تكفون فزعتكم الوضع خطيييير
بسم الله الرحمن الرحيم
السلام عليكم ورحمة الله و بركاته اللهم لك الحمد اللهم لك الحمد اختبرت استثنائي و اجتزت ع الحاااافة 😢 المصيبه طلع لنا مبارك العصيمي و قال اللي اجتازو من الانقلش و الرياضيات مجموعهم 598 وراح تكون فيه مفاضله واللي ما يتعين راح تلغى الدرجة و السنة الجاية ملزم يختبر حسبي الله عليهم ما ادري افرح او احزن 😪 لكن الحمد لله ع كل حال وبأذن الله تتسهل تكفون بسألكم كيف المفاضلة و اش الفرق بينها و بين الترشيح ... هل اذا ترشحة خلاص اعتبر عديت منطقة الخطر 😓 الان هل انتظر منهم رسالة او ايش بالضبط :c تكفون ابي شرح كامل مره واش تنصحوني فيه وكل شي مررررررره ولا تنسوني من دعائكم 😢😢 |
اذا بياناتك صحيحة ومطابقة
وترشحت هنا نقولك ألف مبروك لأن مابعد المطابقة بإذن الله اجراءات روتينية والله يوفقك ويكتب اسمك من المرشحين وعقبالنا السنة الجاية نترشح ولا تنسى وانت ماشي لصلاة الجمعة دعاءك مستجاب ادع لنفسك ولا تنسانا معاك |
اخوي راح ينزل اعلان بموقع وزارة الخدمه المدنيه عن قريب خاص فيكم ان شاء الله وهذا ماصرح به الاستاذ العصيمي
خلك متابع الاعلانات على وزارة الخدمه بعدها تدخل في تاريخ التحديث الي هم حاطينه وتسجل رغباتك وهذي هي ( المفاضله ) بعد انتهاء فترة التحديث راح تنزل اسماء المقبولين وهذا هو ( الترشيح ) وبعدها يستدعونك المطابقه في فرع وزارة الخدمه المدنيه واذا بياناتك مطابقه واخترت اكبر قدر من الرغبات راح تترشح بإذن الله .. وتطابق وما يبقى الا المقابله الشخصيه في وزارةالتربيه واذا لا سمح الله ما ترشحت راح تعيد الاختبار شهر اربعه العام القادم الي راح يبدا التسجيل عليه في ٢ صفر ان شاء الله وتنتظر اعلانات الخطه السنويه للاعلانات الوظيفيه الجديده .. الله يوفقك .. بالاخير اخوي ادعي لهم بدال ماتتحسب عليهم لانهم يعطونكم فرصه اضافيه ماحصلت لباقي التخصصات وادعي ربك يسهل امرك وامر جميع اخوانك وخواتك المسلمين عسى ربي يجعلها من نصيبك ويسخر لك خلقه القاسي منهم قبل اللين .. |
ايش تخصصك
|
انا اشرح لك يا الكيميائه
وزارة التربيه والتعليم احتاجت معلمين بتخصص الانجليزي والرياضيات فطرحت اختبار كفايات المعلمين استثنائي ، وقبل اعلان نتائج المجتازين صرح المتحدث الرسمي لوزارة التربيه والتعلميم بأن من يجتاز هذا الاختبار وما يترشح للوظائف اللي بتطرح كأنه ما اجتاز ولازم يعيد ، عساك فهمتي ؟ |
ادعي الله.وتوكل عليه.
|
موفقين بس المفروض حتى لو ماترشحتو ماتعيدون الاختبار مش نجحتو وهو مدته خمس سنوات ولابس استغلال ولهف فلوس
|
اللي مااترشح الان معناته درجاته مو هالقد
وفرصه يعيد ويشد حيله افضل عشان يرفع نقاطه وتزيد فرصته في الترشيح القادم من الاخر كلامه لمصلحتكم |
لكل من رد و علق
الف شكر لكم الحمد لله ع كل حال طبعا لكن من الظلم اللي ما يتعين يلغى اختياره اقسم بالله لا يبون مصلحه ولا شي كلها سرق بسرق |
سيف .. بشر اخوي اجتزت ؟
|
الساعة الآن 11:53 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين