مرحبا اخوي فيكتور
مثل ماوضحت في الاعلى ولكن اذا انت عندك محل خاص فيك او انه علاقتك في اسواق الجمله وتعرف تصرف بضاعتك روح سفره استكشافيه لانك راعي سوق وتعرف اسرار التجاره وتعرف اسعار الجمله وتعرف تصرفها فين
ولكن اذا انت مثلي ماعندك محل ومسافر علي انك تجيب بضاعه وترجع تشتغل تسويق مايصلح لك
لانه انا لمدة سنتين اكتشفت ان السوق السعودي او بالاحرى اهل المحلات يبون الشي الرخيص جدا يعني تحت عشره وخمسه ريال وهم يبيعون فوق العشرين ريال
اعطيك مثال كفرات الجوال النوع اللي نشتريه من السوق بخمسه وعشرين ريال حصلته في الصين بنص ريال ولكن يقولك تطلب طلب فوق خمسين الف حبه طيب اذا طلبت طلب مثل هذا كيف اذا رجعت السعوديه تبيعها هل انت قادر علي تصريف خمسين الف قطعه او مية الف قطعه طبعا لا
لانك غير متواجد في السوق ماعندك محل جمله او محل تجزئه او مندوبين تسويق كذا طلعت بيعتك خسارنه وراح تنزلها مزاد ويشترونها منك بخساره
يارجال انا جبت حاجات من الصين قيمتها بيع في السعوديه ١٧٠ ريال ولمن تدخل المحل تقوله تشتري مني بخمسين يقولك لا اشتريها منك ب ١٥ ريال في اكثر من كذا تحطيم هو ياخذها منك ويبيعها ب ١٧٠ ريال علي الزبون
السوق هنا صعب الدخول فيه الا اذا عندك راس مال قوي جدا قادر تفتح محل جمله وتجزئه وتسويق مندوبين
اذا بتسافر لااسكشاف روح شوف البلد يمكن تحصل فرص افضل من فرصي اللي شفتها
الزبده اذا تعرف تبيع في السعوديه روح يصير اذا المحلات ماشترو منك عندك محلاتك جمله وتجزئه
الشرا من الصين جدا سهل ولكن الصعب البيع في السعوديه بس هذا اللي اقدر اقوله

حبيت اضيف لك شي جيب معاك عينات من الحاجات اللي تشوف انه وراها مكسب وتعال السعوديه سوقها اذا حصلت زباين لها خذ عربونك او المبلغ كامل وروح الصين اشتريها وفي ظرف شهر وهي وصاله عندك ولكن خذ بعين الاعتبار الجمارك وهيئة المواصفات لازم تجيب شي يقبل في هيئة المواصفات السعوديه

السلام عليكم .....اخي عن أي مدينه تتكلم ..هل زرت سوق الفوتيان في ايوو لاني سمعت انه يبيع جمله وللكميات الصغيره وبسعر ممتاز

نعم رحت مدينة ايو وسوق الفوتيان واخذت فيها عشره ايام تقريبا
ورجعت لكوانزو عشرين يوم جلست فيها
سوق الفوتيان ضخم جدا ولكن مثل ماقلت لكم عانيت من سالفة الكميات

للحظة
ليش ماتسافرين للندن مثلا وتشترين كم فستان وتضمنين جودته ونوعه
وليه ماتتعاملين مع المصممات عندنا مصممات سعوديات معروفات وفالكويت خاصة
شوفي الاستقرام وتعاملي معاهم
وخاصة دحين للنساء يتوجهون اكثر للمصممات