عاطلات قسم التاريخ والجغرافيا
السلام عليكم جميعاً
كيفكم البطاليين فالكم التوظيف جميعاً :m انا ادخل فترات وفترات لا انغبنت جيت اقرا معاناتكم عشان تخف الغبنه ولا راحت الغبنه التهيت بذا الدنيا :b ومااعرف وش الشروط هنا و القوانين وهل الموضوع مخالف او لا مدري :c الزبده حنا يابنات التاريخ والجغرافيا مسحوب على امٍ امٍ امٍ جابت امٍ اومنا :b القسمين ذولي الخريجات الجالسات بالبيت يكفون لتدريس 10 اجيال جايه :m لازم يقفلون هالقسمين اتقاءً لشر الموت بالغبنه الزبده لازم يلتفتولنا شوي احنا القسمين الوحيده اللي احتياجها اقل من القليل احتياج السنه ذي ما وصل حتى العشرين وبنجران و قراها بس لازم يلتفتولنا شوي لازم نتحرك شوي وزي ما لقو حل لموضوع خريجات المعاهد وكليات المتوسطه لازم يلقولنا حل مستقبلنا ضايع و قسم :m اكتب وانا كلي غبنه والعبرة خانقاني :z :m نفتح هاشتاق نتصرف لازم يلتفتولنا شوي ما حنتوظف التعليمي ما بنحصله مع الخريجات المتكدسات بالبيت الإداري ما هو من نصيبنا لاننا تربويات هذا والله ولي التوفيق :m لاتحذفون الماضوع ::mm |
حسبي الله وكفى
انجليزي ولا توظفنا بسهوله الله يفرجها ع الجميع من اوسع ابوابه |
والله يا اختي مدري وش اقولك الله يفرج همكم يارب
لا وازيدك من الشعر بيت جامعة الامام الان راح تفتح ها التخصصين تاريخ وجغرافيا !!!!!!!!!!!!!!!!!!!!!!!!! شئ غريب عجيب بدل مايتوسعون في التخصصات الدقيقه المفقوده في السعودية من النانو وغيرها يكررون بعض التخصصات . |
اقتباس:
حتى الاحتياج لكلية العلوم قليل ويكاد لا يذكر :) أختي رضوانك .. 2 من زميلاتي حاصلات على درجة الماجستير في تخصص ( تقنية النانو ) وحتى الآن لم يجدن أي وظيفة تتناسب مع مؤهلهم؛ وبعد مراجعتهم للخدمة المدنية .. تمت إفادتهم بأن سوق العمل لا يحتاج لتخصصاتهم في الوقت الحاضر :) المشكلة مش في استحداث تخصصات جديدة؛ المشكلة الأعظم تكمن في انعدام الاهتمام بتفعيل هذه التخصصات على أرض الواقع .. لا مراكز بحثية ولا تخصصية تهتم بهذه المجالات. الدول المتقدمة تتقاتل على هذا التخصص والتخصصات المشابهة.. إلا هنا ماشيين وبكل فخر على خططهم المهروسة. بعيد عنك. |
اقتباس:
انصحك بتطوير لغتك وباستغلالها في التوظيف. أهم القطاعات الآن أصبحت تشترط اتقان اللغة للقبول في الوظيفة. ربي يوفقنا واياكِ. |
بريانا
حسبنا الله وكفى رضوانك يا الله التاريخ والجغرافيه لاااازم يقفلوه القسمين ذولي بلا فايده كفايه انو جمعوه بماده وحده اللي هي الاجتماعيات فرصة توظيفنا شبه مستحيله تحول يقظ لا حياة لمن تنادي نحنا مو قاعدين نتقدم ولا بمجال لا تعليمي ولا غيرو احتا متأخرين بكل شي سياسة التوظيف ما حتنجح ولا حتساعد بمعضلة البطاله كل سنه تأخير لنا نتقطع من الغبنه والقطاع الخاص ياخذك لحم و يرميك عظم |
مسااء الخيرات
فعلا كلامكم واقعي مافي مجال للتوظيف والجلسه بالبيت احسن حل |
انا في منطقة مافيها قطاعات خاصه عشان استغل لغتي
والقطاعات الحكوميه مثلك شايفه مايعطون احد وجه قسم بالله اني افكر تفكير جدي اني اقدم بالثانوي على ساعد والله يلعن من كان السبب |
هي مشكله تاريخ ولا جغرافيا ولا تربوي وغير تربوي ولا نانو
انا ودي الم هدومي في بقشه واطلع من البلد بدون رجعه |
من جد هالقسمين مالهم حظ بالوظائف كلها بالقطارة وتنعد بالأصابع ومافي مجال الإ تعليمي ولازم قياس :b وحتى لو بتكملي دراسات عليا عقدوها بالمعدل وإختبار القدرات "P الله كريم :h |
الساعة الآن 12:03 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين