قهررر من العطاله
 

السلام عليكم ورحمة الله وبركاته


اقسم بالله ياناس تعبت من العطاله والقهرر الواحد وده يستر نفسه عن الحرام والمذله :m

انا خريج كليه تقنيه قسم هندسه مدنيه دبلوم ولاني محصل وظيفه قدمت في البلديه ومافي رد ليا اكثر من سنه

قدمت على القطاع العسكري ولافي فايده ماحد قبلني او ردو علي كلها واسطات بواسطات

وشروط تعجيزيه واعرف ناس غير مطابقين للشروط ودخلوو شي يغبن والله الحرس الوطني 4 مرات اقدم فيه ولا ردو علي الامن العام قدمت ولا قبلومني قواة امن الطوارى ولا قبلوني مافي اي رد منهم مع ان طولي وزني كويس الحرس الملكي قدمت فيه ليا اكثر 8 شهور ولاحد رد ليا سنتين عاطل كل ماجاني واحد يسال هاتوظفت ولا باقي احس اني بموت قهر :c يااخوان اللى معه واسطه او شي يقدر ينفعني له مني اول 3 رواتب اذا تعينت بالحرس الملكي او الوطني يمين بالله وصلت حدي والله كل يومي اطلع اروح اكد بسيارتي المكسره علشان اكل ولا اطلب فلوس من احد حسبي الله بس

الله يرزقك بكل خير ويسهل أمورك

انصحك تدور وظيفة مؤقتة في احد الشركات حتى لو انها اقل من طموحك تابع المنتدى وبتحصل ان شاء الله
على الأقل تمشي امورك لفترة معينة

الله يرزقك

اكثر من الاستغفار اخي
و الافضل تختار واحد من طريقين _ افضل من انتظار الوظيفه
اما تكمل دراستك او
تشتغل شغله بسيطه ع حسب راس المال الي متوفر معاك
والرزق بيد الله سبحانه .. بالتوفيق يارب

الله يوفقك ، كان تبي المدرعات ارسل لي بالخاص و ان شاء الله ماراح نقصر معك

العسكريه اذا طولك وصحتك كويسه بتدخل
لا تنقهر ولا تحطم نفسك :h
خذ الدنيا بسهالات وتعيش:)

طيب هل أنت تبحث عن أي وظيفة ؟ أو تبي شيء معين ولازم ع تخصصك؟
أنا أقول طقطق بأي شي واكتسب خبرة وبنفس الوقت قدم هنا وهناك
لاتجلس .. الله يوفقك

الله يسعدكم كلكم المشكله حتى الوظايف الطقطقه ذي دخلت فيها واسطات

بلد نفطي واكثر من 3 مليون عاطل شي يقهر ومنزلين لك برامج زي وجيههم جداره وطقتها

هلا اخوي معليش الرساىل مغلقه عندي مدري وش السبب لكن

وش هي المدرعات اي قطاع وكيف دوامها ورواتبها

وشكرا لك

اخي الأفضل عليك بالاستغفار وان تكثر منه بنية الرزق وصدقني راح تلقاء مبتغك بس انك تداوم عليه وتخليه عاده ع لسانك والصراحه المدرعات ترا مافيه ترقيات أنصحك. تقدم ع المظلات

ممكن علشان عدد مشاركاتك قليله

معهد سلاح المدرعات بالقوات البريه ابحث عنها وشوف رأيي الناس

الي يعجبك خذه والي مايعجبك طنشه ، بس أنت حاول تزيد مشاركاتك علشان نتواصل بالخاص

اما رواتبها تبدا من 5500 وطالع ، وناس تقول ترقيتها متعبه وناس تقول هينه

------------------------------

ابحث عنها اسال وشوف وشاور يمينك وشمالك وزيد مشاركاتك كم حبه وارسل لي بالخاص

المظلات رواتبها حلوة وبدلاتها كثيره والجندي اول مربوط له يوصل لـ 8200 قابل للزياده

بس متعبه جدآ وماينفع لها الا الي قلبه جامد وفوق هذا وظيفه العمر


ومن ظمن شروطها تاخذ جميع الدورات من ظمنها الصاعقه بعد دورة الفرد الاساسي

وتاخذ تقريبا 9 شهور جميع الدورات وكل هذا بدون اي مربوط خلال الفتره هذي

فيه بدائل اذا كان الواحد ناوي على مربوط عالي وهو جندي

مثل الامن الخاص ، المباحث ، الطوارئ

واخيرآ الشرطه العسكريه بالقوات البريه رواتبها جدآ طيبه ودوامها ممتاز ودورتها سهاله

حاول وانا اختك طققطق باي وظيفه لو حارس امن لين يجيك مبتغاك وانصحك بالاستغفار اكثر بالاستغفار خاصه وقت السحر وابشر بكل خير

الله يوفقك ويرزقك ب الحلال عن الحرام // يقول رسولنا صلى الله عليه وسلم: ((من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب)). حاول تلزم الاستغفار وترجع لربك. الناس ماااابيدهم لانفع ولا ضر. ارجع لرب العباد.