اللهم ان كان لنا في هذا التعيين خير في دنيانا واخرتنا فيسره لنا واعنا وان كان فيه شر لنا في دنيانا واخرتنا فاصرفه عنا وابدلنا خيرا منه عاجلا وارضنا به انت رب الحاجات والقاضي بكل امر بيدك ملكوت كل شيء الله ارزقنا من واسع فضلك واكفنا بحلالك عن حرامك ماتيسرت لي اسجل موعد مقابله والى اللحظه ماضغطت ايقونه اعتذار عن التعيين مين زيي قاعده اواسي نفسي ان الاحتياج السنوي عاده افضل وان ماعاد في مكرمات لناس علي حساب ناس وان شالله الاحتياج القادم اكبر والمناطق افضل فاش رايكم اهلوس والا مواساتي لنفسي بمحلها |
الله يعينكم يارب والله حسيت فيكم وش المدينة الي طلع تعينك فيها وتخصصك وليش تعتذرين اختي لو انا مكانك ماعتذرت وظيفه تجي عندي وأتركها 😅😁
|
لا ياختي حاولي ماتعتذرين والله ييسر امرك ويسهل لك كل امر عسير الفرصه ماتجي الا مره وحده والحال من سي لاسوا والله يسخر لك القلوب القاسيه والعبيد العاصيه ويسخر لك جنود الارض وملائكه السماء
|
اي منطقه وليش تعتذرين
|
لا تعتذرين
|
طيب واللي ماعندها موعد مقابله غير بكره ومو في نيتها الإعتذار هذي وش مصيرها ؟؟؟
|
ربي يكتب لك الخيره
لكن ايش اسباب اعتذارك؟ يمكن نساعدك |
زين فتحتو موضوع كامل عن الاعتذار
لاني والله محتاره كثيره تعينت في وادي الدواسر وخايفه منها وش تنصحون ابي شوركم بس والله خايفه من هالمنطقه ابي اقدم اعتذار وخايفه يحرموني من التقديم. مره ثانيه |
يا بنات نصيحه من اخت محبة لكم
طالما عندك الفرصة وجتك الوظيفه ليش ترفضين هل تضمنين يطلع اسمك بالمفاضله الجايه؟ هل تضمنين انك راح تسلمين من قراراتهم الي كل مالها من سيء لأسوا؟ هل تضمنين ما يصعبون التوظيف اكثر وأكثر ؟ بكرة بتلاقين بنات هالمفاضله قربوا عند اهاليهم وإنتي ما بعدك توظفتي توكلي على الله ودام جاتكم وظيفه تستاهل العنا تعنوا مافي شي يجئ بالساهل في هالدنيا السنه راح تمر بإذن الله وبالذات الترم الاول كله إجازات وغمضوا عين فتحوا الثانية تلقون السنه راحت بلمح البصر فكروا بدل المرة مليون فيه بنات يتمنون مكانكم أنتم بنعمه والله بنعمهه |
صح كلام اختي ثمة امنيات
توكلوا على الله و لا تعتذرون حددي المقابله بعد توكلك على الله والاستخاره لاااا تعتذرون |
الساعة الآن 05:28 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين