اقتباس:
دايم أعيد وأكرر على اللي بيتعلم البرمجة قاعدة مهمة ( ابتعد عن مايكرسوفت ) احترافك لمنتجات مايكروسوفت ( أكسل أكسس فيجوال أو ASP.net ) لن يخدمك كثيرا وسأقول لكم لماذا : 1-مايكروسوفت تحتكر الشيفرة المصدرية لمنتجاتها وأي مشاكل تحتاج ترقية أو إصلاح مستقبلا فستكون تحت رحمة الشركة وانتظار التحديث لأن مايكروسوفت لاتسمح للمطورين والمبرمجين بتطوير منتجاتها أو الإضافة لها . 2-مايكروسوفت قد تتخلى عنك في أي وقت وتوقف الدعم عن لغة من لغاتها البرمجية فجأة وبدون مقدمات فتصبح أنت وخبرتك في مهب الريح .. وكلنا يتذكر فيجوال بيسك 6 التي تخلت عنه مايكروسوفت وتوقفت برمجياته واضطر مبرمج الفيجوال 6 لأن يطلع السلم من جديد ويتعلم الفيجوال دوت نت . 3- برامج مايكروسوفت تعتمدها الشركات والمواقع الحكومية الكبرى ولن تجد لها مردود مجزي على المستوى الشخصي وسوق المشاريع الشائعة .. وحلولها البرمجية قليلة مقارنة بلغات البرمجة مفتوحة المصدر التي ستجد لها العديد من المواقع ومنتديات الدعم والنقاش إخواني توجهوا لبرمجة الويب .. اللي يبغى يبرمج للويب ليتوجه إلى Php + MySql وإذا أتقنتها رح تبطح في بيتكم وأرسل سيرتك كمتعاون فقط مع شركات الاستضافة والتطوير على النت وهذا وجهي إن لقيت وقت تحك راسك :y |
اقتباس:
شكرا عمتنا ومشرفتنا الراسية تم التفعيل :Thumbs: |
اقتباس:
وردك أعطاني دافع كبير لأستمر بالموضوع وحسسني أن فيه من يبغى يستفيد فعلا .. لك رسالة على الخاص اقتباس:
اقتباس:
اقتباس:
اقتباس:
اقتباس:
أول يوم : مقدمة عن لغات برمجات الويب وأنواعها Client Side و Server Side ثاني يوم وثالث يوم : HTML الوسوم الأساسية ثالث يوم : وسم <form> اللي هو الاستمارات والحقول والخيارات ولازم يعرف الشخص الخصائص والوسوم التالية للفورم <input> الميثود method والأكشن action وطرق الإرسال POST GET بقية الدورة PHP إلى آخر 4 أيام نأخذ قواعد البيانات MySql اقتباس:
الله يسعدك ويسهل امورك ويرزقك أضعاف ماتتمنى على حضورك ودعمك وتشجيعك لنا .. جميلك بيكون بأرقابنا كلنا أستاذ خالد بانتظار جوابك وهذا ردي لمن استصعب موضوع البرمجة طبعاً اتكلم عن الإتش تي مل بحكم إني أخذت خلفية كاملة وباقي أرجع من جديد للحفظ والتطبيق حبة حبة ان شاء الله يا إخوان شوفوا هذا الكود أو هذي الكلمة Thumbs ما لها معنى صحيح ؟! طيب أضيف نقطتين قبلها ونقطتين بعدها شوفوا وش طلع معي :Thumbs: <<< طلع معي هذي الصورة الرمزية هذا موضوع الإتش تي مل باختصار يعني رموز وأكواد تسويها بالمفكرة ولما ترفعها بصفحة على النت كل كود له وظيفة خاصة كود لتكبير الخط وكود للألوان وكود لإضافة صورة وكود لإضافة جدول وكود لإضافة رابط يعني كأنك تشتغل على صندوق الرد بالأسفل لكن الفرق إنك ما تشوف شغلك مباشرة لازم ترفعه على النت وتشوف وش صار معك .. هذا الموضوع باختصار شدوا الهمة .. نبغى يطلع هذا الموضوع أقل شي 10 مبرمجين وانا أولكم بإذن الله ونسوي قروب ونتواصل والفضل بعد الله لأستاذنا خالد الأثر قبل يكون خالد الحرف [/align][/QUOTE] لك رسالة ع الخاص لاتنسى :Thumbs: |
اقتباس:
محمد وبقية الشباب .. الكلام اللي باقوله لكم هنا والله مايقوله لكم أي مبرمج لأني سأحدثكم بقلب محب لأبناء ديرتي ونفسي أشوفهم يدخلون هذا المجال .. وجربوا تسألون أي شخص يعمل في هذا العمل وستجدون عبارات التعقيد والفلسلفة وزي اللي يقولك لاتبالشني في رزقي :mish: ماعليكم كله كلام فارغ ولن أجد مثالا حيا أستشهد به سوى تجربتي التي سأصدقكم فيها دون أسرار .. أنا اختصاصي أصلا (معلم لغة عربية) :) البرمجة دخلتها هواية فقط ولست حتى متفرغا لها بحكم عملي الحكومي راتبي من التدريس ماعمري اعتمدت عليه ولا احتجت له بفضل الله تعالى.. يشهد الله متى ما احتجت مبلغ شغلت كمبيوتري يومين ثلاثة ودخلت المبلغ اللي أبغاه وزيادة .. هواية البرمجة كانت أبرك من الراتب والقروض اللي راحت خساير أسهم .. بالعكس البرمجة عزوة كل مابغيت صيفية أو سيارة أو مشروع جانبي أو كاش شغلت جهازي فقط .. أدخل آخر الأسبوع وأحصل عشرات الرسائل من شركات الاستضافة أو من عملاء عندهم مشاكل ويبغون حلول تاخذ على المشكلة بالميت ( 1000 ريال ) والحل 90% ماياخذ منك ربع ساعة .. بس أحيان نقول للعملاء انتظروا للغد عشان مايتحسف وهو يدفع . مشاريع خاصة ( برامج - مشاريع تخرج ) مثلا تاخذ عليها من 8000 - 15000 ريال وماتاخذ منك 4 أيام عمل طبعا هذا بعد ماتصل مراحل متقدمة وتصير فاهم كيف تضع أدواتك وأكوادك الخاصة اللي تسهل عليك القيام بأي برنامج بشكل سريع. تعاقدات ودورات برمجة خاصة تسويها بمبلغ يوصل 3000 ريال لمدة أسبوعين مكثفة .. معاهد تبحث عنك لتعطيك 30% من الدورة الخاصة بتطوير الويب .. شركات لها وزنها تبحث عنك وأنا بنفسي سمعت ناس كثير يقولون شركات الاتصالات والبنوك حاطين صفحات توظيف ماحد يرد عليها .. جربت وراسلتهم باختصاصي كمبرمج مواقع ماكملت يومين إلا شركة STC وبنك سامبا داقين علي .. يالربع تبون تحفيز وكشف أوراق أكثر من كذا ؟؟ اقدموا واعزموا بلا تردد فالمستقبل والأمان الوظيفي والمالي قدامكم ......وبس :mad: |
أعزائي راسلت كم واحد هنا على الخاص .. حسيت فيهم صدق التوجه لتعلم البرمجة
وربي يوفقنا وإياكم جميعا |
طرح جمممممممممميل أشكرك أخي خالد على هذا التحفيز سأبدا من اليوم ان شاء الله
جزاك الله كل خير على هذا الدعم المعنوي |
باعطيكم حكاية برنامج سويته في يوم واحد وبدون نفس .. فأصبح هذا البرنامج يدخل شهريا أكثر من 30 ألف ريال :)
ديرتي الأصلية منطقة نائية وأقرب مكان فيه إنترنت وكمبيوتر يبعد عنها حوالي 50 كيلو أقاربي وقريباتي هناك كل شوي واحد يدق علي ويطلب مني أحدث لبناته أو أولاده حافز ..والقرايب يجيبون لي ناس عزيزين عليهم حتى وصلت الأسماء حوالي ( 50 ) اسم لازم أجلس أحدث لهم أسبوعيا وأدخل على حساباتهم واحد واحد:c قررت بعدها أسوي برنامج أجمع فيه الأسماء كلها وأخليه يقوم بالتحديث تلقائيا بشكل يومي وهذا عن طريق دوال خاصة بلغة PHP اسمها Curl .. وبالفعل جلست ليلة واحدة فقط وبرمجته ومن قل الاهتمام رفعته على موقع مجاني أي كلام المهم يؤدي الغرض . جلست شهر ولاحظت فعالية البرنامج فقلت ليش ما أفتح البرنامج للجميع وأحط موضوع بمنتدى القبيلة عشان يسجلون كلهم وأخدم أكبر عدد من الجماعة بحكم أن غالبيتهم شيبان والمشوار بعيد عليهم .. فقمت بفتح البرنامج للتسجيل وحطيت موضوع بالمنتدى للي يبي يسجل ويفتك من تحديث حافز. جلست يومين إلا يكلمني واحد من الجماعة يملك مكتبة في مدينة الدمام ..وقال لي أبي أشتري برنامجك وأقدم خدمة تحديث حافز لعملاء المكتبة !!! فقلت له خذه بلاش :) فقال لي ماني ماخذه بلاش كم تبي فيه؟! وبحكم أن البرنامج ما أخذ مني جهد وماني خسران فيه طرى ببالي أستثمره معاه في المكتبة وإذا جاب دخل خير وبركة وإذا ماجاب شي بسلامته :) رديت عليه وقلت أبغى نصف دخل البرنامج الشهري من عملاء المكتبة وأنا علي أركبه بموقع خاص وأشرف عليه بنفسي عن أي مشاكل .. وبالفعل ركبته ووضع الرجال لوحة كبيرة صفراء أمام المكتبة (تحديث حافز بشكل منتظم 20 ريال فقط ) واجتهد في الإعلان عنه في محيطه وعن طريق الإنترنت وعن طريق زوجته وخواته لنشره بين النساء. وصل التسجيل في البرنامج لعدد ( 1800 ) مشترك والدخل وصل لأكثر من 30 ألف، وأصدقكم القول والله ماتوقعت :y:y ظل البرنامج يدخل علينا مبلغ محترم حتى انتهى حافز الأول ثم توقف البرنامج .. حافز الثاني انتبه المبرمجون لموقع حافز هذه المرة وقاموا بتعطيل بعض الخصائص التي تمكن المبرمجين من الاتصال وتمرير الأسماء من خارج الموقع وأضافوا عليه الدورات وبعض الاستبيانات اللي صعبت مهمة الاتصال به فقلنا بلاش :b البرنامج لو دورته عندي بين الملفات لعلي أحصله للي يبغاه .. وقد يخدم البرنامج في الدخول بدلا عنك في حافز بس ماراح يتعامل مع الدورات والاستبيانات بشكل سليم دمتم بخير جميعا |
الله يجزاك خير اخوي خالد
انا خريج علوم حاسب آلي من ام القرى وللأسف ماستفدت كثير بحكم ان الدراسه كانت بشكل عام وبدات ادرس Html من المواقع واليوتيوب فتره وتركتها والحين بعد قريت كلامك بأذن الله راجع وبقوة وبديت في مراجعة html وبعدها باذن الله ببدا في PhP شاكر لك دعمك لنا وكثر الله من امثالك الله يوفقك ويوفق الجميع تحياتي لك |
هلا اخوي خالد شكرا على نفسك الكريمة اللي تحب الخير لغيرها ولاتحسد سوالي هل يتطلب مني هذا المجال الحضور مثلا لمن يريد تطوير موقع او شغلة يعني لازم احضر شخصيا واظبط لهم ام اني ونا في مكاني اراسلهم واشتغل واطور ونا في مكاني وتسلم وسوال بعد من وين ابدا ادخل ايش اول شي وشكرا
|
اقتباس:
أما بقية العمل مايحتاج وتقدر تسويه من بيتك دون حضور.. عشان كذا يناسب الجميع نساء أو رجال يتكرر السؤال دايم : من وين أبدأ مع أني كتبت تعقيب فيه الخطوة الأولى .. لكن الظاهر بأني سأفرد موضوعا مستقلا بذلك . |
الساعة الآن 10:41 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين