استفسار بسيط لأهل الخبره
 

السلام عليكم ورحمة الله وبركاته

اخواني عندي سؤال بسيط ..

فيه احد المعارف قدم في وكالة سيارات وبالتحديد ( كيا ) ..

واحتمال كبير انهم يقبلونه في السكرتاريا ..

المهم

اللي ودي استفسر منكم ..

العمل عند وكالة للسيارات فيه مستقبل ولا يكون في فتره معينه ..؟؟

مثلاً وقت من دون سابق انذار يرفضونك وكذا ..

يقدر الواحد يأمن مستقبله ويضمن بعد الله سبحانه وتعالى ..

مثلها مثل اي شركة عملاقه ولا وكالات السيارات تخوف ..؟؟

اتمنى القى ردود عقلانيه ومن ناس مجربه وكذا ,.,

وخاصه عند وكالة كـيــــا او عند اي وكالة ثانيه ,.,

وكيف عندهم ترسيم ولا عقود سنويه ومن هالكلام ,.,

انتظر منكم الرد يا اهل الخبره ,.,

قريبي سألني وانا من جنبها ما جربت الشركات ولا اشتغلت فيها ,.,

وخاصه للسيارات احسهم بعد اي وقت يقولون لك رووح ..

وان شاء الله ماثقلت عليكم

اخي الموضوع عمل وهو يستلم عليه راتب وليس هناك فرق بين شركه واخرى بالنظام تويوتا مثل نيسان وانصحه بهذة الامور يجب ان يعرفها:
1/ عقد رسمي
2/ وصف وظيفي للوظيفه سكرتير
3/ من مديرة المباشر
4/ انظمه الشركه
5/ تسجيله بالتامينات الاجتماعيه
وبعد كذا خلاص هو بالسليم

صدقت،، وازيد على الاخ كلام بسيط ،، ان وكالات السيارات رواتبهم محدوده ولا فيه حوافز تشجع اكثر كل هذا مو مهم المهم انه يكسب خبره وياخذ دورات في مجال عمره ويعرضها على المسؤولين عنده عشان يرفعونه او يرقونه ويستفيدون منه،،، واذا شاف انهم مالقو له بال يقدم على اماكن ثانيه ولو قبلوه اي مكان ثاني ياخذ اجازه من هذولي ويروح لللي قبلوه اذا ناسبه يستمر واذا لا بيرجع لعمله،،

حاول تقوله هالكلام عشان يتوظف وهو مرتاح مو يتوظف ويقعد خلاص،،

:d