|
ما خاب من استشار
بسم الله الرحمن الرحيم
والصلاة والسلام على اشرف الأنبياء والمرسلين سيدنا محمد عليه أفضل الصلاة والتسليم اما بعد ..... اخواني ابي أستشيركم في مشروعين الاول محل مشويات سندوشتات طبعا كم التكاليف والثاني محل كل شي بخمسه 5 كم التكاليف وكيف أجيب البظايع بالجملة المخفضه وشكرا لكم وإذا احد عنده مشروع أحسن منها ينصحني بها الله يرزقه الجنة |
موفق ان شاء الله ..والله ماعندي فكرة لكن من ناحية التكلفة
هناك فرق كبير محل مشويات لن يتجاوز 50000 بينما ابوخمسة ربما يحتاج مبلغ اكبر من ذلك بكثير |
جزاك الله خير والله يحفظك
|
[SIZE="5"
]باختصار [/SIZE]ابتعد عن مشروع(ابو5) او ابو ريالين وغيرها.. لانها بحر.. ومحتاجه قوة في راس المال لتوفير كامل البضاعه اما المشويات فايعتبر خدمي(وراح يمشي معك) اذا ضبطت امورك من البدايه بس قبلها احرص على توفير المعلمين والايدي العامله وباقي الامور تعتبر بسيطه اذا راس مالك جيد >اجلس في يوم مطعم مشويات وبتعرف ان الامور بسيطه إذا حليت مشكلة المعلمين والعماله..! اما التكاليف فيه مطعم مشويات بـ٥٠٠ الف!! وفيه مطعم بـ١٠٠ الف!! وصدقني لو قدرت وحسبت مشروعك على الورق بـ٥٠ الف فاراح تتجاوز تكاليف تشغيلك الـ١٠٠ الف!!..ولهذا ترا تعثر اغلب المشاريع واللي انت جالس تقراءه الان في المنتديات شئ..والواقع شئ اخر!�� وعسى الله يوفقك |
جزاك الله الف خير
|
الله يوفقك ويكتب لك الخير
أخي الكريم محلات ابو خمسه وخلافه ابتعد عنه .. المشويات كذلك ابتعد عنها الذبايح غاليه والناس ماترغب اللحم كثير .. انصحك بمحل شورما فقط خلك تخصص فيها ولو يكلفك عمل السيخ مبلغ كبير ثق اذا ربك وفقك الزبائن ماتنقطع أما إذا مثل باقي المحلات تفتح وربح قوي بالبدايه لجهل الزبائن بالمذاق بعدها يتم الانقطاع لكن إذا الشورما ممتازه بيستمر والاسم احرص انه يكون خفيف ومحبب للجميع المهم الشورما يكون حجمها كبير وخلك اسبوع خصم 50 % لا تقول بخسر لا بالعكس راس مال السيخ بيطلع وفوقه حلاوه بعد لكن انت تكون كسبت زباين وتجمع كبير عند محلك وهذا يجعل المحل ملفة لنظر الماره وواقعينا نقول ماتجمعو الا الطعم غير لكن اعيد واكرر اخسر على السيخ لا تراخص السعر وياخذك الطمع فتخسر وتوكل على الله في السراء والضراء والله يفتحها بوجهك موفق خير |
انا اقترح عليك ان تقرأ هذا الموضوع عن مشروع جديد في المنطقة: حلويات تونسية فاخرة
https://www.btalah.com/showthread.*****..52#post8278152 |
جزاكم الله الف خير والله يرزقكم من حيث لاتحتسبون
|
اقتباس:
فعلا اغلب المشاريع تتعثر بسبب نقص السيولة في البداية وراس المال مايكفي دراسة الجدوى على قدر ماتكون دقيقة الا ان وقت التنفيذ تظهر مستجدات واحتياجات اخرى لم يحسب لها حساب |
المهم لاتتعجل روح لمحلات الموردين ومحلات الجملة واسألهم وشوف الافضل
ادرس المشروع بتأني وبتفصيل . حاول تكون ادارته تحت يدك وانت توقف عليه لاتعتمد على العمالة كثير خصوصا وان رواتبهم اصبحت بزيادة وتكلف عليك ميزانية اختر المشروع اللي تفهم فيه مثلا الساندوتشات عشان تقيم اللي تقدمة بين المطاعم الموجودة اشتري من كل المطاعم وشوف كل مطعم وش ميزته وش نقاط قوته ونقاط ضعفه عشان تقدر تضيف ميزة لمشروعك وتعالج نقاط الضعف عندهم بميزة عندك اما من ناحية السعر او حجم الساندوتش او جودة الحشوات والطعم . او الاضافات الاخرى للوجبة والامور الاخرى كالنظافة والعمالة الخ المزايا كثيرة لاتعد ولاتحصى وكذلك نقاط الضعف وادرس المنطقة واحتياجها |
| الساعة الآن 08:48 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين