طريقة الاستقالة من المدارس الاهلية ياهل الخبرة
السلام عليكم
حصلت لي مدرسة اهلية اخيرا بعد عناء ولفلفة في شوارع الرياض معانااة المهم العقد راح اوقعة معهم ان شاء الله بعد 3 ايام من الان 1 سبتمبر سؤالي الان ياطويلين الاعمار هو انا بقدم على وظائف حكومية ونتائجها ممكن تطلع بعد ثلاث اربع شهور يعني راح اقدم استقالتي خلال 6 شهور من الان فايش الاجرائات اللي راح يتخذونها معي اقصد هل ممكن انهم يماطلوني ويضيعون علي فرصة الوظيفة الحكومية وهل هناك شروط جزائية اتحملها؟؟ او هل انهم مجبورين على قبول استقالتي خلال 30 يوم المحددة من مكتب العمل لأنه في مدرسين سعوديين سابقين في المدرسة ومازالوا يماطلونهم ويبهذلونهم ولانزلوا اسمائهم من التأمينات لهم الان ممكن 3 اشهر فشايل هم انه ممكن يسون في مثلهم!!ا اللي عنده خبرة عن الاجرائات المترتبة على الاستقالة من المدارس الاهلية وطريقتها ياليت يفيدني لأني مابي اتوهق وممكن ماتجيني وظائف حكومية واستمر معهم الله اعلم :court: لكني اتكلم عن الامر المحتمل حدوثه وهو حصولي على وظيفة حكومية ان شاء الله ولكم خالص الشكر والتقدير |
المدارس الاهلية مستحيل تسقط اسمك من التامينات بدون مماطلة
مالك الا انك تروح للتامينات الاجتماعية وتسوي مطالبة باسقاط اسمك بعد ما تفيدهم انك قدمت استقالتك ويكون معك خطاب الاستقالة وما زال اسمك معلق عندهم وهم مومقصرين معك خلال يومين يسقطو اسمك من عندهم ...هذا افضل حل تسويه من يوم تاخذ الاستقالة روح للتامينات على طول لا تعطيهم مجال يماطلوك ...الله يسر امرك |
الله يسعدك ماقصرت معي
وان شاء الله اني اخذ بنصيحتك واسوي اللي قلته ومعك حق المدارس الاهلية بشكل عام لازم يبهذلونك في اسقاط الاسم عشان السعودة الله يعين عليهم واكرر شكري لك لاعدمناك |
ياجماعة الخير
الكلام الي تقولونه يشوفونه جميع الموظفين في المدارس الاهليه وممكن يكون بعضهم متشائم من كلامكم لا أعلم أي مدرسة هذه الي تتحايل وتحط نفسها في موقف محرج أمام الوزارات من وزارة العمل ووزارة التربية والتعليم من أجل موظف سعودي واحد يا أخي أبناء وأزواج المواطنات أو المتجنسات أو أو أو سم ماشئت أكثر من الرمل ويحسبون في نقاط السعوده لماذا تفكير العصابات وانهم مو ممكن يطلعونك عشان اسمك وغيره لو شافوا واحد عارف ماله وماعليه مابيفكرون يتساهلون معه ويستسخفونه ويلعبون عليه تقدم الإستقاله وتستفسر منهم عن اسقاط إسمك وهم بيسقطون إسمك لأنه مو من مصلحتهم على ذلك يكونون مجبورين لدفع الراتب لك وبإمكانك مطالبتهم بالراتب المدارس مو أغبياء يفتحون على نفسهم باب الي راح خلاص الله معه لكن الإجراءات الروتينيه ممله والشعب جااااااااااااهل بحقوقه وواجباته وبالإجراءات الموجوده في بلده تقدر من بيتك تتأكد هل لازلت موجود في نظام التأمينات الإجتماعيه أو لا وذلك عن طريق الموقع وتدخل رقم الهوية الوطنية وصلى الله وبارك سبحان الله وبحمده سبحان الله العظيم |
هناك مدرسة أهلية بجدة
استقال منها صاحبي بدون مماطلة وبالعكس وقف مالك المدرسة بجانبه وكان ودود معاه , ف مستحيل ان كل المدارس الاهلية بهذا الاسلوب |
الساعة الآن 10:02 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين