افضل مشرووووووع نسائي
 

السلام عليكم ورحمة الله وبركاته

حبيت اسأل وش افضل مشروع نسائي بالرياض لأني بصراحه مليت من قعدة البيت

وابي اشغل نفسي بأي شي

وياليت البنات اللي عملو مشاريع واللي عندهم افكار لمشاريع غير المشاغل

يقولون لي عنها اتمنى تفيدوني

تحياتي لكم

اهلين عزيزتي ..

شوفي الموضوع هنا في نهاية الصفحة الأولى وكامل الصفحة الثانية:
https://www.btalah.com/showthread.*****..newpost&t=5596

حطيت اقتراحات للعمل النسائي وايضا ذكرت اشياء عن صندوق عبداللطيف جميل للمشاريع الصغيرة ..


اتمنى اكون افدتك

لو تكلمنا عن التجارة بغض النظر عن التخصص فأنا لا أجد في زماننا هذا عائق للمرأة عن التجارة ..

يمكن للمرأة ان تشاطر امرأة مثلها التجارة في اشياء من تخصصاتها ..


والأمثلة على ذلك كثيرة منها: مراكز التجميل .. مراكز تصميم الأزياء .. النوادي الصحية النسائية .. وغيرها كثير .. وطبعا كل الاشياء التي ذكرتها تكلف ولكن ارخصها واسهلها تصميم الأزياء ..

طبعا انتي محاسبة لكن ممكن لو عندك ذوق معين في التصميم او حتى الخياطة انك تمسكي محل يكون ملك لك او تشرفين على عاملات حتى لو كانوا سعوديات ويصير كسبتي خير غيرك من بنات بلدك ..


طبعا كل كلامي يحتاجله فلوس ممكن تدبرينها بالمشاركة مع بنات تثقين فيهم ..


انا عن نفسي من الناس اللي افضل ان زوجتي تمسك او تشرف على تجارة معينة او نشاط تجاري عن انها تشتغل بدوام يومي ثابت ..

فأنا شخصيا درست فكرة انشاء مركز صحي او رياضي او تصميم ازياء او اي شيء نسائي (انتن ادرى بمجالات عملكن) .. ووجدت انها ناجحة بس يحتاجلها 3 اشياء:

رأس مال - تخطيط - دعاية

فكرة اخرى لو فكرنا بالتجارة العادية في اي شيء عادي غير نسائي:

ممكن تتقاسمي المشروع مع احد اقرباءك من الرجال ويصير انتي مجرد ممولة .. طبعا هذي يبغالها اكوني عندك فلوس جاهزة .. يعني حوالي مثلا 30,000 ريال وهو برضه مثلها .. ويصير الله يعينك الرجال حيكون الكل في الكل لانه هو اللي حيشتغل ويتحرك ويروح ويجي وانتي بس في بيتك تنتظري فلوسك نهاية كل شهر .. وطبعا ممكن هالشي يخليه يكسل ويتقاعس عن الحماس للشغل .. فالأفضل انك مثلا تدخلي في شراكة معه على ان تكوني مثلا انتي ب33% وهو ب66% .. يصير هو الممول الأكبر وأكيد وقتها حيتحمس أكثر لأن اغلب الحلال راح يكون حلاله .. كما انه لو كنتي انتي 50% معه وهو 50% راح يحس بظلم كونه هو يداوم في التجارة ويهتم ويباشر العمل والمراقبة وانتي بس قاعدة في البيت وتاخذين نفس دخله الشهري .. فأرى فكرة انك تكوني بالنصيب الأقل فكرة ممتازة ..


فكري في كلامي .. والله احسه ممكن ينجح .. طبعا كله بمشيئة الله بعد التخطيط السليم ودراسة الموضوع


ولتمويل المشروع ايا كان فعندك طريقة آمنة ومضمونة:

صندوق عبداللطيف جميل لدعم المشاريع الصغيرة ..


صندوق جدا ناجح .. يبدأ بأنهم يسألون المواطن بفكرة مشروعة وماهي بالضبط .. ويشترطون عليه اشياء منها:

1: ان يشتغل بنفسه في المشروع .. يعني مو يقول ابغى افتح محل حلاقة ويجيب عمال .. لا .. يشتغل بنفسه
2: يشرفون على تدريبك بنفسهم في معاهد متخصصة لمدة 4 اشهر .. سواء حلاقة او نجارة او الكترونيات .. الخ
3: المبلغ الذي ستأخذه سيكون قرض حسن .. يعني ترجعه بدون اي فوائد ..
4: خلا فترة عملك في المشروع سيقوم فريق من عبداللطيف جميل بزيارة مقر عملك وتقييم شغلك لمتابعتك والمحافظة عليك من الأخطاء
5: يتم تسديد مبلغ القرض بخصم جزء من ارباحك الشهرية
6: طالما لم تسدد مبلغ القرض كاملا فالمشروع هو ملك لعبداللطيف جميل وانت مجرد مشارك معهم في المشروع
7: بعد انتهاء دفع كامل القرض يصبح المشروع ملك لك بالكامل ولك حرية التصرف فيه او تشغيل احد غيرك فيه من عمال وغيره ..

كلنا شفنا الدعاية حقتهم .. جابوا برضه بنات في اشغالهم ونجحوا .. والله صندوق خيالي

يعني يسلفك .. ويدربك .. ويشرف عليك الى ان تنجح .. وترد المبلغ كامل زي ماهو بدون اي فوائد ربوية

مشكوووور اخوي خريج تسوق على افكارك الحلوه

واذا على تمويل المشروع مايحتاج اخذ قروض الحمدلله عندي من يمولني

ومن ناحية صندوق عبداللطيف جميل يعطونك اكثر شي 100الف لكن فيه غيرهم يعطونك 300 الف كلية خدمة المجتمع

ومشكووور عالمرور

اختي جيرنا دوري لك على بنات عندهم أفكار وموهبة التصميم وفكري في افتتاح محل
لتجهيز الحفلات وهدايا المناسبات.



اخوي خريج تسويق ودي أسألك عن طريقة التقديم على صندوق عبد اللطيف جميل

هل هي سهلة وكيف ؟؟

والله يا عزيزتي انا شخصيا كل اللي اعرفه انهم يوم كنت في الجامعة زارونا هناك وسووا محاضرة للتعريف عنهم وقالوا التقديم يكون عن طريق رقم تليفون لهم وعن طريق موقعهم ..


اتوقع لو دورتي في موقعهم على Google اكيد تحصلين كل معلومة تحتاجينها .. او اتصلي على الدليل واطلبي عبداللطيف جميل واكيد راح توصلين لهم ..


اما عن كون الموضوع سهل أو لا: فهم يجمعون الطلبات في قائمة ويختارون المتقدم الجاد فعلا والذي يتأكدون من امكانية نجاح مشروعه كفكرة ومستقبل ..


قدمي ومانتي خسرانة شيء بإذنه تعالى


ماجد

شكرا خريج تسويق

يعطيك الف عافية

الله يعافيكي عزيزتي



ماجد

ممكن تعاقدين مع مكتبة وتكتبين البحوث لهم بنسبة معينة

وممكن تكون مع محلات تغليق الهدايا كذلك

وممكن تحضرين طبخات واكلات وتبعينها وتخصصين بشي نادر ومرغوب مثل الحلويات

وممكن تكونين وسيط في المنتديات النسائية للي تحتاج بضاعه من المدينة الي انتي فيها
اسم البضاعه مثلاُ ويتم تحويل مبلغها مع الفائدة وقيمة التوصيل مع شركات الشحن امثال زاجل

في موضوع واحد ممكن تلاقين عشرين بنت توصيك وبعمولة بسيطة ولو حسبتي مثلاُ عمولتك 20 ريال لكل بنت راح يطلع لك 400 في موضوع واحد


وممكن اذا معك راس مال تشترين صفقات نسائية وتبعينها قطاعي على التاجرات

إقتناص الإعلانات بالجملة الي تخص الملابس النسائية

الافكار كثيرة لكن وضع البنت يختلف من بيت لبيت