يعطيك ألف عافية اختي يمنى و جزاك الله خير لحرصك على مصلحة اخواتك الخريجات ♡♡

الله يعافيك يآقلبي .. آمين وياك والجميع

أهم شي كل وحده فينا تتابع موقع اخبار الوزاره باستمرار في حال نزل شي ولا تيأس
وبنفس الوقت تريح راسها من التفكير ولا تحاتي ابد إذا الله كاتب ينزل تقديم جديد بينزل وبنقدم عليه
بإذن الله .. وهذا اللي قالي المدير إننا نتابع الإعلانات باستمرار
وإذا مانزل تقديم الأيام جايه إن شاء الله الوظائف الإداريه بتفتح واللي بتلقى فيها وظيفه مناسبه لها تقدم

الله يرزقنا بأفضل من اللي راح ..

حرام ظلم والله ...وحده معاها بكالوريس ودبلوم تربيه خاصه ...تروح تقدم ب الإداري ...حتى الراتب حق الإداري ما يسوا ...يبغالها سكن ومواصلات واثاث وأكل من غير الغربه ...

طيب يآقلبي .. ماحد في الدنيا يقدر يجبرك على وظيفه مانتي حابتها
إذا انتي مقتنعه في التعليمي وماتبين غيره اسمعيني بنصحك كم نصيحه
اول شي انسي امر اي مفاضله راحت لأن الخير جاي بإذن الله ..

ثاني شي هيئي نفسك لأي مفاضله قادمه وركزي فيها بعدة اشياء ..

1- اولها اذا مانتي تربويه ادرسي دبلوم تربوي في أي جامعه حاولي هالسنه
في اي جامعه لو في الجنوب او الشمال
2- وإذا قادره تعيدي قياس شهر اربعه الجاي حاولي تجيبين كتب وتدرسين له منها
فائده ومنها تضيعين وقتك ومنها فرصه لرفع النقاط 40 بالميه مو هينه ترا
3- جمعي كل المعلومات عن مناطق المملكه عشان في اي مفاضله جايه تعرفين كم
رغبه تحطي وتتوسعين شوي بالرغبات

صدقيني التفكير في المستقبل افيد بكثيييييير من التفكير في الي راح

أنا عن نفسي من الحين احضر اعيد قياس وراح ادرس له كما لم ادرس من قبل
عشان ازيد نقاطي بإذن الله والله يوفقني وياكم لما يحبه ويرضاه وكل مافيه خير لي ولكم

يا اختى شكلك توك متخرجه ..أي مستقبل اللي تتكلمي عنه بطاله أكثر من تسع سنوات ومعاي حمدلله تربوي ودرجة القياس مقبولة ...إذا أنت عندك صحه قولي الحمد لله في غيرك مريض محتاج للوظيفه كل شهر وهو ف المستشفيات من غير الابر والمحاليل ونقل الدم ...وصابرين هذا الظلم بعينه ...بس الحمد لله تشوف مصيبه غيرك تهون عليك مصيبتك. ..

الحمد لله دائماً وابداً على نعمه التي لا تعد ولا تحصى ولا تقدر

أختي انا اسفه اذا كلامي ضايقك انا ماعرف عنك شي بس حطيت كل الاحتمالات
مادري انك تربويه ومجتازه قياس واسفه مره ثانيه الله يعافيك ويرزقك من واسع فضله ورحمته
ويسهل امرك .. :h

يعطيكم العافية 😘
يعني التربويات واللي اجتازوا قياس مايقدرون يتوظفون اداري ؟؟؟؟؟