مراجعتي للحرس الوطني بالرياض يوم الاحد 1435/11/20 ...
بسم الله الرحمن الرحيم
السلام عليكم ورحمة الله وبركاتة يوم الاحد تاريخ 1435/11/20 الساعه 1.30 الظهر راجعت الحرس الوطني بالرياض وتوجهت لشباك تنسيق الدورات وسألت الموظف وقلت له انه الى الأن ماجاني اي رسالة او اتصال لتنسيق الدورة وقالي انت وشو تخصصك قلت له والله مدري بس الظاهر مشاه قالي هات رقم بطاقة الاحوال وشيك على أسمي وقالي لسه وأنتظر لمن تجيك رسالة او اتصال يعني هل في دورات جايه على حسب التخصص او يأخذون ويبتدون على حسب التخصص او كلنا لواء الملك عبدالله نفس الشي ما ادري ما سألته بعد كذا شفت الضابط العيسى بيض الله وجهه وسألته عن موضوع الدورة وقالي لواء الملك عبدالله بالاحساء صدر قرارهم ودوراتهم راح تبتدي من شهر 2 هجري على السنه الجديدة 1436هـــ وقالي ان في دورة راح تبتدي بداية شهر 2 وفي وحده راح تبتدي نهاية شهر 2 وسألتهم لسه في تسجيل فاتح وقالو لي ايه لسه في تسجيل وسألوني شنو الشهادة وقلت لهم جامعة وكلية تقنية قالو لي ايه خلهم يجون وسأمحوني نسيت أسألهم هل يبون ثانوية او لا الى نأوي يروح يسجل اقوله يروح يتوكل على الله ويجرب حظه والرزق بيد الله بس الأكيد في تسجيل والمبنى فاضي الظهر ولو شهادتك مو مقبوله عندهم تقدر تتفأهم مع الضابط العيسى في هالوقت مافيه احد بالمره الى يبي يسجل يشوف هذا الموضوع يمكن يفيده https://www.btalah.com/t572978.html بالتوفيق |
الله يبيض وووجهك ويوفقك
|
يعطيك الف عافيه اخوي
|
بيض الله وجهك والله يكتب لك القبول وجميع من ققدم
|
:c الله يعطيك الف عافية و يفتح عليك الارزاق كلها
انا معي جامعة سجلت قبل شهر و للحين ما قفل التسجيل ولا ارسلوا رسالة , ودي اروح بس انا بالمدينة , انت لما كلمت العيسى وقالك خلهم يجون وش الاوراق المطلوبة |
اقتباس:
أخوي اختصرها عليك وخذ الكلام الصحيح تبي وظيفة خذ اوراقك ورح الرياض مبنى التجنيد رقم 21 النت كلام فاضي وقليل يقبلون عن طريق النت الاوراق المطلوبة 8 صور لشهادتك 8 صور شخصية بشماغ بغتره مكشوف الرأس كل واحد 8 صور بطاقة الاحوال الشخصية اي شهادة اي خبره واذا عندك رخصة عمومي خذ لهم صور ووديها معك وعطهم ايه افهم كلامي اي شي عندك اي شهادة وديها معك حتى لوشهادة بلاي ستيشن وديها معك وبس هذا المطلول لاتودي معك ملف اخضر بس اوراق في بداية الموضوع هذا في رابط لموضوع اخر ادخل عليه واتبع الردود الى فيه وراح تفهم كل شي بالتوفيق ... |
وعليكم السسﻻم ورحمة الله وبركاتةةة
يعطيك الععافية وبيض الله وجههكك مم قصرتت آنتظر رسالة ( تنسيق الدورات ) مسلم اوراقي بشهر 8 الله يسهل وييسر الاممور |
Up up
|
انا مثلك اخوي اروع مخلص اوراقي في شهر 8 وانا في كتيبة 122 اللواء الملك عبد الله ومقدم بالثانوية وتخصصي مشاه ومعي كان مجموعه من اخوياي نفس تخصصي وشهادتي وبعضهم في كتيبة 121 و 123 وجاتهم رسايل بس غيرو اللواء حقهم من الملك عبد الله الى اللواء الامام محمد و اللواء سعد وبالرياض والحين هم بالدورة الا انا ماجاني شي وراجعت بنفس التاريخ تقريبا الي راجعت فيه انت اتوقع وعطيتهم بطاقتي وقالو لي تنسيق الدورات : انتظررر ع السنه الجديده
والله يكتب لنا الخير ويوفق الجميع |
الله يوفقكم ياشباب
معي رخصه عمومي ثقيل ورخصه خصوصي وثانوي تتوقعون يقبلوني لو رحت الاحد ماش الثانوي طايح سوقها هههههههه بس الرخصه الثقيل يمكن تزبطني شوي |
الساعة الآن 08:31 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين