حل جذري لمشكلة [تطلب إمتحان] (نظام جدارة)
 

طريقتك هذي معتمده ؟ لان خلاص مكتوب تم التدقيق اخاف اغير بالمعلومات وتروح عباره تم التدقيق ونتورط
من جربها يا ناس ؟؟؟ افيدونا

يعطيك العافية

طلال:

تعديل البيانات اللي تم تدقيقها= رح تطلّب فترة للتحقق والتدقيق.

جربت قبل شوي وفعلاً كل مره تحط اعمل ولا اعمل تظهر ايقونه الإضافة
لكن السؤال الأهم هل هذا يعتبر خلل تقني ؟؟
لان الوظائف تتطلب اختبار وحنا ما اختبرنا يعني يمكن انقبل على وظيفه فيهم عقب يقولون ما عندك اختبار وانكرش

ياليت تعطونا تجرباتكم وتقولون وش صار ومن جرب

والاهم هل سيتم التدقيق من جديد ؟ ؟؟؟ اذا كذا مشكله ما انصح احد يسوويها

انا لاحظت انه مكتوب عند خانة ( الدرجة العلمية ) انه تم التدقيق يعني حسب المعقول اني لو غيرت في المعلومات عادي ما راح يختفي التدقيق ، هذا اللي مفروض يصير لكن صراحه مادري



الحين اهم حاجتين لازم نعرفها

1- هل سيبقى التدقيق او يختفي ؟
2-هل اذا قدمنا على الوظائف هل سيتم قبولنا فيها او راح يتعذرون بكرا يقولون هذا خطا فني وانت ما عندك اختبار ؟؟؟؟ وانكرش ؟؟؟

هذا اقتباس من خبر في جريده :
اللي فهمته انه اختبار تشرف عليه وزارة الخدمة المدنية وتو تم تطبيقه لكن كيف ووين التقديم عليه ؟؟؟ هنا المشكله والظلم لاننا الأن ما درينا عنه وفجأه ننحرم من وظائف على شان اختبار مبهم وغامض طلع لنا فجأه

طيب اول حاجه عرفناها وهي ان عباره التدقيق ما تختفي وانها خاصه بالدرجه العلميه مثل ما توقعت
الحين حلينا مشكله
المشكله الثانيه ماهي قصه ابغى او ما ابغى انا باختصار مقدم على 66 رغبه ووظيفه ما تحتاج اختبار والباقي تقريباً 55 وظيفه لكن تحتاج لاختبار انا اخاف اضيفها بالحركه اللي قلت وعقب يستبعدوني ، الحركه ذي تنفع للناس اللي كل الوظائف اللي متاحه تحتاج اختبار كذا انا معهم سووها بدون شور ، واقرا الخبر اللي حطيته فوق

اذا سويتها راح يظهر لك في وقت اعلان المفاضلة عبارة
(( لا توجد وظائف تناسب تخصصك ومؤهلك العلمي ))

هذي خاصة للذين اختبروا فقط يقدرون يقدمون

يا شباب نصيحة لاأحد يغير شيء ثم يفوتك كم التقديم
هذولي ناس ماتطمع بالأخطاء
هذي نصيحة وأنتم بكيفكم

بالتوفيق للجميع

انا جربت ولافيه مشاكل

انا ماظهرت عندي وزميلي الاول ونفس التخصص ظهرت عنده
وزميلي الثاني.. ماظهرت عنده اتوقع من الموقع

مع العلم اني مختبر المره الماضيه اختبار الخدمه المدنيه في شهر 7 الماضي
ولاكن لم اترشح لان المترشحين 65 من اصل 4 الاف مختبر

التدقيق على الموهل فقط....الاشياء الاخرى عاديه

ايو جدارة الله يعيننا عليها انا ماجربت الطريقه كنت اسوي لاخوي الرغبات واستغربت من تتطلب امتحان كان الله بالعون علي هالوزاره

يقصدون الجميع لازم يختبر

لان
الاختبار المره الماضيه الاختبار كان لتقنيه المعلومات والمحاسبه والقانون
لايوجد له تقديم

..وانما تدعوك الخدمه المدنيه..لحضور الاختبار بناء على اختيار رغابتك في جداره وانا سبق انا اختبرت المره الماضيه
وهذا نص الاعلان السابق


الخدمة المدنية : الجمعة القادمة موعد اختبارات وظائف تقنية المعلومات
http://www.mcs.gov.sa/InformationCen...4350712-1.aspx

الخدمة المدنية : الأربعاء القادم موعد الاختبارات الوظيفية لوظائف القانون
http://www.alyaum.com/article/3145585

حاولت حاولت

ماضبط ماضبط

عطوني دبره

تتوقعون من تخصص لتخصص تفرق؟

ياخوي تراك اشغلتنا .. ماتبي تقدم بكيفك .. لكن لا تقعد تشكك


انا اتفق مع صاحب الموضوع .. نظام جداره فيه خلل .. لان الاختبار المقصود هو بعد ترشيحك للوظيفه يتم اختبارك واذا عديته توظف مثل تقديم الفتره الاولى